Ezekiyeli 7:7 - Luganuzi Luswanu Kuli Wanhu Wose 2002

⁷ Ne ndumilizo yenyu yikuza kuli'nye nyo wanhu wose mono mwikaye mu'si. Ne lidaha lyasejelela, lono holowa hasina kanyhi wusangalale we zisikuku u mu matunda gono mugasiwanuye, langa holowa no wucelewale du.

Ezekiyeli 7:7 ပူးပေါင်းရင်းမြစ်များ

Mwamulizo 19:15

Waza kwela, wamalayika wakamuswaswaniza Loti muno muno, akuno wakutya, “Gwe Loti, Loti! Winukaje ye, musolaje no mugolece wako, hamonga ne wanago wejete we cicekulu, mulece kwajiliza wumi wenyu bwete, kolo likaya lilino likongomezwa.”

Mwamulizo 19:24

Baho u Mulungu nayo yakawa kutonyeza cibiliti no moto mu Sodoma na Gomola ku wulawa ku wulanga.

Isaya 13:22

Nayo minala, hamonga ne makaya go wutemi, golowa kubocelela mazi ge vililo vye zimbisi hamonga ne macewe.” “Holeka cidaha co kuyongomeza Babiloni cakondya kuza! Ne vilo vyawo vyeza malika.”

Isaya 16:10

Alu hasina hamba munhu monga, mono yayisangalaliye migunda yono yifisize muno. Hasina hamba munhu monga mono yakwimba hamba mono yena nyemo ku soko ye migunda yiyo ye mizabibu. Hasina hamba munhu monga mono yakukobonga zabibu yatuje divayi, ne lizozo lye nyemo, lyaduma.

Isaya 17:14

Na mwi'pango lye cinyamihe galetaga wogofye. Ninga kolo wukwela, hodu nago gawa kuwuka. Nalyo lilyo lyo lifungu lyo munhu wo wose mono yakusaka kuyiteka yisi yetu.

Isaya 22:5

Hambi ali nha lyo lizuwa lye mahwele, no wusumwe, hamonga no woga wuwaha, mwi'lolo lyo wugubulilwe. Hambi u Muwaha Mulungu we mihanga, nha yo yacileteye. Alu lanje, sunga ne majinji ge likaya lyetu, gose gakondya kumwaguka, ne mazi ge cililo cetu co kulondola wutazi, ne matunda nhondo gakubocelela.

Yelemiya 20:7

Gwe go Muwaha Mulungu, kunghonga'ne, nane niwa kukongwa-kongwa. Hambi agwe nha wina vilungo wunyhizize'ne kumbusiza sunga ne vilungo vyangu, nalu wanhu wose wakusekanga, wakunzwajiza misi yose.

Yelemiya 50:27

Muwawulaje ne wasilikale wayo wose! Muwongomezeze lukulu! Woyi hee, kuli nye, nyo wanhu wa Babiloni! Hambi lizuwa nha lyakondya kuza lyo kumuling'anizenyi nanye.”

Ezekiyeli 12:28

Ninga agwe wuwalonjele nha vyono ane no Muwaha Mulungu nghutya, i vilo vivyo, hamba si vyotinya kuza. Na zono nakondya kuzilonga, mbeka zofisilizwa du. Vyo nghutya ane no Muwaha Mulungu!”

Ezekiyeli 30:3

Lizuwa lyasejelela, lizuwa lyono u Muwaha Mulungu kolokwitumila zizo zose. Lizuwa lye mavunde, no wugaye kuli makungugo.

Ezekiyeli 7:12

Lipango likuza. Nalyo lizuwa lyasejelela lono holowa hasina kanyhi munhu mono kolowa kugula cinji hamba mono kolowa kwambaza cinji. Hambi wulipicize wo Mulungu, nha wolowaziza wanhu wose.

Yoweli 1:15

Woyi he nye! Hambi lizuwa lyo Muwaha Mulungu, nha lyasejelela, lizuwa lyono Muwaha Mulungu u Mudaha Vyose kololeta wongomele!

Amosi 4:13

Mulungu yo yanoza matunda no kuwumba mbeho. Mwene kaganozaga mahweso gakwe, gamanyice kuli munhu. Kakawanizaga misi ciwa cilo, no kuhakanyaga hono henuce mu yinze. Ali lyo litagwa lyakwe, Muwaha Mulungu mono yali vilungo!

1 Petelo 4:17

I cidaha co wuling'anizwe nha cakondya kuza, no wuling'anizwe wuwo, wukwamulila kuli wanhu wo Mulungu mweneco. Na hono wulinga'nizwe wuwo wamulile kuli sese, co weneco, alu ma, i ndumo ya wawalya wono siwehuwilaga u Luganuzi Luswanu lo Mulungu, ho yolowa wule?