Hoseya 2:16 - Luganuzi Luswanu Kuli Wanhu Wose 2002

¹⁶ Kanyhi mwi'zuwa lilyo kolonyhema “Ishi.” Nhunizo yayo, “Mulume wangu.” Hamba sikolonyhema kanyhi “Baali.” Nhunizo yayo “Mbuya yangu.”

Hoseya 2:16 ပူးပေါင်းရင်းမြစ်များ

Mwamulizo 34:3

Nhumbula yakwe vikeyenda muno muno na Dina mwana wa Yakobo, yakamwenda muno muno sunga yakawa kwanza kumupepeleza.

Isaya 40:2

Muwasikamye wanhu wa Yelusalemi. Muwalonjele nha vyono wakondya kugaya mu nghango yono yiwakwiliye, no wubi wawo nhondo wanenelwa. Hambi nha nakondya kuwalipiciza mu nghango yo wubi wawo.”

Isaya 54:5

Hambi u muwumbi wako, nha yo mulume wako, ne litagwa lyakwe yakucemwa Muwaha Mulungu we mihanga. U Muwaha Mulungu mono yelile wa Isilayeli yo kolokuponya, hambi mwene nha yo mutemi we yinze yose.

Yelemiya 3:14

“Nye nyo wanhu mono si muli wehuwilwa, ale mumbuyilaje 'ne, hambi nha muli wangu. Nane nomusolenyi munhu yumonga yumonga, mu wulawa mu makaya gose. Kanyhi nosola wanhu wejete wejete, mu wulawa mu milango yenyu yose. Nane nomugomolenyi sunga kwi'tunda lya Sayuni.

Ezekiyeli 20:35

Nane nomwinjizenyi mu ‘Nyika ya we makungugo.’ Na kuko ko colonganila nanye cidomile.

Hoseya 2:7

Nayo kowamanyhilila wendece wakwe, ninga hamba si kowatuga yaye. Kowalondola, ninga hamba si kowawona. Hanyuma kotya, “Alu neza kuwuya kuli mulume wangu u mulongozi, hambi u wuwe wangu wulongozi, nha wali wuwe wuswanu muno, si nha wuwe wono nina nawo aluno.”

Yohana 3:29

Bibi halusi yo wa bwana halusi, ninga mwendece wa bwana halusi, mono yemile yakuhuliciza, yakuwa na nyemo mbaha muno muno, lono yakumuhulika bwana halusi yakulonga. Ne nyemo yangu vyo yifisilizwe.

2 Wakolinto 11:2

Ane nha nghumuwonelenyi wivu, ninga wivu wa kuli Mulungu, hambi anye nha mwihwanile u muhinza musindile mono nimubanyiye u mulume monga du, nayo yo Kilisito.

Wugubule 19:7

Ale cisecelele kanyhi cisangalale, cimukumye, hambi i cipango ce halusi yo Mwana we ngholo nha cafika, bibi halusi nayo nha yewikaniza yakondya.

Walamuzi 19:3

Lulo yuyo Mulawi yakamubitila no kumunena ho yamugomole kwakwe kanyhi. Yakawa yena no mwitumami wakwe na ndogowe nyejete. Muhinza yu yulya yakamuleta Mulawi ku kaya ko sogwe. Nayo sogwe yali yaza kumuwona, yakendezwa nayo muno muno.

Lutu 2:13

Nayo Lutu yakamupitula Bowazi yakamutya, “Gwe muwaha, kuhonjela muno, kuli zono wunhedeye, no mwitumami wako. Hambi nha wanoza nane nihulice viswanu, vyono kulonga nane, kwa wupolo, hamba nha yiwe ane si nihwanile na yunji wa muli wetumami wako.”