Hoseya 11:9 - Luganuzi Luswanu Kuli Wanhu Wose 2002

⁹ Holeka si nomulipicizizenyi mwi'kuwo lyangu ng'o. Hamba sinoyongomeza Isilayeli kanyhi. Hambi 'ne nha nili Mulungu, hamba si nili munhu yaye. Ane yonene Mono Yelile, mono nili hamonga nanye. Hamba sinomuzizenyi mwi'kuwo lyangu yaye, ho nimongomezenyi.

Hoseya 11:9 ပူးပေါင်းရင်းမြစ်များ

2 Samwili 20:10

Ninga baho Amasa si yalanga mumaje wono wali wuli mu muwoko muyagwe wa Yowabu. Hobaho Yowabu yakamutumbula Amasa munda yakwe, no wutumbu wukamwagucila hasi, hobaho Amasa yakawa kufwa, nayo Yowabu hamba si yawuyajiza kanyhi kumuhoma yaye. Hanyuma Yowabu hamonga no mwanakwawe Abishayi, wakawa kujendelela no muhinzo wawo wo kumulonda Sheba.

Zabuli 46:5

Nayo Mulungu yali mwi'kaya lilyo, holeka si lyosuma kusinjiswa, hambi mwene nha kaliletelaga, wutazi hakali mitondo muno.

Zabuli 78:38

Ninga hamba nhavivyo, Mulungu yakawa yali lusungu, yakawanenela wubi wawo, hamba si yawongomeza yaye. Yeyimila likuwo lyakwe kali kenji, hamba si yalileceleza likuwo lyakwe limukole muno.

Zabuli 85:4

Wucigomole, 'gwe go Mulungu, go Mukombozi wetu, wulece kuciwonela likuwo kanyhi.

Isaya 12:6

Muwalekaje wose wono wekaye mu Sayuni, wembe ne mazi mawaha wawe kutya, Mulungu mono yelile we Waisilayeli, yo muwaha, kanyhi yekalane ne wanhu wakwe.”

Isaya 31:1

Woyi hee, kuli wose wono wabitaga kulondola wutazi ku Misili. Hambi nha wetumbiye vilungo vyo winji we wasilikale wa Misili, nha cinji, zifwalasi ne matuka go wulugu, hamonga ne wasilikale. Ninga hamba si wamwitumbiye Muwaha Mulungu, u Mulungu mono yelile wa Isilayeli, hamba si wakumulomba yawapele wutazi.

Isaya 41:14

Kanyhi Muwaha Mulungu yakutya, “Anye nyo Isilayeli, hamba muwe muli wacefu, kanyhi muli wasocele nhe nyongololo, ninga mulece kuwa no woga, hambi ane nha nomutazenyi. Ane mono nelile, u Mulungu wa Isilayeli, yo nene du mono nomuponyenyi.

Isaya 41:16

Nanye mogesa mucanyha, nayo mbeho yogapemhelusa, nago gokwiyagazwa ne civulavumbi. Nanye baho nhondo, ho mosangalala, hambi ane nha yo nene mono nili Mulungu wenyu nanye nhondo, ho momhela lilumbo ane mono nelile, u Mulungu wa Isilayeli.

Isaya 48:9

“Nane ngheyimila likuwo lyangu ndece kukongomeza, Nawo wanhu walikumye litagwa lyangu.

Isaya 5:24

Na ku soko yiyo, nha vyono lilambi lyo moto, ligatakamizaga mahanze, na kanyhi, nha vyono mahanze gono ganyalile, gatakamilaga mu malambi go moto, ale, nhavivyo, ne lisina lyenyu nalyo lyowola, ne maluwa gayo nago gonyala, gapemheluswe ne mbeho, hambi nha mwazilema zo wulajilize wo Muwaha Mulungu u Mudaha vyose, u Mulungu we mihanga, u Mulungu mono yelile we Waisilayeli, zono yacijiza 'se.

Yelemiya 26:3

Na lunji wanhu wohulika, wazilece zinzila zawo zimbi. Na hono wanoze nhavivyo, nane, si nowongomeza kanyhi, nha vyono nali nakondya kwihwesa niwongomeze, ku soko yo wubi wawo.”

Yelemiya 30:11

Ane nolomuzizenyi, nimuponyenyi. Nologongomeza i makungugo gose, i hanhu hose hono namwiyagazizenyi. Anye langa, si nolomongomezenyi yaye. Ninga hamba nhavivyo, si nolomulecenyi du, ndece kumulipicizenyi yaye, langa nolomulipicizenyi kwe ling'ani du, vyo nghutya, ane no Muwaha Mulungu.”

Hoseya 12:1

“Nghani zose zono Waisilayeli wakwituma, cilawa hakali mitondo, sunga cinyamihe, zisina cambuzi, kanyhi za wuhodanji du. Wukoci hamonga ne metumo go wu wula lusungu, gakonjelezeka muno muli wene. Wakulagana ne wanhu wa Ashuli no kusuluza hamonga ne Wamisili.”

Hoseya 14:4

Muwaha Mulungu yakutya, “Nane nowagomola wanhu wangu wawuye kuli'ne nowenda kwe nhumbula yangu yose, hamba sinolowakolelwa likuwo kanyhi.

Malaki 3:6

“Ane yo nene Muwaha Mulungu, mono sina cipitupitu yaye. Holeka nanye nyo lulelo lwa Yakobo, mukali si najililila lukulu ng'o.

Wuwale 23:19

Mulungu si yehwanile wanhu wono walambaga. Hamba si yehwanile wuwe wo wuhile wo munhu wono wupitukaga, Ninga mwene ketumaga zose zono yehuwize, Mwene kalongaga ko mulomo, nazo ziwa kwijela.

Wukumbucize wo Wulajilize 13:17

Nanye mulece kusola cinhu co cose ca muli vinhu vivyo vyono vili mwiko kusola, holeka nayo Muwaha Mulungu si komukolelwenyi likuwo yaye, langa komuwonelenyi lusungu, no kumwinjifyenyi muwe wenji, nha vyono yawehuwiza walezi wenyu,

1 Samwili 26:8

Hobaho Abishayi yakawa kumulonjela Dawudi yakutya, “Alu lanje, vyono Mulungu yakondya kumutajila u mulugu wako, mu miwoko yako mu cilo ci cino. Holeka nghukulomba wunghombole, niwusomole mugoha wakwe nimuhomele mweneco, home lwa kamonga mhuguze sunga ho hasi! Hamba nowa sina soko yaye yo kumuhoma kanyhi mbuyajize!”