Hoseya 2:2 - Luganuzi Luswanu Kuli Wanhu Wose 2002

² Wanangu, mumunene nyina yenyu hamba yiwe mwene, yaweza si mugolece wangu, nane neza si nili mulume wakwe. Mumunenaje yalece zinghani zakwe zo wusenyha, no wumalaya wakwe.

Hoseya 2:2 ပူးပေါင်းရင်းမြစ်များ

Isaya 11:12

Muwaha Mulungu kolowenulila bendela makungugo, ho yagalajile nha vyono, aluno nhondo, yeza kuwakongholeza kanyhi hamonga, i wanhu wa Isilayeli na Yuda, wono wali weyagaye ako na ako, yawagomole ku wulawa ku zimhelo ze yinze zose vyono yine.

Isaya 50:1

Muwaha Mulungu yakutya, “Alu mukwihwesa nha vyono nali nawawinga wanhu wangu, nha vyono munhu kamupelaga mucekulu wakwe talaka? Alu ceti ce talaka ho cili hayi lo? Hamba mukwihwesa nha vyono nali nawaguza ku wuhamywe lo, nho munhu mono kaguzaga wanagwe ku wuwanda? Ng'o ye! Anye mwabita ku wuhamywe ku soko yo wubi wenyu, mwabita kuko, ku soko ye masutya genyu.”

Isaya 58:1

Muwaha Mulungu yakutya nhavi, “Alu wuzoze kwe lizi yiwaha munghango vyono kosuma! Wuwalonjele wanhu wangu Isilayeli zo wubi wawo!

Yelemiya 19:3

Hanyuma yakanonjela mbite nghatye nhavi, “Anye nyo watemi wa Yuda, hamonga ne wanyawusi wa Yelusalemi, ale muhulicize ta, zono ane no Muwaha Mulungu, u Mulungu wa Isilayeli nghusaka kuzilonga. Ane nohaletela wongomele wuwaha muno i hanhu baha, u wongomele wono munhu wo wose kolo yakuzihulika, zinghani zizi, mbeka kocelewala.

Yelemiya 2:2

niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Yelemiya 3:1

U Muwaha Mulungu yakutya nhavi, “Hono munhu yamulece mugolece wakwe no kumupela talaka, nayo mucekulu yuyo ho yabite yakatolwe na munhu yunji, hodu u munhu yuyo si kosuma kumuwuyila kanyhi u mucekulu yuyo. Ku soko hono yanoze nhavivyo, nghani yiyo, yoyavufya yisi muno muno. Gwe Isilayeli, alu nha watuga wendece wenji muno muno, kanyhi kunji ho wukusaka wumbuyile'ne!

Yelemiya 3:13

Langa ane yono nghusaka kuli 'gwe, wuvumile masutya gako gose nha vyono wali wamubedegala u Muwaha Mulungu, u Mulungu weko. Kanyhi wunene, nha vyono wali kusenyha ne milungu mijenzi, hasi ye mibici yose yono yina mahamha gono gadedewaye, hamba kugebata malajilizo gangu yaye. Vyo nghutya ane no Muwaha Mulungu.

Yelemiya 3:18

Mu vilo vivyo, i wanhu wa Isilayeli ne wanhu wa Yuda, wolokwilunza hamonga. Nawo wolowukana hamonga ku wulawa ku wuhamywe, mu yisi yo lubavu lwa kusumuka, wawe kuwuya kanyhi ku yisi yono ane nawapela i walezi wenyu yiwe wuhazi wawo.”

Ezekiyeli 16:20

“Hanyuma kanyhi, wukawasola i wanago we cilume, ne we cicekulu wono wandelela, no kuwalavya kuli vihwani. Wule, zizi si zikulajila u wubi wono wukwituma, nha vyono weza si wuli mwihuwilwa kuli'ne,

Ezekiyeli 16:25

Wakondya lu kuwutipiza wuswanu wako mu madabaga. Ku soko yo kwilavya gwegwe mweneco kuli munhu wo wose mono yakukola baho, no wusenyha wako wukawa wucizize nhondo zose.

Ezekiyeli 20:4

“Wule, nagwe go munhu, kosuma kuwaling'aniza? Ciba heya wuwaling'anize. Wuwakumbucizaje ze mawifyo gono walezi wawo wetuma.

Ezekiyeli 23:43

Nane baho, nghawa kulonga nili wene mu nhumbula yangu nghutya, Alu lanje vyono wamwitumamilaga u mucekulu malaya, mono aluno yasakala ku soko yo wusenyha wakwe.

Ezekiyeli 23:45

Holeka i wanhu we ling'ani, wowaling'aniza mu ning'aniza yono yiwanojeye i wacekulu wasenyha, na mu ning'aniza yono yiwanojeye i wacekulu wawulaji. Hambi nha wali kwituma mulimo wo wusenyha, sunga ne miwoko yawo yihodanjice ne sakami.”

Hoseya 1:2

Baho lulongozi lono Muwaha Mulungu yalonga ne Waisilayeli mu nzila ya Hoseya, Muwaha Mulungu yakamutya Hoseya, “Wubite wukatole, mucekulu musenyha, sunga ne wanagwe nawo wowa wasenyha nha vyono yenha nyina yawo. Nhavivyo ne wanhu wangu Waisilayeli, nawo wakondya kundeka, alu waweza wasenyha.”

Hoseya 2:1

Holeka muwacemaje wandugu zenyu Waisilayeli “Ami” (Nhunizo yayo, “Wanhu wangu.”) Ne walumbu zenyu muwacemaje “Luhama.” (Nhunizo yayo, “Mono yawonelwa lusungu.”)

Hoseya 2:5

hambi wene nha wana wo mucekulu malaya, mono yasina hamba cevu. Hambi nha yalonga mweneco yakatya, “Nane nobita kuli wono wanyendile wono wakumhela ndigwa ne malenga, no wusinga, no wuhamba, hamonga ne mafuta ne divayi.”

Hoseya 4:5

Vyono cilo na misi, anye mwikalaga mukuhodanga du, sunga ne wawizi nawo si wakwituma ziswanu. Nane nomongomeza u nyina yako, 'gwe, Isilayeli.

Mika 2:13

Nayo Mulungu kowadigulila nzila, no kuwalongolela, wawuce mu wulawa mu yisi yo wujenzi. Wogabenanjiza malango ge likaya no kubita wapolile. No mutemi wawo, u Muwaha Mulungu mweneco, yo kolowatonga.

2 Wakolinto 5:16

Holeka ku wulawa lulu, ase si comumanya munhu wo wose mu nzila ye cimunhumunhu. Hamba yiwe camumanyila Kilisito mu nzila ye cimunhumunhu, ninga alu si nhavivyo kanyhi.