Ezekiyeli 7:8 - Luganuzi Luswanu Kuli Wanhu Wose 2002

⁸ “Nanye lu moliwona likuwo lyangu musunho. Hambi nha nghumuling'anizizenyi mu nghango ye metumo genyu. Nane nomuling'anizenyi mu nghango ye mawifyo genyu vyono genha.

Ezekiyeli 7:8 ပူးပေါင်းရင်းမြစ်များ

2 Zinghomo 34:21

“Alu, mubite mukambuzize kuli Muwaha Mulungu, hamonga ne wanhu wono wakali wasigaye mu Isilayeli na mu Yuda. Muzimanye ze mejizo gono gali mu citabu cici. Hambi Muwaha Mulungu nha yacikoleywe likuwo, vyono i walezi wetu si wenda kuyihulika nghani yo Muwaha Mulungu hamba kwituma zono zinojeye wazitume, nha vyono zandicigwe mu citabu cicino.”

Zabuli 79:6

Wuwajidile likuwo lyako i wanhu wono si wakumanyile, sunga no wutemi wose, wono siwukulyogopa litagwa lyako.

Isaya 42:25

Holeka nayo yacijidila wukali we likuwo lyakwe, no wusungu we milewo. Ne likuwo lyakwe, likawakolelwa Isilayeli nha moto mukali ninga 'se hamba kumanya zono zacijelelaga yaye, hamba kumanya co cose muli zizo.

Yelemiya 36:31

Nane nokulipiciza gwegwe ne wanago wose, hamonga ne wetumami wako wose, ku soko yo wubi wono mwitumile. Kanyhi yo nghani yo wizine, vyono gwegwe ne wanhu wa Yelusalemi ne wanhu wa Yuda, hasina hamba yumonga mono yaziceleleye zinghani zangu. Holeka nane luno, nomuletelenyi magazo mawaha nyenye wose, gono nali nakondya kugawaga vyono nomuletelenyi.’ ”

Yelemiya 7:20

Holeka lu, ane no Muwaha Mulungu, nane nolijidila likuwo lyangu mumu mu Nyumba yangu. Hamonga na zizo, nolijidila sunga na muli wanhu, na muli vilimu, na mu mabici gose, sunga na mu vilimwa. Ne likuwo lyangu, lyowa lihwanile moto mukali, wono howa hasina munhu wo wose, mono kosuma kuwuzimya yaye.

I Cililo 2:17

Alu Muwaha Mulungu, nhondo ketuma zono yali yazitemizye kuzituma. Kacihodanga yasina lusungu nha vyono yacilonjela. Kawapela walugu wetu wusume, kawapela wusangalale so wutamiswe wetu.

I Cililo 2:4

Yacilunga ne zisonga zakwe nha mulugu, yawawulaga wose, wono wali wendeze ha meso getu. Nase amuno mono Yelusalemi, cikaliwona likuwo lyakwe vyono likwaka.

I Cililo 4:11

Muwaha Mulungu yakalifisiliza likuwo lyakwe liwaha, yakayipembela moto Sayuni, yikapya yikakongojela ho hasi.

Ezekiyeli 11:21

Ninga langa, nolowalipiciza i wanhu wose, wono mitima yawo yendile kuhemba vinhu vyavu, hamonga ne vihwani vye mawifyo. Nolowalipiciza mu nghango ye metumo gawo.” Nhavivi vyo yakutya u Muwaha Mulungu.

Ezekiyeli 14:19

“Na hono nali ndete wutamwa wa tawuni, mu yisi yose, niwawulajile wanhu ne mitugo mwi'kuwo lyangu.

Ezekiyeli 16:43

Ane nghuwona, 'mba, wasemwa zono nakutendela ha wudodo wako, holeka alu weza kwituma zinghani, zono zikunghoza'ne likuwo. Na yiyi yo yikaleka wutuje wulipicizwe ku soko ya zizo. Alu nhawule 'gwe, wukawa wukwihanza-hanza mu wusenyha wako, ne vinhu vye liwifyo?” Azi zo yakutya u Muwaha Mulungu.

Ezekiyeli 16:59

U Muwaha Mulungu yakulonga yakutya nhavi, “Ane nomutendelenyi nha vyono munojeye. Hambi nha mwabedegala wihuwizo wenyu, no kucibena cilagane.

Ezekiyeli 18:30

“Holeka ane no Muwaha Mulungu, nghumulonjelenyi anye nyo Waisilayeli, nha vyono, nomuling'anizenyi munhu na lwakwe, mu nghango ye metumo gakwe gono yetuma. Alu muwuye, mumhitucile, muwulece u wubi wono mwitumaga, mulece kuwuleceleza u wubi wenyu wumongomezenyi.

Ezekiyeli 20:13

Ninga hamba nhavivyo, wene wakewubavya mu nyika, wakeyavufya. Wakawubena wulajilize wangu, wakagalema malajilizo gangu, gono gamupelaga wumi munhu wo wose mono yakugebata. Wakazavufya ne zisabato zangu. Sunga nhondo nasakaga niwalajile likuwo lyangu vyono linha, niwongomezeze mumo mu nyika.

Ezekiyeli 20:21

“Ninga hamba nhavivyo, ne likungugo lilyo nalyo, wakalema kuhulika 'ne. Wakawubena wulajilize wangu, hamba si wagebata ne malajilizo gangu yaye, gono gamupelaga wumi u munhu wo wose mono yakugebata. Kanyhi wakazavufya Sabato zangu. Nane ku soko yiyo, nasakaga niwalajile likuwo lyangu vyono linha, niwawulajile mumo mu nyika, niwongomeze wose.

Ezekiyeli 20:33

“Na mbeka ane nha vyono yo nene Muwaha Mulungu, mono nili Mulungu mumi, nghumusugulenyi nha vyono, nomutendelenyi anye mwi'kuwo lyangu, kwe vilungo vyo muwoko wangu, na kwe vilungo vyangu vyose.

Ezekiyeli 20:8

Ninga wene wakebavya, hamba si wenda no kuhuliciza yaye. Hamba si waviwusa vihwani vye milungu yawo ye mawifyo, hamba kuyileka i milungu ye Wamisili yaye. Sunga nhondo, nasakaga niwalajile likuwo lyangu liwaha, kuko ku Misili.

Ezekiyeli 22:31

Holeka ku soko yiyo, nane nowamwajila likuwo lyangu, niwakongoje mu moto, ku soko ye metumo gawo.” Vyo yakutya Muwaha Mulungu.

Ezekiyeli 24:14

Vyo nghutya ane no Muwaha Mulungu. Nha vyono cidaha caza, nane nokwituma. Nane hamba si nowunenela wubi wako, hamba kukuwonela lusungu, hamba si nokuleka yaye. Langa nokulipiciza du ku soko ye metumo gako gono wetuma.” Vyo yakutya u Muwaha Mulungu.

Ezekiyeli 30:15

Nololinoza Pelusiyumu, i ligomawakali liwaha lye yisi ya Misili, liwuwone u wukali we likuwo lyangu. Nolowuhodanjilila lukulu u wugoli wose wa Tabesi.

Ezekiyeli 33:20

Ninga anye nyo Isilayeli, mukali vyo mukutya du, vyono zono ane nghwituma si zili ling'ani yaye. Ninga nane nomuling'anizizenyi mu metumo genyu.”

Ezekiyeli 6:12

Nawo wono wali ku zi'si zo kutali, wotamwa no kufwa, nawo wono wali baho behi, wowulagwa no wulugu. Nawo wono wowa wakali wasigaye, awo lizala lyowakopola. Nawo wose woliwona likuwo lyangu vyono linha.

Ezekiyeli 7:27

Sunga no mutemi nayo, kolowa kulila du, nayo u mwana wo mutemi kolowa yasina witumbilo kanyhi. I wanhu wose nawo, wolowa wakucicima du so woga wuwaha. Nane nomulipicizizenyi mu nghango yono nanye mwawaling'anizaga wanji. Na zizi zose zolomulajilenyi nha vyono ane yo nene Muwaha Mulungu.”

Ezekiyeli 7:9

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwetumaga. Nanye baho nhondo ho molomanyila vyono ane yo nene no Muwaha Mulungu, na vyono yo nene mono nghumulipicizenyi.”

Ezekiyeli 9:10

Ninga nane lu, hamba si nowawonela lusungu yaye, langa nowatendela wene, nha vyono nawo wawatendelaga wanji.”

Ezekiyeli 9:8

Na lono mulimo wuwo wali wukali wujendeleye, ane no mweneco, nghawa sigaye baho nili wene du. Nane hobaho nghegwisa hasi wugubama, nghazoza nghatya, “Gwe go Muwaha Mulungu, alu hongo wayikolelwa muno likuwo Yelusalemi, sunga lu weza kusaka wuwawulaje wanhu wose wono wakali wasigaye mu Isilayeli?”

Danyeli 9:11

Ne Waisilayeli wose, wakondya 'lu kuwubena wulajilize wako, hamba si wakuzityatya kanyhi yaye zono wawalonjela. Holeka ase cili wasutyi du hali'gwe, na ku soko yiyo, holeka nagwe wukaciletela malijito gose gago gono mandice mu Wulajilize wa Musa, u mwitumami wako.

Danyeli 9:27

Nayo mutemi yuyo, kolokwilumbaniza ne wanhu, myaka mupunghati. Na kolo vikupuluta nusu ye vilo vivyo, kologawusiza lukulu makumbiko, hamonga ne vilavywa. Ne Nghani yo Wogofye muno, yolowikwa mu cizuli ce Nyumba yo Mulungu, nayo yolokwikala baho, sunga lono kolokuziza mono yayiwika baho, vitang'anile no wongomele wono Mulungu yakondya kumuwajila.”

Hoseya 12:3

U sogo yawo Yakobo yesumaniza no muwahawe Esawu, lono wose wejete wali wakali mu'nda ye nyinawo. Na lono Yakobo yali yeza wiluka, yakesumaniza no Mulungu.

Hoseya 5:10

Muwaha Mulungu yakutya, “Ane ngholigwe yikuwo ku soko wawaha wa Yuda, wenjila mu mipaka ya Isilayeli, no kuyihiza yisi yawo.” Holeka nane nowetila likuwo lyangu kotya malenga.

Nahumu 1:6

Nani mwene mono kosuma kupona, kolo mwene yakukolwa likuwo? Hamba nani mono kolosuma kusigala mu wogofye we likuwo lyakwe? Yakwita lilambi lye likuwo lyakwe, ne matalawe gakubiduka mu manghundi ha mwande yakwe.

Wugubule 14:10

ale, u munhu yuyo, koying'wa divayi ye likuwo lyo Mulungu, divayi yono yakondya kujidilwa mu cikombe ce likuwo lyakwe, kanyhi hamba si hanza hanzwe ne malenga yaye. U munhu yuyo kogazizwa mu moto ne cibiliti, hamwande ye wamalayika wono welile na hamwande yo Mwana we ngholo.”