Hoseya 2:11 - Luganuzi Luswanu Kuli Wanhu Wose 2002

¹¹ Noloyidumya nyemo yakwe yose ye zisikukuu, ne vilo vyakwe vye ndawo yo mwezi ne zi Sabato, hamonga no wihangulize wawo wose we mikung'ano ye cidini.

Hoseya 2:11 ပူးပေါင်းရင်းမြစ်များ

1 Watemi 12:32

Yelobowamu u mwana wa Nebali, yakanoza sikukuu ye cidini mwi'zuwa lye likumi ne 'hano lya mu mwezi wo munana, nha vyono yinha lizuwa lye sikukuu yono yili ku Yuda. Yelobowamu, yakavilavizya makumbiko mu vigongo ku Beteli i vihwani vye zindama vyono yayinoza, yakawika ne wakohani kuko ku Beteli wawe kwituma mulimo wo kulongoza wuhembi mu hanhu hono yahazenga.

Yelemiya 16:9

Alu agwe wuhulicize zono nowanoza, ane no Muwaha Mulungu, we mihanga, u Mulungu wa Isilayeli. Ane nogadumya ha meso genyu, i mazi gose ge nyemo no wusangalale, hamonga ne mazozo gose ge nyemo, ga mu zindigwa zi nyinji ze zi halusi.”

Yelemiya 25:10

Kanyhi nowawusiza lukulu ne mazi gawo go luseko, ne mazi gawo ge nyemo, hamonga ne zinyemo zawo ze zindigwa ze zi halusi. Kanyhi wolowa wasina hamba mafuta so zitala zawo, kanyhi holowa hasina hamba wuhemba yaye.

Yelemiya 7:34

Nayo yisi yololekwa nyhiwa. Nane noloyidumya nyemo yose no wusangalale, mu makaya ga Yuda, na mu zinzila zose za Yelusalemi, hamonga ne zinyemo zose za mu zindigwa ze zi halusi.

Ezekiyeli 26:13

Nane nologadumya i mazi ge zinyimbo zako, hamonga ne mazi ge masumbi gako, hamba si golohulikwa kanyhi yaye.

Hoseya 3:4

Hambi Waisilayeli, nha wokwikala vilo vinji wasina mutemi hamba walongola, wowula hamba vilavywa, hamba masumbili ge mabwe maswanu, wowula vihwani, hamba hwani bwete yo kutowela cisangu.

Hoseya 5:7

Vyono wene wali si wehuwilwa hali Muwaha Mulungu, sunga ne wana wawo wali si wakwe yaye. Holeka nalu wene hamonga ne'si yawo, wokongomezwa musunho.

Walawi 26:20

Sunga ne milimo yenyu yose yono mokwituma muhidimbaye, yowa nghani ya bwete du, hamba si mokwambulila cinji co cose, hambi yisi nha si yosuma kulela kanyhi, sunga ne mibici yenyu siyolela mikalo yaye.

Amosi 5:21

Muwaha Mulungu yakutya, “Ane singhwendezwa ne zi sikukuu zenyu zo wuhembi, hamba sinosuma kuzikangalila yaye!

Amosi 8:3

Na mwi'zuwa lilyo zinyimbo za mu kaya yo wutemi, zolowa vililo vyo wusungu wuwaha. Ne miwili ye wanhu wono wafwiye, yolowa yiyagaye caka hanhu hose. Hamba lizozo si lilahulikwa yaye.”

Amosi 8:5

Mukutya nyo weneco, “Colindila sunga kolo vyapuluta i vilo vye ndawo yo mwezi, ho cosuma kuguza vilimwa vyetu. Alu sabato yomalika nili nase ho cisume kwanza kuguza kanyhi? Hambi baho nha colosuma kuguza na kumhelo, mu nzila yo kwitumila vipimo vyo wulambi, no kuvipitula vipimilo, ho ciwahizize wanyo kugula.

Nahumu 1:10

Nanye mo wagalo 'jimbi, molotakamizwa nhe mamivya gono gedawilize ne mahanze makavu.