Ezekiyeli 41:4 - Luganuzi Luswanu Kuli Wanhu Wose 2002

⁴ Hanyuma kanyhi yakayipima nyumba yeneco. Nayo yikawa yina mita yikumi mugati mbavu zose. Ne nyumba yiyi, yali yili ku mwande ye nyumba ya haciligati. Na hanyuma u munhu yuyo yakanyitya, “I Hanhu bahano, ho Hanhu Hono Helile Helile muno.”

Ezekiyeli 41:4 ပူးပေါင်းရင်းမြစ်များ

1 Watemi 6:20

Ne cinyumba cico, cali cina wutali wa mita yicenda, no wugazi wa mita yicenda, no wutali wo kubita kucanyha nawo mita yicenda, yakacihiliwa zahabu nengu. Naco cikumbicilo cali cifunicizwe na mbawo zo muhagata.

2 Zinghomo 3:8

Cumba ca haciligati, cono cikucemwa i Hanhu Hono helile helile muno, cali na wutali wa mita yicenda, no wugazi wa mita yicenda. Nawo wali wo wugazi we Nyumba yo Mulungu. Yakasola zahabu ya wuzito wa tani makumi mejete, yakayitumamila so wuhiliwe we majinji gose ge Hanhu Hono Helile Helile, muno.

Wugubule 21:16

Ne likaya nalyo, lyali lya mhilimo ya nhuzi yine, nalyo u wutali walyo ne cipinga calyo, vyali viling'aniye kose kose. Baho nayo malayika yakawa kulipima i likaya lilyo ne cibici cakwe, nalyo u wutali walyo ne cipinga calyo, no wima walyo, lyali nha kilometa elufu nyejete na magana mane.

1 Watemi 6:16

Ne cinyumba ca hasi, cono cacemwa i Hanhu Hono Helile, helile muno, cikazengwa kumhilimo ye Nyumba yo Mulungu. Naco cali no wutali wa mita yicenda, cali citemanuywe ne libupa lya mbawo zo muhagata, zilawiliye hasi, sunga ko kucanyha.

1 Watemi 6:5

Na kunze ye majinji gose ge Nyumba yo Mulungu, yakazenga vinyumba, vipilime sunga na ku mhilimo yayo, ne viyumba vyose vyali vina wutali wo kubita kucanyha, mita nyejete na lobo.

1 Watemi 7:50

vikombe, tala, mabakuli, mitela, ne zikoleyo zo kupalila makala, ne zibawaba so milango ye Hanhu Hono Helile, Helile muno, hamonga ne milango ya kunze ye Nyumba yo Mulungu. Ne vinhu vivino vyose vyali vinozwe na zahabu.

1 Watemi 8:6

Nawo wakohani wono wali walidinghuye Lisanduku lye Cilagane, wakalinjiza mu Nyumba yo Mulungu, wakaliwika Hanhu Hono Helile, Helile muno, hasi ye makelubi.

2 Zinghomo 5:7

Hanyuma ya zizo, nhondo i wakohani ho wakawa kulidinghula Lisanduku lye Cilagane lyo Mulungu, wakalinjiza mu Nyumba yo Mulungu, wakaliwika i Hanhu Hono Helile, Helile muno, hasi ye Makelubi.

Ezekiyeli 41:23

Kanyhi hali ho cili cipuluto cono cali cibitile sunga ko ku Hanhu Hono Helile, ne cipuluto cinji naco, sunga ku Hanhu Hono Helile, Helile muno.