Hoseya 2:8 - Luganuzi Luswanu Kuli Wanhu Wose 2002

⁸ Hamba si kosuma kumanya vyono, ane yonene mono namupela wuhemba, ne divayi, ne mafuta, ne zifweza zose, hamonga ne zahabu, vyono yetumamilaga mu wuhemba Baali.

Hoseya 2:8 ပူးပေါင်းရင်းမြစ်များ

1 Zinghomo 29:16

Gwe go Muwaha Mulungu, go Mulungu wetu, ase wose hamonga, cikuletela sawo yiyi yose, so wuzenjela Nyumba yako, ho cilikumye litagwa lyako lyono lyelile. Ninga hamba nhavivyo, i vinhu vivi vyose nha vyako du gwegwe, kanyhi vilawaga kwako.

Jobu 19:8

Mulungu kakondya kuyidinda nzila, nane hamba si nosuma yaye kupuluta. Kawuhundika wukolo wangu mu wutitu.

Isaya 1:3

Hamba ne zing'ombe, nha zimumanyile mono yazisawile, ne zindogowe nazo, zimanyile manyi manyi hanhu hono mutwa wawo kazidimilaga. Ninga woyi hee! I wanhu wangu Waisilayeli si wamanyile yaye, hamba kwizuka du bwete.”

Isaya 46:6

Wanhu wawopolaga vifuko vyawo wawa kumwaga zahabu hasi, wakuwa kupima fweza mu vipimo. Hanyuma wawa kumutuga mutyani yawatyanile mulungu, hanyuma wawa kwinama ha mwande yo mulungu yuyo wawa kumuhemba!

Yelemiya 7:18

I wana wawo, wo watenyi we zingwagu, i wasogo zawo, wo wapembi wo moto, i wanyina zawo, wo wavuwi wo wusaje ho wamunozeze mikate, u mulungu we cicekulu mono wamucemaga, mulungu we cicekulu wa ku wulanga. No kuyijidila milungu yinji, i vilavywa vye divayi, ho wanghoze likuwo'ne.

Ezekiyeli 23:41

Wakekala mu magoda maswanu, na ha mwande yawo, wakatenjelwa meza yono yali yimemile vinhu viswanu muno, hamonga no wuvumba, ne mafuta gono nali niwapelile.

Danyeli 3:1

Mutemi Nebukadineza yakanoza cihwani ca zahabu, cono cali cina wutali wa mita makumi mejete na mupunghati, no wugazi wa mita yidatu. Yakacisimya mwi'lolo lya Dula, mwi'tumbi lya Babiloni.

Danyeli 5:23

Nagwe wetuma zono si zikumwendeza Muwaha Mulungu wa ku wulanga, hambi nha kuvisola vikombe hamonga ne zibakuli, vyono sogo yavisola mu Nyumba yo Mulungu. Hanyuma gwegwe ne wawaha, ne wagolece zako, hamonga ne wajitulwa wako, muwa kuvitumamila so wung'wela divayi, akuno mukuyikumya milungu yono minozwe ne zahabu, ne fweza, ne shaba hamonga ne cuma ne mabici ne mabwe, milungu yono siyihulikaga hamba kuwona yaye, yono siyimanyile hamba cinji co cose. Hamba si wusacile kumupela lilumbo ne cogopo u Mulungu mono yena no muhe wako mu mawoko gakwe, na mono kakulongozaga muli zose zono wukwituma.

Hoseya 10:1

Waisilayeli wali wenha kotya nha muzabibu wono wulelile zabibu nyinji muno. Mu nghango yo wumoteswe wawo, yikawa yo nghango yo wonjeleze wo kuzenga vikumbicilo vinji. Na mu nghango yo wulezi we yisi yawo vyono wali winha, ale, yo nghango yo wuswanu we masumbili ge mabwe maswanu gono wanoza, gono wahembaga.

Hoseya 13:1

Vipango vyono vyapuluta, lono wo mulango wa Efulayimu walongaga, ninga we milango yinji ya Isilayeli wogopa, wakawa wamulanjile Efulayimu. Ninga wanhu wetuma wubi so kumuhemba Baali, na ku soko yiyo, wofwa.

Hoseya 13:2

Sunga nalu wakucila kwituma wubi, wakwinozeza vihwani ho wavihembe. Wakwinozeza vihwani vya fweza, vinozwe ne miwoko ye wanhu kwe mahala gawo weneco. Nawo wakutya, “Ale muvilavizyaje makumbiko!” Alu wanhu ho wovinonela wule vihwani vivyo, i vihwani vyono vine futa ye zindama!

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”

Hoseya 4:11

Muwaha Mulungu yakutya, “Divayi yose, mhya ne huma, yikuhodanga mahala ge wanhu wangu!

Hoseya 8:4

“Wanhu wangu wakwihagulila watemi, ninga wakwituma zizi wali wene. Wakwiwicila wawaha hamba kwilumbaniza nane ng'o, wakusola fweza zawo na zahabu, wawa kunoza vihwani so wongomele wawo weneco.

Habakuki 1:16

Sunga wakuzihemba zinyavu zawo, no kuzilavizya makumbiko, vyono zinyavu zawo zikuwapela iviswanu vyose.

Luka 15:13

Hanyuma ya vilo vicefu, u mwana mudodo yakawa kuguza u wuhazi wakwe, yakatuluka ne zipesa zakwe zono yazituga, yakabita yisi yinji ya kutali, kono yeyagaziza sawo yakwe mu mikalile mibi.

Walumi 1:28

Kanyhi vyono iwanhu wakalema kuwa hamonga no Mulungu, nayo Mulungu yawalecile mu mahala gawo go wajilile, ho wetume zono si wali wanojeye wazitume.

Wukumbucize wo Wulajilize 8:18

Langa mweze kukumbucila vyono, Muwaha Mulungu, u Mulungu wenyu, yo yakumupelenyi wusume wo kugolipa. Nayo yakwituma zizi vyono mwene kekalaga mwihuwilwa sunga izuwali, ku cilagane cono yacinoza ne walezi wenyu.

Walamuzi 9:27

Na ku soko yiyo wose wakenuka wakenjila mu migunda yawo ye mizabibu, wakahepa zizabibu wakanoza divayi no kunoza Sikukuu. Wakenjila mu nyumba yo mulungu wawo kuko wakalya no kung'wa na kulonga zimbi kuli Abimeleki.