Hoseya 2:21 - Luganuzi Luswanu Kuli Wanhu Wose 2002

²¹ Mu vilo vivyo nolowupitula wulombe we wanhu wangu Isilayeli.

Hoseya 2:21 ပူးပေါင်းရင်းမြစ်များ

Isaya 55:10

“Hambi zinghani zangu nazo, nha zihwanile seluji ne mvula, yono yilawaga mu mavunde yiwa kutonya mu yisi yiwa kuviwilusa vilimwa no kulavya mbeyu yono hanyuma yohadikwa, na yinji yiwa kwitumamilwa so ndigwa.

Isaya 62:4

Na baho, hamba si kocemelwa lukulu kanyhi “Mulekwa.” Hamba ne yisi yako wayitye “Mucekulu Mulekwa.” Langa litagwa lyako lipya lyolowa “U Mulungu Kendezwa Nayo.” Nayo yisi yako yolocemwa “U mutolwe Musangalavu.” Hambi u Muwaha Mulungu nha kendezwa nagwe. Nayo Muwaha Mulungu kowa nha yo mulume we yisi yako.

Isaya 62:5

Kokwihwana nho muzelelo mono yakumusola muhinza mono si yamanyile walume, yawe bibi halusi wakwe. Holeka nagwe, yuyo mono yakuwumba, yuyo yo mono kokutola agwe. Kanyhi nha vyono bwana halusi kendezwaga na bibi halusi wakwe, Ale nhavivyo no Mulungu wako nayo vyo kokwendezwa nagwe.

Isaya 65:24

Nane nowa kuwapitula u wulombe wawo kuli'ne na lono wene wakali si nadumya wulombe wawo.

Ezekiyeli 36:29

Nane nomuponyenyi mu wavu wenyu wose. Nowulajiliza wuhemba wuwe winji muno, ho mulece kutuga nzala hamba hadodo.

Hoseya 14:7

Na kanyhi wokwikala hasi yo wudimwe wangu, kanyhi wotula nha ngano. Nawo wowa na mhunjile swanu, nhe divayi ya Lebanoni.

Yoweli 2:19

Muwaha Mulungu yakawapitula yakawatya, “Alu nomupelenyi wuhemba, ne divayi, ne mafuta, nanye momoteswa, sunga ne makungugo ganji sigomubedegalenyi kanyhi yaye.

Zakaliya 13:9

Nane ho nowalanga wa walya we lifungu lye kadatu wono wasigaye, nane noweza nha fweza yono yezigwe no moto kanyhi nowajela nha vyono zahabu yikuwa kujelwa. Hobaho wonyhema, nane nowapitula, ‘Nane nowalonjela vyono wene wo wanhu wangu, awo wovumila vyono ane yo nene Mulungu wawo.’ ”

Zakaliya 8:12

Wolohadika zimbeyu zawo ko mulamu. Ne mizabibu yawo yolela mikalo viswanu, nawo muhangha we yisi wololavya wuhemba, ne mvula yowa kutonya muno. No wulugutizwe wuwu nowapela i wanhu wa mu nghungugo yangu wono wasigaye.

Zakaliya 8:8

Niwagomole wose wa ku wulawilila ku cilima sunga ko ku mwezi wawuye wekale mu Yelusalemi. Nawo wowa wanhu wangu, nane nowa Mulungu wawo, mono nowadimila mu mbeka na mu ling'ani.

Malaki 3:10

Holeka letenyi ku Nyumba yo Mulungu zaka yenyu yono yikwilaniciye, ho hawe na ndigwa nyinji. Ta munjelaje, nanye mowona, nodigula madilisha ga ku wulanga, nimumwajilenyi ko winji muno muno i vinhu vyose i viswanu.

Malaki 3:11

Hamba sinoleceleza mang'onyo gahodanje nhwanga yenyu hamba hadodo, sunga ne mizabibu yenyu, yolela zabibu nyinji muno muno.

Matayo 6:33

Ninga hamonga na zizo zose, mwamule kuwulondola u Wutemi wo Mulungu, na zose zono u Mulungu yakuzihila, holeka na zizo zose mokonjelezwa.

Walumi 8:32

U Mulungu mono si yamutetela u Mwanagwe we ciwene, langa yakamulavya ku so sese wose. Alu hono yetuma nhavivyo, wule, si kocipela ne ziswanu zose?