Hoseya 2:3 - Luganuzi Luswanu Kuli Wanhu Wose 2002

³ Na hono si yakuleka, nomuwopoza vivwalo vyakwe yekale cipwi, yawe nha vyono yali mwi'zuwa lyono yalelelwa. Nane nomunoza yawe nhe yisi nghavu ne ye nyika, nayo kolofwa ne nyhilu.

Hoseya 2:3 ပူးပေါင်းရင်းမြစ်များ

Wutuluce 17:3

Ninga wanhu wose vyono wali wena nyhilu ye malenga, wakajendelela kumung'ung'ulicila Musa du wakumutya, “Alu mwene, wukaciwusa akulya ku Misili ho wuciwulaje ne nyhilu ye malenga, hamonga ne wana wetu ne mitugo zetu?”

Isaya 33:9

Alu yisi yakondya kulekwa, nayo yikusocela. Ne mbago mbaha ya Lebanoni, yanyala. Sunga ne lilolo lya Shaloni lyo moso mwinji, nalyo lyeza nha nyika. Namo mu Bashani na mwi'tunda lya Kalimeli, nhondo ne mahamha geza kukung'unhika mu mabici gayo.

Isaya 47:3

Nawo wanhu nhondo wokuwona vyono wuli cipwi, wokuwona vyono wenenenyheza, kanyhi wukuwona cevu. Nane nolomulipicizenyi, na hasina munhu mono kolonyimila.”

Isaya 64:10

Alu lanje, makaya gako i masiwanulwe, vyono gehwana nyika, nayo Yelusalemi yaweza yitongo lyono lilecigwe du.

Yelemiya 12:10

Ne wadimi wenji wakondya kuwuhodanga u mugunda wangu we mizabibu wayikanyanjiza migunda yangu no kuyinoza yisi yangu yono niyendile yiwe nyika.

Yelemiya 13:22

Na kolo wukwiwuza go mweneco wukutya, alo nhawule zizi zinyijelela lo? Heya! Myenda yako yidemulwa, nagwe wukebatwa ne walume, no kugona nagwe kwe vilungo. Ale, wumanye nha vyono, zizi zikwagana ku soko yo wubi wako wono wukogofya muno.

Yelemiya 13:26

Nayo u Muwaha Mulungu kokupenula myenda yako yakukoze cevu.

Yelemiya 14:3

I wagoli nawo, wakuwatuma i wetumami wawo ku lulenga, wetumami wawa kubita ku visima, hamba kutuga malenga yaye. Hodu wawa kuwuya wali bwete wasina malenga. Akuno wakoligwe ne zisoni, wakuwona cevu, wakwihundika sunga no wusu wawo.

Yelemiya 17:6

U munhu we liwala lilyo, yehwanile nhe cititika cono cili mu nyika, cono cikuwilucila mu nyika nghavu, mu muhangha wo mwino, i hanhu hono hasina cinji co cose cono ciwilukaga yaye. Kanyhi hasina hamba nghani swanu, yono yosuma kumuziza ng'o.

Yelemiya 2:31

Nye nyo wanhu wa Isilayeli, muhulicize ta zono nghulonga ye. Mwene ane, nha cinji nehwana nhe nyika hongo kuli'nye, hamba naweza nha wutitu kuli'nye, ne yisi ye zimbali? Alu nhawulenyi mukutya mokwituma nha vyono mwendile nyenye, si mowuyila lukulu kuli'ne kanyhi ng'o?

Yelemiya 2:6

Hamba si wenda no kunyhelelela yaye, hamba yiwe yo nene mono nawaponya ku wulawa ku yisi ya Misili nghawatonga mu mbago, mu yisi ye nyika ne manhimbwisa, mu yisi nghavu, yono yina mbali mbaha. Yisi yono si yikalagwa na munhu wo wose hamba hasina munhu wo wose mono kolo kola mu yisi yiyo.

Yelemiya 22:6

“Ninga ku lubavu lwangu, ane nghuyiwona kaya yo wutemi wa Yuda, swanu muno yihwanile nhe yisi ya Gileyadi, nhe matunda ga Lebanoni. Ninga ane noyinoza yiwe yisi nyhiwa, yono yowa yisina munhu wo wose mono kokwikala mumo kanyhi.

Yelemiya 4:26

Nayo yisi yono yina moso, yakondya kuwa nyika, ne makaya gayo gose gakondya kuwa matongo. Ku soko ye likuwo liwaha lyo Muwaha Mulungu.

Yelemiya 51:43

Ne makaya gayo geza gakogofya, gehwana ne nyika yono yisina malenga, hono hasina munhu wowose mono yekaye mumo, hamba mono yakukola mumo kanyhi.

Yelemiya 51:5

Ane no Muwaha Mulungu we mihanga, nghali hamba si nawaleka Isilayeli na Yuda yaye, hamba wawe wene wetuma wubi hali 'ne, ane Mono nelile wa Isilayeli.

Ezekiyeli 16:22

Na mu mapango gako gose ge mikalile yako, ye cevu yo wusenyha, hamba si wayikumbucilila lukulu i mikalile yako ya ha wudodo, nha vyono wali wuli cipwi, wukwigalagaza mu sakami yako.”

Ezekiyeli 19:13

Nalu, wuhadikwa mu mbago, mu yisi nghavu yono yisina malenga.

Hoseya 13:15

Nayo Isilayeli, hamba yawe yaficile nhe mabalwe, ane noleta mbeho ya kucilima kulawa mu nyika yono yili moto, nayo yonyaza mivwilo yawo ye malenga, hamonga ne masima. Nayo yolovipemhelusa vinhu vyose vyono vikwendeza.

Hoseya 2:10

Nolomuwopoza myenda yakwe ha mwande ye wendece wakwe, yekale cipwi, hamba hasina yunji mono yalasuma kumuponya ku wulawa mu vilungo vyangu.

Wugubule 17:16

Ne mahembe gagalya yikumi gono wugawene, hamonga ne lilimu lililya, vyose vyomusula yuyo musenyha. Nawo womusolela vinhu vyose vyono yena navyo, womuleka yali cipwi, kanyhi wololya nghuli yakwe no kumuticimiza mu moto.

Walamuzi 15:18

Lulo Samusoni yakebatwa ne nhyilu ya malenga. Yakamucemeleza Muwaha Mulungu yakatya, “Gwe go Muwaha Mulungu, agwe yo gwegwe mono wumhelile wusume wuwaha, alu ho nifwe ne nyhilu ye malenga, kanyhi ho nibatwe ne Wafilisiti wawa wono si walame?”