Ezekiyeli 40:3 - Luganuzi Luswanu Kuli Wanhu Wose 2002

³ Yakasola yakasejeleza ho behi. Baho, nghamuwona munhu mono yang'alalaga nha shaba. Munhu yuyo, yali yemile behi no mulango, yebate mu muwoko wakwe cipimo co kupimila ca citambala ca bafuta, hamonga ne nghome yo kujelela,

Ezekiyeli 40:3 ပူးပေါင်းရင်းမြစ်များ

Wugubule 11:1

Hanyuma nghapegwa cidete cono cihwanile cibici co kupimila, nghalonjelwa nhavi, “Ale winukaje wukawupime u wuhembelo wo Mulungu, hamonga no wukumbicilo wo kufusiza wuvumba, kanyhi wuwawale ne wanhu wono wakuhembela mumo mu wuhembelo.

Ezekiyeli 47:3

U munhu yuyo, yakawusola mulejehe wakwe, yakapima mita magana mahano mu cikolongo, ku wubita ku lubavu lwa kucilima, yakawa kunonjela ndowocele baho mu cikolongo. Nago malenga gali gaficile mu zimbwejele ze migulu yangu.

Wugubule 21:15

Yuyulya malayika nayo, mono yalongana nane, yali yena cibici ca zahabu co kupimila, ho yalipime likaya lilyo, hamonga ne milango yayo, ne majinji gayo.

Wugubule 1:15

i migulu yakwe nayo, yang'alalaga nha cuma cizelu, cono cilenguywe mu moto no kukusuwa muno, ne lizi lyakwe likawa nhe'zi lya malenga menji gono gakuhuluma.

Ezekiyeli 1:7

Ne magulu gavyo gali gagolocile, ne zinzayo ze magulu gavyo, zali nhe zinzayo ze magulu ge zing'ombe. Nazo zang'alalaga nha shaba nghusulwe muno.

Ezekiyeli 1:27

Nghawona yiyo futa yo munhu yikung'alala kotya shaba, mugati yo moto. Yikawa kung'alala muno hanhu hose, no

Isaya 28:17

“No wiling'ano, wowa wo mulejehe wo kujelela musinji wuwo, nawo wihuwilwa cowa co cijelelo cayo co wima.” Ne mvula ye mabwe yolowuwusiza lukulu wutizizo we walambi wose, nalyo lihwazi lyolohuluma mucanyha yo wihundiko wawo liwuhodanje.

Isaya 8:20

Nanye muwapitule muwe kutya, “Ciba muzihulice zono Muwaha Mulungu yakumwijizenyi! Mulece kuwahulika i waganga wo wulambi. Hambi zizo zono wakumulonjelenyi, nha sizo-mutazenyi cinji yaye.”

Ezekiyeli 41:1

Hanyuma u munhu yuyo kanyhi, yakawa kusola, yakanyinjiza mu nyumba ya ha ciligati, yono yikucemwa, i Hanhu Hono Helile. Yakawa kuhapima Hanhu Hono Helile. Naco cipuluto, hakawa no wutali wa mita yidatu ku wubita hasi,

Ezekiyeli 42:16

Yakayisola i nghome yakwe yo kupimila, yakapima ku lubavu lwa kucilima, yakatuga mita magana mejete na makumi mahano.

Ezekiyeli 43:6

Nayo u munhu yuyulya, yali yemile baho behi nane. Hanyuma nghamuhulika u Muwaha Mulungu, yakulonga nane mu wulawa mu Nyumba yakwe mugati, yakunyitya,

Ezekiyeli 8:2

Nane nali neza kugalamila kucanyha, nghagubulilwa, nghawona hwani ya munhu yakwijela nho wijele wo moto. Ne hwani yiyo, ku wulawilila ha ciwino sunga ko ku migulu, yejelaga nha moto. Na mu wulawilila ha ciwino sunga ko kucanyha, yali yinha wijele wo wubulile wo wung'alale nha cuma ca shaba nghusulwe muno.