Filemoni 1:17 - Luganuzi Luswanu Kuli Wanhu Wose 2002

¹⁷ Ale, holeka hono wuwe wukumbona ane nili muyago, ale, wumubocelaje kanyhi nha vyono wali wumbocele nene no mweneco.

I CILAGANE CIPYA 1991

¹⁷ Ale, holeka hono wuwe wukumbona ane nili muyago, ale wumubocelaje kanyhi nha vyono wali wumbocele nene no mweneco.

Filemoni 1:17 ပူးပေါင်းရင်းမြစ်များ

Matayo 10:40

“U munhu wo wose mono yakumubocelenyi nyenye, yuyo yakumbocela nene, nayo mono yakumbocela nene, yakumubocela ayulya mono yanhuma.

Matayo 18:5

Na muli wose mono yakumubocela u mwana yumonga nha vyono yenha yuyu mwi'tagwa lyangu, yuyo yakumbocela nene.

Matayo 25:40

Nayo u Mutemi kowapitula yawe kutya, ‘Mbeka nghumutyenyi, vyono co cose cono mwamutendela yumonga wa muli wawa i wandugu zangu wadodo, ale, mwanhendela nene.’

Metumo ge Watumwa 16:15

Nayo yaza kubaputizwa, u mwene na wa mu nyumba yakwe wose, yakacinena yakutya, “Hono yiwe mbeka mwawona vyono nane nimwihuwiye Muwaha, ale mwinjile mu kaya yangu.” Yakacinena cibite.

2 Wakolinto 8:23

Tito yo muyangu, mono cikwituma hamonga u mulimo ku soko yenyu. Ninga kuli za awano wandugu zetu wanji wono vikuzana nawo, awo watumwa ne makanisa nu lukumyo lwa Kilisito.

Waefeso 3:6

Ne nghani yiyo yono yihundicigwe nha yoyi, vyono mu nzila yo Luganuzi Luswanu, iwanhu wono si Wayahudi mo wakutujila ilifungu lyawo hamonga ne Wayahudi muli zo wulugutwe wo Mulungu, wene nawo nha wali vilunzwa vyo muwili wuwulya, kanyhi wahanji wo wihuwizo wuwulya wono u Mulungu yawunoza mu nzila ya Kilisito Yesu.

Wafilipi 1:7

Na vyo yinojeye nimwihwesezenyi, hambi nha nghumukumbucilenyi nhondo zose mu nhumbula yangu. Hambi na nyenye wose, nha muhanjile na nene, mwi'hewa lyono yamhela u Mulungu ho nilutetele no kulukangaza u Luganuzi Luswanu, mwi'daha lili lono nili mu jela, na kanyhi sunga na bahalya ha lulongozi lono nali nghali nawopwa mu jela.

1 Timoteyo 6:2

Ne wawanda wono wena watwa zawo Wakilisito, walece kuwabedegala, hambi nha wandugu zawo. Langa yiwanojeye wawetumamile mu wuswanu muno wose, hambi wawo wono watugaga cambuzi mu mulimo wawo, nha wo wawo wono wehuwiye kanyhi wendece kuli Mulungu. Yikunojeye kwijiza no kuziganula izinghani azi:

Filemoni 1:10

Alu nina nghani monga du yono nghukulomba ku soko yo mwanangu Onesimo, u mwanangu muli Kilisito, hambi nha neza nili sogwe mono nimuleleye lono nili mu cifungo.

Filemoni 1:12

Alu nghumugomola u kwako, nayo yenha i nhumbula yangu nene no mweneco.

Filemoni 1:18

Na hono yawe yali yakusutizye cinji, hamba lunji yena mugawa kuli 'gwe, ale, wundayaje nene.

Wahebelaniya 3:1

Ale, anye wandugu zangu, mo wanhu wo Mulungu, mono mwacemwa no Mulungu, mwihwesaje za Yesu mono u Mulungu yamutuma yawe Mukohani Muwaha wo wihuwilo wetu.

Wahebelaniya 3:14

Hambi ase nha ceza cili hamonga na Kilisito, soko ciwe ciwukamise muno muno u witumbilo wetu wono cali cina nawo hamwamulizo.

Yakobo 2:5

Wandugu zangu, wendece, hulicizenyi ta! U Mulungu yakondya kuwahagula iwanhu waciwa wa mu yinze yiyi, ho wawe wagoli wo wihuwilo, kanyhi wawubocele wutemi wono yawatemezeza wa walya wono wamwendile.

1 Petelo 5:1

Nyo wanyamhala! Ane no munyamhala muyenyu, nghumulombenyi nghani yi monga du, nyo wanyamhala wayangu. Hambi nene no mweneco nha newonelela ne meso gangu, imagazo ga Kilisito kanyhi nitumbiye kuhanga lululya u lukumyo lono lologubulwa. Ale, ane nghumunenenyi,

1 Yohana 1:3

Cico cono cawona, na cono cahulika, co cikumwanzizenyi nanye, nanye ho muhanje nase mu wumonga wono cina nawo no Sogo yo munhu no Mwanagwe Yesu Kilisito.