Ezekiyeli 27:2 - Luganuzi Luswanu Kuli Wanhu Wose 2002

² “Gwe go munhu, alu wimbe u lwimbo lwe maziko ge likaya lya Tulo,

Ezekiyeli 27:2 ပူးပေါင်းရင်းမြစ်များ

Ezekiyeli 28:12

“Gwe go munhu, wumulilile ko wusungu u mutemi wa Tulo, so zinghani zono zomwagana. Wumulonjele nha vyono, ane no Muwaha Mulungu nghumutya nhavi, Agwe wali wuli musambo wo mugoloka. Kanyhi wali wumemile mahala, hamonga no wusikame wo wuswanu!

Ezekiyeli 19:1

U Muwaha Mulungu, yakanonjela yakatya nimbe lwimbo lulu lwe cililo, niwembile i wawaha wa Isilayeli.

Yelemiya 9:10

Nane Yelemiya nghatya, “Ale, nane nogalilila matunda, no kugalavya mahozi gangu ku soko yo wudimilo. Hambi wudimilo wose nha wanyala hasina hamba yunji kanyhi mono yakukolela mumo. Ne mazi ge zimitugo, gapela no kuhulikwa mumo. Sunga ne malimu gose hamonga ne zindeje, vyose vyakondya kuwuka mumo.”

Amosi 5:16

Holeka Muwaha Mulungu we mihanga yakutya, “Kolowa kocili cililo co wusungu, mu zinzila za mwi'kaya. Na wono wakulima, wolocemwa waze wamulilile mono yafwiye, hamonga na wawo wono wakulipwa ho walile citalo.

Amosi 5:1

Muhulicize anye nyo Waisilayeli, lwimbo lwe maziko, lono nghumwimbilenyi!

Ezekiyeli 32:2

“Gwe go munhu, wubite wukamukaje Falawo u mutemi wa Misili, wumulonjele zono nghumutya. Ane nghumutya nhavi, Agwe go mutemi wa Misili wukwiwona nha wuli simba muli makungugo. Ninga hamba nhavivyo, vyo winha mamba du mu malenga wukuzumhya malenga mwikolongo. Kanyhi kugatibulaga malenga ga mu makolongo ne magulu gako sunga gawa nhope, no kugahodanga makolongo.

Ezekiyeli 27:32

No kukwimbila lwimbo lwe maziko gako, wakutya, ‘Hambi nani kanyhi mono kowa yehwanile likaya lya Tulo, Likaya lya Tulo lyono aluno lyanyamazwa mu ciligati ye lilenga?’

Ezekiyeli 26:17

Nawo wolokwimbila u lwimbo lwe maziko gako, wawe kutya, Ale, lanjenyi ta ze likaya lye lilumbo vyono lyahodanjika! Ne zingalawa zalyo zose zahamywa mwi'lenga. Hambi i wanhu we likaya lili, nha wali walitemile lilenga. Wakawa cogofyo kuli wose wono wekalaga mu mwalambalo we lilenga.

Yelemiya 7:20

Holeka lu, ane no Muwaha Mulungu, nane nolijidila likuwo lyangu mumu mu Nyumba yangu. Hamonga na zizo, nolijidila sunga na muli wanhu, na muli vilimu, na mu mabici gose, sunga na mu vilimwa. Ne likuwo lyangu, lyowa lihwanile moto mukali, wono howa hasina munhu wo wose, mono kosuma kuwuzimya yaye.

Ezekiyeli 27:1

Kanyhi u Muwaha Mulungu yakanonjela yakatya,

Yelemiya 9:16

Noweyagaziza mu makungugo ganji, gono weneco, hamba ne walezi wawo, wali si wagamanyile yaye. Nowatumila walugu, nghawongomezeze lukulu.”