Ezekiyeli 2:3 - Luganuzi Luswanu Kuli Wanhu Wose 2002

³ “Gwe go munhu, ane nghukutuma kuli wanhu wa Isilayeli. Hambi nha wambedegala no kundeka, kanyhi vyo wakali wakumbedegala du, nha vyono wali wambedegaye i walezi wawo.

Ezekiyeli 2:3 ပူးပေါင်းရင်းမြစ်များ

2 Watemi 17:14

Ninga wene hamba si wahulika yaye, wakawa wasina cihuliko nhe walezi wawo, wono wali si wakumwihuwila Muwaha Mulungu, u Mulungu wawo.

2 Watemi 17:15

Wakalemela lukulu kugebata mejizo gakwe, hamba kucikamisa cilagane cono Muwaha Mulungu yacinoza ne walezi wawo, hamba kucelelela bwete, ze suguzi yono Muwaha Mulungu yawasugula. Wene wakahemba vihwani vye milungu yo wulambi, vyono visina cambuzi, wakahodanjika, wakatyatya myoto ye makungugo wono wali wawapilime, wakalibedegala lilajilizo lyo Muwaha Mulugu lyono yatya, “Mulecele lukulu kuwatyatya.”

Ezila 9:7

Ase co wanhu wako, cetuma wubi winji hali'gwe, ku wulawilila mu vipango vye walezi wetu sunga nalu. Na ku soko yo wubi wetu wuwo, sese hamonga ne watemi wetu, ne wakohani wetu, cikegwiliza mu miwoko ye watemi we zisi ze cijenzi. Cikawulagwa no kuhizwa, sunga cikasolwa nha cili wafungwa. Cakondya kukozwa cevu ciwaha muno muno nha vyono yinha zuwali.

Nehemiya 9:26

“Ninga hamba nha vivyo i wanhu wako siwakuhulika yaye. Wene wakakugaluka, wakataga ne malajilizo gako. Wakawawulaga sunga ne wawizi wono wawasugulaga, no kuwalonjela wakupitucile gwegwe. Wakakutovula kenji na kenji.

Zabuli 106:28

Nawo wakawa kwilunza, mu wuhemba Baali ku Peyoli, sunga wakalya ne makumbiko ge wafu.

Isaya 30:1

U Muwaha Mulungu yakutya, “I walongola wono watemile mu yisi ya Yuda, wose wali mu wongomezwe du, hambi nha wambedegala'ne. Wene 'mbi nha wakwituma zono zili mu mahweso gawo du, zono ane si niwakomboye wazitume. Kanyhi wakwilumbaniza no wilumbanize wono ane si niwakomboye wawunoze. Wakucila konjeleza wubi mucanyha yo wubi wunji.

Yelemiya 1:7

Ninga nayo Muwaha Mulungu yakamhitula yakatya, “Gwe Yelemiya, wulece kutya vyono agwe wukali mudodo, langa wubite du kuli wanhu kono nghukutuma, wukawalonjele zinghani zose zono nghukulajiliza wukazilonje.

Yelemiya 3:25

Holeka alu yicinojeye cigone hasi so cevu cetu, cilece zisoni zetu zicifunice. Hambi ase hamonga ne walezi wetu, nha cikalaga cikwituma wubi du hali Muwaha Mulungu, u Mulungu wetu, kanyhi hamba si cigebate ne malajilizo gakwe.”

Yelemiya 36:2

“Alu gwe Yelemiya, wusole kalatasi mhalinje ye ligolo-golo, wandice zinghani zose za Isilayeli na Yuda, hamonga ne makungugo gose, zono nakulonjelaga. Wandice zinghani zose zono nakulonjelaga, ku wulawilila ha mwamulizo lono namula kulongana nagwe, lono Yosiya yali yakali yatemile, sunga mwi'zuwa lye zuwali.

Yelemiya 44:20

Nane baho nghawapitula i walume wose, hamonga ne wacekulu muli zizo, nghawatya,

Yelemiya 44:21

“Ninga mumanye, nha vyono u Muwaha Mulungu, hamba si yagasemwa yaye, i makumbiko gono nyenye, ne walezi wenyu, ne watemi wenyu, ne walongola wenyu, hamonga ne wanhu wose du wa mu'si, mwalavyaga mu makaya ga mu yisi ya Yuda, hamonga na mu zinzila za mu Yelusalemi, mwene yagamanyile, hamba si yasemigwe yaye.

Yelemiya 7:2

sunga ho ha mulango we Nyumba yo Mulungu, hono i wanhu wa Yuda wenjililaga, ho wamuhembe Mulungu. Yakanonjela nime baho ha mulango, niwalonjele i wanhu wa Yuda, zono u Muwaha Mulungu u Mudaha vyose, u Mulungu wa Isilayeli yakusaka yawalonjele. Nane nghawalonjela nghatya, “Hulicizenyi Nghani yo Muwaha Mulungu anye nyo wanhu wa Yuda, mono mwinjilaga mumu ho mumu hembe Muwaha Mulungu.

Ezekiyeli 17:12

“Ale, ta, wawuzaje wawo i wabedegazi, hono wawe wayimanyile nhunizo ye fumbo yiyi. Wuwalonjele nha vyono, u mutemi wa Babiloni yakaza ku Yelusalemi, yakamusola mutemi, hamonga ne wetumami wakwe wose, yakawategula sunga ko ku yisi yakwe ye Babiloni.

Ezekiyeli 24:3

Holeka i wanhu wangu wono wakondya kumbedegala, nghusaka wuwalonjele fumbo yiyi, yono ane no Muwaha Mulungu nghuwatya, Wutelece sufuliya mu moto, wuyimemye malenga twaa!

Ezekiyeli 40:4

Hanyuma yakanonjela yakatya, “Gwe go munhu, alu ta, wulanje kwe meso gako, wuzikamise muno muno mu nhumbula yako zose zono nghukulajila. Hambi zizi nha zo zilecile agwe nghukuleta baha. Hambi nha wowa wo mulimo wako wo kuwalonjela i wanhu wa Isilayeli nghani zose zono koziwona bahano.”

Amosi 7:15

Ninga Muwaha Mulungu, yasola ane ku wulawa mu mulimo wangu wo wudimi, no kunhuma nize kuwila kuli wanhu wakwe Isilayeli.

Malaki 3:7

Anye, mwihwanile ne walezi wenyu walongola, wagabedegala malajilizo gangu, hamba kugebata yaye. Ale mbuyilenyi nene, nane nomuwuyilenyi nanye. Ninga hono mutye, ‘Alu citende wule ho cisume kukuwuyila?’

Wuwale 20:10

Musa na Haluni, wakawa kuwakongholela mhuga yose hamonga ha mwande ye litalawe. Nayo Musa yakawa kuwalonjela wanhu yakatya, “Ale ta muhulicize, anye mono musina cihuliko! Wulenyi, cimuletelenyi malenga galawe mwitalawe lili?”

Metumo ge Watumwa 7:51

“Anye mo wakamu ku wuhulice! Izinhumbula ne makutu genyu vinha vye wanhu we makungugo. Anye mwinha i wakuku zenyu. Nhondo zose mumwimilaga u Muhe Mono Yelile.

Walumi 10:15

Kanyhi, iwanhu ho woganula nhawule hono walece kutumwa? Nha vyono gakutya i Mandiko Gono Gelile, “Yo nghani yono yikwendeza muno, yo wuze wa wono wakuluganula u Luganuzi Luswanu.”

Wukumbucize wo Wulajilize 9:24

Holeka nane ku wulawa mwi'zuwa lilyo, nghamumanyenyi vyono musina cihuliko kuli Muwaha Mulungu.

Wukumbucize wo Wulajilize 9:27

Kanyhi nghukulomba wuwakumbucilaje i wetumami wako, Abulahamu, na Isaka na Yakobo. Holeka go Muwaha Mulungu, wulece kuwulanga wubedegazi wawo, no wubi wawo ne masutya ge wanhu wawa.