Hoseya 2:22 - Luganuzi Luswanu Kuli Wanhu Wose 2002

²² Nolotonyeza mvula mu'si, nayo yisi yololela wuhemba, ne zizabibu hamonga na zeyituni.

Hoseya 2:22 ပူးပေါင်းရင်းမြစ်များ

Isaya 62:4

Na baho, hamba si kocemelwa lukulu kanyhi “Mulekwa.” Hamba ne yisi yako wayitye “Mucekulu Mulekwa.” Langa litagwa lyako lipya lyolowa “U Mulungu Kendezwa Nayo.” Nayo yisi yako yolocemwa “U mutolwe Musangalavu.” Hambi u Muwaha Mulungu nha kendezwa nagwe. Nayo Muwaha Mulungu kowa nha yo mulume we yisi yako.

Yelemiya 24:7

Nane nowasikamya, ho wamanye ane, vyono yo nene u Muwaha Mulungu. Nawo wowa wanhu wangu, nane nowa Mulungu wawo. Hambi lulo, nha wolombuyila 'ne, ko mutima wawo wose.”

Yelemiya 31:12

Holeka nawo wonyiziza, wanyimbile so nyemo mwi'tunda lya Sayuni, kanyhi wendezwe ne vipegwa vyangu, i vipegwa vyo wusaje, ne divayi, hamonga ne mafuta, ne vipegwa vye zingholo ne zing'ombe. Na baho, wolowa nha busitani yono mwajilwe malenga. Nawo wolowa wakwizize vyose vyono wakuvisaka.

Hoseya 1:11

I wanhu wa Yuda ne wanhu wa Isilayeli, wolokwilunza hamonga. Nawo wolokwihagulila weneco mulongola, na kanyhi, wolokonjelezeka no kumoteswa mu yisi yawo. Heya, lizuwa lya Yezeleli lyolowa yizuwa yiwaha muno!

Hoseya 1:4

Muwaha Mulungu yakamutya Hoseya yamucemele litagwa lyakwe Yezeleli, ku soko cikali cipango cidodo du, nomulipiciza mutemi wa Isilayeli, so wuwulaji wono kukuye Yehu yetuma kuli Yezeleli, aluno nane noludumya lulelo lwa Yehu.

Hoseya 14:7

Na kanyhi wokwikala hasi yo wudimwe wangu, kanyhi wotula nha ngano. Nawo wowa na mhunjile swanu, nhe divayi ya Lebanoni.

Yoweli 2:19

Muwaha Mulungu yakawapitula yakawatya, “Alu nomupelenyi wuhemba, ne divayi, ne mafuta, nanye momoteswa, sunga ne makungugo ganji sigomubedegalenyi kanyhi yaye.

Zakaliya 8:8

Niwagomole wose wa ku wulawilila ku cilima sunga ko ku mwezi wawuye wekale mu Yelusalemi. Nawo wowa wanhu wangu, nane nowa Mulungu wawo, mono nowadimila mu mbeka na mu ling'ani.