Hoseya 10:4 - Luganuzi Luswanu Kuli Wanhu Wose 2002

⁴ Wakulonga nghani zono zisina nhunizo, no kwihuwiza wihuwizo wo wulambi, no kwituma nghani zono zisina cambuzi. Ne ling'ani, yeza si ling'ani, yikuwiluka kotya mabalwe gono gena sumu mu mugunda wono wakondya kulimwa.

Hoseya 10:4 ပူးပေါင်းရင်းမြစ်များ

Isaya 5:7

Ale, wanhu wa Isilayeli, wo mugunda we mizabibu wo Muwaha Mulungu u Mudaha vyose, u Mulungu we mihanga. Nawo i wanhu wa Yuda, zo zabibu zono yazihadika. Nayo yali yetumbiye, nha vyono wokwituma zo wuhile wakwe. Ninga wene wakawa wawulaji. Yali yetumbiye nha vyono wokwituma ze ling'ani, ninga wanhu wakawa wakulila vyono si wakutendelwa ze ling'ani.

Hoseya 4:2

Wakunoza cilagane no kucibena, kanyhi wakulamba, no kuwulaga, wakuhiza no kwituma zo wusenyha. Wubena wulajilize, nawo wukonjezeka, na ko wuli wuwulaji ako na ako.

Hoseya 6:7

“Ninga wene weza nha Adamu, wacibena cilagane cono calagana nane.

Amosi 5:7

Woyi he kuli'nye. Anye mono muyikawaniza ling'ani no kuwawusiza wanhu ling'ani yawo!

Amosi 6:12

Wule! Zifwalasi zomangha mu canyha ye matalawe? Ma! Wanhu walimaga ne zing'ombe mwi'lenga? Ninga anye mwayipitula ling'ani, yawa sumu, ne mbeka nayo yawa yisutya.

Metumo ge Watumwa 8:23

Hambi nha nghukuwona vyono wuli mu wusungu wukali, na mu wuwopwe wo wubi.”

Walumi 1:31

wasina mahala, si wafisilizaga ivilagane vyawo, wasina wuswanu, hamba lusungu du bwete kuli wayawo.

Wukumbucize wo Wulajilize 29:18

Holeka mulanjilile, yilece kuwa yunji wa muli nyenye, munhu mulume, hamba mucekulu, hamba wana, hamba wo mulango wowose mono mwimile bahano izuwali, yamulece Muwaha Mulungu, u Mulungu wetu, yahembe milungu ye makungugo ganji. Hambi yiyi nha yokwihwana ne lisina lyono likuwiluka no kulela sumu nghali.

Wukumbucize wo Wulajilize 31:16

Muwaha Mulungu yakamulonjela Musa yakatya, “Alu agwe Musa, weza wuli behi no kufwa, na lono kowa wakondya kufwa, hodu wanhu hamba si wowa wehuwilwa kanyhi kuli'ne, kanyhi wocibena ne cilagane cangu cono nalagana nawo. Wondeka, wawe kuhemba milungu yo wulambi yono yili mu yisi yono wene wokwinjila.

Wukumbucize wo Wulajilize 31:17

Na kolo zizi zikwijela, nane nowakolelwa likuwo, niwalece wongomele. Ne magazo menji go wizine gowaziza, nawo baho ho wolomanya vyono gago gose gakuwejelela, vyono ane no Muwaha Mulungu wawo, si nili hamonga nawo kanyhi.

2 Timoteyo 3:3

wolokuza wanhu wono wolowa wasina wendo mu zinhumbula zawo, wono wasina lusungu, wasonjezi, wabuguci, kanyhi wakali, nawo wocisula cinhu co cose i ciswanu,

Wahebelaniya 12:15

Muhidimbale muno muno, ho yunji yalece kulyajiliza i lihewa lyo Mulungu. Mwilanjililaje, lisina lyo wusungu lilece kutula muli nyenye, no kuwawulaga wanhu wenji ko wusungu walyo.