Ezekiyeli 5:2 - Luganuzi Luswanu Kuli Wanhu Wose 2002

² Wusole lifungu limonga, wuziticimize mu moto, wuziticimizize mwi'kaya mugati, lono milewo yamalika. Hanyuma kanyhi wulisole lifungu linji, nazo wuzidumulanje no mumaje wako, akuno wukujenda, lono wukuwuka mwi'kaya. Ne lifungu lyono lisigaye, nazo wuzigumile mucanyha ziyagale mu mbeho, nane nozityatilila no mumaje wangu.

Ezekiyeli 5:2 ပူးပေါင်းရင်းမြစ်များ

Yelemiya 13:24

Ninga luno u Muwaha Mulungu, kokwiyagaza ako na ako nhe mahanze, gono gakuwa kupemheluswa ne mbeho ya mu nyika.

Yelemiya 15:2

Nawo kolo wakukuwuza vyono wabite hayi lo, nagwe wuwalonjele zono ane nonjile, nitya, Woyi hee, hambi wanji nha wofwa ne matamwa, na kuko ko wobita! Woyi hee, wanji wofwila ku wulugu, na kuko ko wobita! Woyi hee, wanji wofwa ne lizala, na kuko ko wobita! Woyi hee, nawo wanji wosolwa wategulwe kutali nha wafungwa, nawo kuko ko wobita!

Yelemiya 24:10

Nane nowaletela wulugu, ne nzala, hamonga ne matamwa, sunga kolo hakuwa hasina hamba munhu monga muli wene, mono kolosigala mu yisi yono nawapela wene, hamonga ne walezi wawo.”

Yelemiya 38:2

zono Muwaha Mulungu yazilonga yakutya, “U munhu wo wose mono kolosigala mwi'kaya lili, kolofwila mu wulugu, hamba mu nzala, hamba mu matamwa. Ninga munhu wo wose mono kolowuka mwi'kaya lili, yetegule mweneco kuli Wababiloni, ayo langa si kolowulagwa yaye, langa koloponya wumi wakwe.”

Yelemiya 39:1

Na mu mwezi we likumi, wa mu mwaka we licenda, lono Zedekiya yali yatemile mu Yuda, Nebukadineza u mutemi wa Babiloni, yakawa kuza ku Yelusalemi, hamonga ne lipuga lyakwe lyose lye wasilikale, wakawa kuyihoma Yelusalemi.

Yelemiya 39:2

Na mwi'zuwa lye licenda, lya mu mwezi we kane, wa mu mwaka we likumi na monga, wa mu wutemi wa Zedekiya, baho ho majinji ge likaya gakumulanjilwa.

Yelemiya 9:15

Alu agwe wuhulicize zono ane nane no Muwaha Mulungu, we mihanga u Mulungu we Waisilayeli, vyono notenda. Nowalisa wanhu wangu mabici makali, niwang'wese ne sumu wang'we.

Yelemiya 9:16

Noweyagaziza mu makungugo ganji, gono weneco, hamba ne walezi wawo, wali si wagamanyile yaye. Nowatumila walugu, nghawongomezeze lukulu.”

Ezekiyeli 12:14

Nane noloweyagaza ako na ako ku zimbavu zose, wose wono wamupilime wamutaze, hamonga ne walindilizi wakwe wose. Ne wanhu wolowalondola ho wawawulaje.

Ezekiyeli 17:21

Ne wasilikale wakwe wose i waswanu, wose wowulajilwa mu wulugu. Na wono wosigala, wose wokwiyagalila mbavu zose ze yisi. Nanye baho nhondo, ho molomanyila vyono ane yo nene Muwaha Mulungu mono nizilonjile zizi.”

Ezekiyeli 5:10

Na mu ndipicizwa yiyo, iwalezi wa mu Yelusalemi, wololya i wana wawo, nawo wana wololya walezi wawo. Nolomulipicizenyi no kumwiyagazizenyi mu malanga gose, kanyhi holowa hasina hamba yunji mono yalasigala mumi.

Ezekiyeli 5:12

Lifungu lilongozi lye wanhu wako, wofwila mwi'kaya so matamwa na so nzala, lifungu lye kejete, awo wolowulajilwa kunze ye likaya no mumaje, nawo we lifungu lye kadatu lye ndumilizo, noloweyagaziza mwi'beho liwaha, hanyuma nowatyatilila no mumaje wangu.

Ezekiyeli 5:3

Ninga hamba nhavivyo, wusigaze mvwili nyhefu, wuziwope mwi'cindo lye myenda yako.

Walawi 26:33

Noleta wulugu muli'nye, kanyhi nomwiyagazenyi mwiyagalile mu zi'si zo wujenzi. Ne yisi yenyu yowa matongo, ne makaya genyu golekwa gagwiye caka.

Amosi 9:4

Na hono wasolwe wawopwe ne walugu wawo, nowalonjela wawo walugu wawo wawawulaje. Nane hamba si nowataza yaye, anga ndumuye nghani niwongomeze du.”

Zakaliya 13:8

Na mu yisi yiyi yose mafungu mejete ge wanhu wofwa.