Ezekiyeli 7:3 - Luganuzi Luswanu Kuli Wanhu Wose 2002

³ “Gwe go yisi ya Isilayeli, indumilizo yako yakondya kuza. Nagwe koliwona likuwo lyangu, hambi 'ne nha nghukulipiciza ku soko ye zimbi zono wetumaga. Nane nokuling'aniza mu nghango ye mawifyo gako kuli'ne.

Ezekiyeli 7:3 ပူးပေါင်းရင်းမြစ်များ

Mwamulizo 6:13

Holeka u Mulungu yakamulonjela Noha yakatya, “Nakondya kulamula, niwamale wanhu wose, hambi nha wayimemya yinze yose no wugazi wawo. Heya, nowongomezeza lukulu, hamonga ne yinze yose!

Isaya 47:7

Hambi nha wehwesaga nha vyono kojendelela kuwa mugolece we likulu vilo vyose, hamba kuzihwesa zizi zose mu nhumbula yako, nha vyono zose zina ndumo.

Yelemiya 13:14

Hanyuma ho niwe kuwatulanjiza nhe zinjilo zono zikutowezwa njilo na njilo nyagwe. Nawo vyo wotowezwa munhu na muyagwe, i wasogo zo munhu ne wana wawo. Nane si nowawonela lusungu yaye, hamba lusungu, si lonyimila yaye, ho ndece kuwawulaga ng'o.”

Ezekiyeli 11:21

Ninga langa, nolowalipiciza i wanhu wose, wono mitima yawo yendile kuhemba vinhu vyavu, hamonga ne vihwani vye mawifyo. Nolowalipiciza mu nghango ye metumo gawo.” Nhavivi vyo yakutya u Muwaha Mulungu.

Ezekiyeli 16:38

Nane nokuling'aniza so wusenyha wako, no wuwulaji wako. Nghuwulajile mu wulipicize wukali we likuwo lyangu.

Ezekiyeli 16:43

Ane nghuwona, 'mba, wasemwa zono nakutendela ha wudodo wako, holeka alu weza kwituma zinghani, zono zikunghoza'ne likuwo. Na yiyi yo yikaleka wutuje wulipicizwe ku soko ya zizo. Alu nhawule 'gwe, wukawa wukwihanza-hanza mu wusenyha wako, ne vinhu vye liwifyo?” Azi zo yakutya u Muwaha Mulungu.

Ezekiyeli 16:59

U Muwaha Mulungu yakulonga yakutya nhavi, “Ane nomutendelenyi nha vyono munojeye. Hambi nha mwabedegala wihuwizo wenyu, no kucibena cilagane.

Ezekiyeli 18:30

“Holeka ane no Muwaha Mulungu, nghumulonjelenyi anye nyo Waisilayeli, nha vyono, nomuling'anizenyi munhu na lwakwe, mu nghango ye metumo gakwe gono yetuma. Alu muwuye, mumhitucile, muwulece u wubi wono mwitumaga, mulece kuwuleceleza u wubi wenyu wumongomezenyi.

Ezekiyeli 21:25

“Agwe go mulongola we wanhu wa Isilayeli, go mulongola u mwituma zimbi, lizuwa lyako, lizuwa lyo wulipicizwe wako we ndumilizo, likuza.

Ezekiyeli 22:31

Holeka ku soko yiyo, nane nowamwajila likuwo lyangu, niwakongoje mu moto, ku soko ye metumo gawo.” Vyo yakutya Muwaha Mulungu.

Ezekiyeli 24:14

Vyo nghutya ane no Muwaha Mulungu. Nha vyono cidaha caza, nane nokwituma. Nane hamba si nowunenela wubi wako, hamba kukuwonela lusungu, hamba si nokuleka yaye. Langa nokulipiciza du ku soko ye metumo gako gono wetuma.” Vyo yakutya u Muwaha Mulungu.

Ezekiyeli 33:20

Ninga anye nyo Isilayeli, mukali vyo mukutya du, vyono zono ane nghwituma si zili ling'ani yaye. Ninga nane nomuling'anizizenyi mu metumo genyu.”

Ezekiyeli 36:19

Nane nghawalipiciza ku soko ye zinzila zawo zimbi ze metumo gawo. Holeka nghawa kuweyagaziza mu zi'si zinjenzi.

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Ezekiyeli 5:13

“Nanye baho ho mololiwonela nhondo likuwo lyangu hamonga no wukali wangu, sunga lono nolowa nayimala nhunduji yangu nene no mweneco. Na kolo zizi zejela, baho nanye nhondo, ho molomanyila vyono ane no Muwaha Mulungu yo nene mono nonjile zizo kuli 'nye, vyono ngholigwe likuwo muno so wula wihuwilwa wenyu.

Ezekiyeli 7:2

“Gwe go munhu, ayi yo nghani yono ane no Muwaha Mulungu nghuyilonjela yisi ya Isilayeli nha vyono. Ayi yo ndumilizo ye yisi yose ya Isilayeli!

Ezekiyeli 7:27

Sunga no mutemi nayo, kolowa kulila du, nayo u mwana wo mutemi kolowa yasina witumbilo kanyhi. I wanhu wose nawo, wolowa wakucicima du so woga wuwaha. Nane nomulipicizizenyi mu nghango yono nanye mwawaling'anizaga wanji. Na zizi zose zolomulajilenyi nha vyono ane yo nene Muwaha Mulungu.”

Ezekiyeli 7:4

Nane nomulipicizenyi du, hamba si nomuwonelenyi lusungu yaye. Langa nomulipicizenyi du ku soko ye makani genyu ge mawifyo gono mwitumaga. Nanye baho nhondo ho molomanyila vyono ane yo nene Muwaha Mulungu.”

Ezekiyeli 9:10

Ninga nane lu, hamba si nowawonela lusungu yaye, langa nowatendela wene, nha vyono nawo wawatendelaga wanji.”

Hoseya 12:3

U sogo yawo Yakobo yesumaniza no muwahawe Esawu, lono wose wejete wali wakali mu'nda ye nyinawo. Na lono Yakobo yali yeza wiluka, yakesumaniza no Mulungu.

Amosi 8:2

Muwaha Mulungu yakambuza yakatya, “Amosi, wukuwona cici?” Nane nghamupitula nghatya, “Nghuwona nhoto ye mikalo.” Muwaha Mulungu yakanyitya, “U mudumo we wanhu wangu Isilayeli, wakondya kuza. Nane sinokawaniza yaye wuhile wangu wo kuwongomeza wene.