Hoseya 2:7 - Luganuzi Luswanu Kuli Wanhu Wose 2002

⁷ Nayo kowamanyhilila wendece wakwe, ninga hamba si kowatuga yaye. Kowalondola, ninga hamba si kowawona. Hanyuma kotya, “Alu neza kuwuya kuli mulume wangu u mulongozi, hambi u wuwe wangu wulongozi, nha wali wuwe wuswanu muno, si nha wuwe wono nina nawo aluno.”

Hoseya 2:7 ပူးပေါင်းရင်းမြစ်များ

2 Zinghomo 28:23

Yakalavya makumbiko kuli milungu ye Waashuli wono wamusuma. Hambi nha yatya, vyono “I milungu ye Waashuli, yiwataza watemi wa Siliya, holeka nane hono niyilavizye makumbiko, nayo yomhela wutazi nha vivilya.” Ne nghani yiyi, yikamuletela wongomezwe, mwene hamonga ne likungugo lyose lye Waisilayeli.

Zabuli 116:7

Holeka go nhumbula yangu, wutule muli'ne, hambi Muwaha Mulungu nha kanhendela ziswanu.

Isaya 30:16

Ati langa mukusaka mwiponye nyo weneco kuli walugu wenyu, mu nzila yo kupanda zifwalasi zenyu mumanyhe muno, muwatize. Heya vyo yinha, hambi nye nha mukusaka mwiponye du! Mukwihwesa vyono zifwalasi zenyu zowa manyhi kuciza. Ninga mumanye nha vyono, wawo i walugu wenyu wono wakumutyatililenyi mu nyuma, wowa wamanyhi muno muno kumucizenyi nyenye.

Yelemiya 14:22

Hambi mu makungugo gose, nha musina cihwani co cose cono cosuma kutonyeza mvula, sunga ne mavunde, nha sigosuma geneco du kunyunyutya mvula. Holeka ase, witumbilo wetu wose, wuli kuli 'gwe go Muwaha Mulungu go Mulungu wetu. Hambi nha yo gwegwe du mono kwitumaga zizi zose.

Yelemiya 2:2

niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Yelemiya 2:28

“Alu i milungu yono mweyinozeza nyenye nyo weneco, yili hayi lu? Nanye kolo mwenjila mu magayo, mweze yileka le yimuponyenyi, hono mbeka yosuma kumuponyenyi! Nagwe Yuda, wina milungu minji muno, hambi liwalo lye milungu yako, nha liling'aniye ne liwalo lye zikaya zako.

Yelemiya 2:36

Hambi nha mweyibedegala nyo weneco, mukawa kuyipitucila i milungu ye makungugo ganji. Ninga mumanye vyono molokozwa cevu ne yisi ya Misili, nha vyono mwakozwa cevu ne yisi ya Ashuli.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Yelemiya 31:18

“Kanyhi hulika i wanhu wa Isilayeli wakulonga ko wusungu wuwaha wakutya, ‘Gwe go Muwaha Mulungu, ase, cali cihwanile nhe ndama, yono si mbope no lufungo, ninga wacifunda ciwe ne cihuliko. Holeka luno, wucigomole kuli'gwe, nase nha ciwikanize cikuwuyile gwegwe du, go Muwaha Mulungu, go Mulungu wetu.

Yelemiya 31:32

Ne cilagane cico, si colowa cihwanile ne cilagane ce katali yaye, cono nacinoza ne walezi wawo, lono nawakamisa, nghawawusa mu yisi ya Misili. Hamba niwe nali nili mulume wawo, ninga wene si wacikamisa yaye cilagane cico.

Yelemiya 44:17

Langa ase cojendelela du kwituma zinghani zose, nha vyono calonga. Cojendelela du kumulavizya makumbiko, mulungu wetu we cicekulu wa ku wulanga, no kumujidila vilavywa vyetu vye divayi, nha vyono canozaga ase, ne walezi wetu, ne watemi wetu, hamonga ne walongola wetu, mu makaya ga mu yisi ya Yuda, na mu zinzila za mu Yelusalemi. Na lono canozaga nhavivyo, cikatuga ndigwa nyinji muno, kanyhi cikamoteswa muno, cikawa cisina hamba wugaye wo wose yaye.

Ezekiyeli 16:18

Wukasola myenda yo wihambo yono nakupela, wukawa kuvivwika vihwani. Wukavilavizya vihwani, i mafuta hamonga no wuvumba wono nakupela.

Ezekiyeli 16:8

“Ninga nali neza kukola lwe kejete, nghawona nha vyono, alu cipango cakondya kufika, co kukwenda. Hobaho nghawugubika muwili wako ne likoti lyangu, nghakwihuwiza, nghanoza cilagane nagwe nha vyono nokutola, nagwe ku wulawilila baho, wukawa wuli wangu.” Azi zo Muwaha Mulungu yakutya.

Ezekiyeli 20:32

Hambi nha mwadumula nghani, nha vyono anye mukusaka muwe nhe we makungugo ganji, cinye wanhu wono wekalaga mu ma'si ganji, muwe kuhemba mibici ne mabwe. Ninga mumanye nha vyono zizo, hamba si zolokwijelela lukulu yaye.”

Ezekiyeli 23:12

Nayo nhavivilya, yali yena masulumizi, yawasulumilaga i wanhu we lilumbo, i wetumami we Ciashuli, i wasilikale wono wali wavwalile myenda yihwanile ye liwala lyo lugandu, sunga ne wasilikale wawalya i wazelelo wono wejelaga nha wazelelo waswanu.

Ezekiyeli 23:22

“Alu agwe Oholiba, azi zo Muwaha Mulungu yakukulonjela, yakutya nhavi. Alu, mwekatala na wawo wendece wako. Ninga 'ne nowanoza wakukolelwe 'kuwo, nowaleta wakupilime mbavu zose.

Ezekiyeli 23:4

U muwaha yacemwaga Ohola, nha cinji yo Samaliya. Nayo u mwanakwawe, yacemwaga Oholiba, nha cinji yo Yelusalemi. Nawo vyono wejete, wakawa wangu wakandelela wana walume ne wacekulu.

Danyeli 4:17

Awu wali wo wulamuzi wa Malayika yulya mono yali yewikanize so suguzi. Holeka 'lu, wanhu wose wamanye vyono, u Mulungu Mono Yalawiliciye, yo yatemile mu wutemi wose wa mu wanhu, nayo kamupelaga mono mweneco yendile kumupela. Kanyhi kawapelaga wutemi sunga na wono wasoceye.’ ”

Danyeli 4:25

Kolowingwa mu wikalana ne wanhu wayago, kolokwikalana ne malimu. Nagwe kolowa kulya mahanze nhe zing'ombe, kanyhi kolowa kugona mwi'hala caka, kono wubuhe wono wukulawa ku wulanga, wowa kukugwila sunga yipulute myaka mupunghati. Baho nagwe ho kolomanyila vyono, u Mulungu Mono Yalawiliciye yo yatemile mu wutemi wose wa mu wanhu. Kanyhi na vyono yo yadahile kumupela wutemi munhu wo wose mono mwene komuhagula.

Danyeli 4:32

Nagwe kowinjilwa lukulu muli wanhu, wukekale ne vilimu vya mu mbago, kanyhi kowa kulya mahanze kotya ng'ombe sunga yipulute myaka mupunghati. Baho nagwe ho komanyila vyono, u Mulungu Mono Yalawiliciye, yo yatemile mu wutemi wose wa mu wanhu, kanyhi na vyono yo yadahile kumupela wutemi munhu wo wose mono mweneco komuhagula.”

Danyeli 5:21

Yakawinjilizwa, no kuwuswa mu wikalana ne wanhu, ne mahweso gakwe gakehwana na ge malimu. Yakawa kwikalana ne zinyhenje, yakalya mahanze nhe zing'ombe, yakawa yakugona cipwi mwi'wagalila lya mwi'lolo, yasina na co kumugubika muwili wakwe, ho yalece kudodowekwa ne buhe. Sunga nhondo, yakamanya vyono mbeka u Mulungu Mono Yalawiliciye, yo yatemile wutemi wose mu wanhu, kanyhi yadahile kumupela wutemi munhu wo wose mono mwene yakumuhagula.

Hoseya 1:2

Baho lulongozi lono Muwaha Mulungu yalonga ne Waisilayeli mu nzila ya Hoseya, Muwaha Mulungu yakamutya Hoseya, “Wubite wukatole, mucekulu musenyha, sunga ne wanagwe nawo wowa wasenyha nha vyono yenha nyina yawo. Nhavivyo ne wanhu wangu Waisilayeli, nawo wakondya kundeka, alu waweza wasenyha.”

Hoseya 13:6

Ninga lono mwali mweza kwinjila mu yisi swanu, yono mukulya no kwiguta, hodu imitima yenyu yikekumya no kusemwa 'ne.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 2:16

Kanyhi mwi'zuwa lilyo kolonyhema “Ishi.” Nhunizo yayo, “Mulume wangu.” Hamba sikolonyhema kanyhi “Baali.” Nhunizo yayo “Mbuya yangu.”

Hoseya 5:13

“Nayo Isilayeli yali yeza kuwona vyono yatamwa, nayo Yuda yali yeza kuziwona zinghomele zakwe, hodu Isilayeli yakawa kubita ku yisi ya Siliya kulondola wutazi kuli wutemi wuwaha, ninga hamba nhavivyo, nayo hamba si kosuma kuwaponya, hamba kuzinoja zinghomele zawo.

Hoseya 5:15

“Nane nowaleka wanhu wangu wagaye mu nghango yo wubi wawo, sunga waze wanondole 'ne. Na mumo lunji mu wugaye wawo, mo wolosuma kunondola wahidimbaye sunga wambone.”