Ezekiyeli 32:2 - Luganuzi Luswanu Kuli Wanhu Wose 2002

² “Gwe go munhu, wubite wukamukaje Falawo u mutemi wa Misili, wumulonjele zono nghumutya. Ane nghumutya nhavi, Agwe go mutemi wa Misili wukwiwona nha wuli simba muli makungugo. Ninga hamba nhavivyo, vyo winha mamba du mu malenga wukuzumhya malenga mwikolongo. Kanyhi kugatibulaga malenga ga mu makolongo ne magulu gako sunga gawa nhope, no kugahodanga makolongo.

Ezekiyeli 32:2 ပူးပေါင်းရင်းမြစ်များ

Ezekiyeli 29:3

Wumulonjele nha vyono u Muwaha Mulungu yakumulonjela zizi u mutemi we yisi ya Misili, yakutya, ‘Ane nili mulugu wako, agwe go lizoka liwaha, mono wugonile mugati ye likolongo. Mono wukwiyitya nha vyono likolongo lya Nile lyako, na vyono ati yo gwegwe mono walinoza.

Ezekiyeli 27:2

“Gwe go munhu, alu wimbe u lwimbo lwe maziko ge likaya lya Tulo,

Ezekiyeli 38:13

Ne wanhu wanya Sheba na Dedani, hamonga ne wasuluza wa mu vitumbi vya kutakama ya Hisipaniya, wolokuwuza wawe kutya, ‘Alu mwene 'gwe Gogu, kuza akuno hamonga ne mapuga gako ge wasilikale ho wutece mateka lo? Yikwijela nha vyono wuhile wako, wutuje fweza, na zahabu, ne mitugo, hamonga ne zisawo zinji zose, wuvikunyhe wubite navyo vyose.’ ”

Ezekiyeli 34:18

Ninga hamba nimulisenyi mu mahanze maswanu, yowa nha nghani ya bwete, hambi nha mogakanyanjila du ne migulu yenyu, i mahanze gono gowa gakali gasigaye. Nha vyono mwang'wa i malenga maswanu, no kugatibula gono gali gasigaye.

Ezekiyeli 32:16

Ne suguzi yiyi, yowa lo lwimbo lwe maziko. I wacekulu we zinghungugo zose wolowa kulwimba, wakuyililila Misili, hamonga ne wanhu wayo wose. Vyo nghutya, ane no Muwaha Mulungu.”

Ezekiyeli 28:12

“Gwe go munhu, wumulilile ko wusungu u mutemi wa Tulo, so zinghani zono zomwagana. Wumulonjele nha vyono, ane no Muwaha Mulungu nghumutya nhavi, Agwe wali wuli musambo wo mugoloka. Kanyhi wali wumemile mahala, hamonga no wusikame wo wuswanu!

Yelemiya 4:7

Hambi mono yapejigwe u mulimo wuwo wo kongomeza, nha yakondya kuwikanizwa, nayo yehwanile simba yono yikuza yikulawilila ha wihundiko wayo. Yakuza yayongomeze Yuda. Ne makaya gose ga Yuda gololekwa matongo, hasina hamba munhu monga mono kolokwikala mumo.

Isaya 27:1

Na mwi'zuwa lilyo, Muwaha Mulungu kolokwitumamila mumaje we lifwa, kwe vilungo vyakwe, kololilipiciza lilimu lyono likucemwa Lewiyatani, lizoka lyono libinzulaga, liwa kwinyongola, no kuliwulaga lizoka lyono likalaga mwi'lenga.

Ezekiyeli 32:18

“Gwe go munhu, wuwalililaje liwumbi lyose lye wanhu wa Misili. Wuwategule ku yisi ye wafu hamonga ne wanhu we zinghungugo zinji, wono wali vilungo.

Ezekiyeli 27:32

No kukwimbila lwimbo lwe maziko gako, wakutya, ‘Hambi nani kanyhi mono kowa yehwanile likaya lya Tulo, Likaya lya Tulo lyono aluno lyanyamazwa mu ciligati ye lilenga?’

Yelemiya 46:8

Yo yiyo yisi ya Misili, yo yikwinyasuliza hacanyha nhe likolongo lya Nile, nhe likolongo lyono lilapuce malenga galyo ko ku nyenje. Nayo yisi ya Misili yikalonga yikatya, ‘Ane nokwiyinula sunga niyigubice yinze yose. Nogongomeza makaya gose, hamonga ne wanhu wayo wono wekaye mu makaya gago.

Yelemiya 9:18

Nawo wanhu wakutya, “Ale, muwalonjele weyohe, waze wacimbile'se lwimbo lwe maziko, wembe, sunga ne meso getu gameme mahozi, ne zinghope zetu ze meso zisuluze malenga so cililo cetu.”

Isaya 51:9

Ale wusinhuce go Muwaha Mulungu wucitaze! Witumamile vilungo vyako nha vyono wavitumamila katali, wuciponye. Hambi nha yo gwegwe mono walitemanga vipiligwa-piligwa lizoka lya mwi'lenga lyono likucemwa Lahabu.

Zimbazi 28:15

Ne wanhu waciwa, si watugaga wutazi kuli mutemi mubi, hambi nha mukali, yehwanile simba yono yikukoloma, hamba dubu yono yidabuce.

Wuwale 24:9

Ne likungugo lilino, lili vilungo muno muno lihwanile simba. Nalyo hono lyagona, hasina kanyhi mono kokwijelela yalisinhuse. No munhu wo wose mono komulugutiza Isilayeli, u munhu yuyo nayo kolugutizwa. No munhu wo wose mono kumulijitiza Isilayeli, u munhu yuyo nayo kolijitwa.”

Mwamulizo 49:9

Yuda yenha nyana ya simba yono, kolo yebata mapelembo gayo, yiwuyaga mu mhango yayo, nayo yitambalalaga no kugona hasi. Nani 'mbi mono kosuma kumugaza?

Matayo 7:24

“Holeka ku soko yiyo, u munhu wo wose mono ya kuzihulika zinghani zangu no kuzibata, yuyo yehwanile u munhu we mahala, mono yayizenga kaya yakwe mwi'talawe.

Jobu 7:12

Alu, nhawule wukunyimila? Hamba wukwihwesa vyono ane nili 'limu lya mwi'lenga lo?

Zimbazi 25:26

No munhu muswanu lono yakuhanga no munhu mubi, yakwihwana no munhu we ling'ani, mono yakuwuya ne nyuma no kuhanga ne wabi, kawa nho muvwilo wono wanhu watibuye ne magulu, hamba cisima cono civizice.

Yelemiya 46:7

Hamba nani lo mono kokwinyasula nhe likolongo lya Nile, hamba kotya nhe likolongo lyono lilapuce malenga galyo?

Ezekiyeli 26:17

Nawo wolokwimbila u lwimbo lwe maziko gako, wawe kutya, Ale, lanjenyi ta ze likaya lye lilumbo vyono lyahodanjika! Ne zingalawa zalyo zose zahamywa mwi'lenga. Hambi i wanhu we likaya lili, nha wali walitemile lilenga. Wakawa cogofyo kuli wose wono wekalaga mu mwalambalo we lilenga.

Ezekiyeli 29:15

hamba si wologatemela lukulu kanyhi i makungugo ganji yaye. Nolowanoza wawe wanhu wono wasina lilumbo, wono si wolowa ne vilungo vyo kulisuma no kulitema kanyhi likungugo linji yaye.

Jobu 41:23

Na mu mukunza walyo, musina hamba cipele cimonga, kanyhi wukangaye winha cuma.

Zimbazi 30:30

Simba, lyono lina vilungo kuciza malimu gose, lyono silyogopaga cinji.