Hoseya 13:9 - Luganuzi Luswanu Kuli Wanhu Wose 2002

⁹ “Nane nomongomezenyi anye nyo Waisilayeli! Nayo nani mono kosuma kumutazenyi?

Hoseya 13:9 ပူးပေါင်းရင်းမြစ်များ

2 Zinghomo 28:23

Yakalavya makumbiko kuli milungu ye Waashuli wono wamusuma. Hambi nha yatya, vyono “I milungu ye Waashuli, yiwataza watemi wa Siliya, holeka nane hono niyilavizye makumbiko, nayo yomhela wutazi nha vivilya.” Ne nghani yiyi, yikamuletela wongomezwe, mwene hamonga ne likungugo lyose lye Waisilayeli.

Zabuli 146:5

Holeka yo mumoti mono yakumunoza Mulungu wa Yakobo, kuwa yo mutazi wakwe, no witumbilo wakwe, wukuwa wuli muli Muwaha Mulungu wakwe,

Zabuli 33:20

Ase cimwitumbiye Muwaha Mulungu, mwene yo mukamisi wetu, kanyhi yo mutazi wetu.

Zabuli 46:1

Mulungu wo wutizizo wetu ne vilungo vyetu, nayo yewikanize nhondo zose, kuleta wutazi mwidaha lyo wugaye.

Zimbazi 6:32

Ninga munhu mono yakusenyha, ayo yasina mahala. Hambi nha yakwihodanga mweneco du.

Zimbazi 8:36

‘No munhu mono si yakumbona'ne, yakwitamisa mweneco. No munhu mono yasulile 'ne, ayo yendile lifwa.’ ”

Isaya 3:11

Ninga woyi he, kuli wanhu wabi, hambi nha wolopegwa wulipicizwe, nha vyono wene nawo wawatendelaga vibi wayawo.

Isaya 3:9

No wuhijila-mbejele wawo, wukuwa kuwahomelela weneco. Sunga no wubi wawo, nha wuli calinze, nha vyono wanhu wa Sodoma wetuma. Holeka wokongomezwa, no wongomezwe wuwo, weletela weneco.

Yelemiya 2:17

Gwe Isilayeli, alu zizi, nha kwiletela gwegwe go mweneco! Hambi nha kundeka 'ne no Muwaha Mulungu, u Mulungu wako, mono nakulongoza agwe mu nzila.

Yelemiya 2:19

Ninga u wubi wako, wo wokulipiciza, no wibavye wako, nawo wo wokuling'aniza 'gwe. Nagwe baho ho kokwifundila u wubi we nghani yiyi, hamonga no wusungu wo kundeka 'ne, ane no Muwaha Mulungu, u Mulungu wako, no wuwe wako wo kuwa wusina cihuliko ca kuli'ne kanyhi. Vyo nghutya, ane no Muwaha Mulungu we mihanga.”

Yelemiya 4:18

Nagwe Yuda, yo gwegwe mono wileteye zizi go mweneco, ku soko ye mikalile yako mibi, na ku soko ye makani gono wetuma. No wubi wako wo wukuleteye magazo gaga, nago gokucinya sunga mo mu nhumbula yako.

Yelemiya 5:25

Ninga 'lu, u wubi wenyu, wakondya kumwimilenyi zizi zose iziswanu, zono zali zinojeye muzituje.

Hoseya 13:4

Muwaha Mulungu yakutya, “Ane yo nene Muwaha Mulungu wenyu, mono namuwusenyi Misili. Musina Mulungu yunji langa nene du.” Ane yo nene du mono nili muponyi wenyu.

Hoseya 14:1

Ale, muwuyilenyi Muwaha Mulungu wenyu, anye nyo wanhu wa Isilayeli. Wubi wenyu wo waleka mukekobala no kugwa.

Hoseya 7:14

Hambi nha si wakusuma kulomba kuli 'ne kwe nhumbula yo winenenyhezi yaye, langa wakwigwisa no kwigalagaza hasi nha vyono wanozaga wono si wamumanyile Mulungu. Na lono wakulomba so wuhemba ne divayi, wakwisalanga-salanga mu miwili no kwipela nghomele nha wono si wamumanyile Mulungu. Nhondo hamba watye, wo wubedegazici waco wuwu.

Hoseya 7:15

Ninga hamba yiwe yo nene mono nawafunda, nghawakamya ne vilungo, hamba nhavivyo wene vyo wakunyihweseza zimbi du.

Malaki 1:12

Ninga anye si munyogopile 'ne, vyono mukuciwona cikumbicilo cangu si cinji yaye, lono mukulavya mucanyha yaco ndigwa nyavu, yono yisina cambuzi.

Malaki 1:13

Akuno mukutya, “Ka! Lanje ta nghani ayi vyono yacikataza! Akuno mukunyile ne zimhula zenyu ku soko yangu. Na kuno mwandetela vilavywa vyenyu vyo mutugo wono muhize, kanyhi wina cilema na kanyhi wutamigwe, hambi nha vyo vilavywa vyono mukundetela. Alu mukwihwesa vyono 'ne, hongo nosuma kumubocelenyi vilavywa vye liwala lilyo mbi?

Malaki 1:9

Alu nanye nyo wakohani, mono mukumulomba Mulungu yawe muswanu kuli'se. Mwene sikowupitula wulombe wenyu, na lili lyowa yisutya lyenyu.

Wukumbucize wo Wulajilize 33:26

Nye nyo Waisilayeli, manyenyi vyono, hasina mulungu yunji mono yacizize u Muwaha Mulungu wenyu. Mono yakuziza mu mavunde ho yamutazenyi. Yakuziza mu mavunde, mu lukumyo lwakwe.

Wukumbucize wo Wulajilize 33:29

Alu muli wamoti 'nye nyo Isilayeli, hambi nani kanyhi mono yehwanile nyenye, nyo nghungugo yono yakondya kuponywa no Muwaha Mulungu. Nayo Muwaha Mulungu, yo ngula yenyu no mumaje wenyu, ho yamudimenyi no kumupelenyi wusume. Iwalugu wenyu womuzizenyi wamulombenyi wakusaka muwawonele lusungu. Nanye baho ho mowakanyanjilila lukulu ho hasi.