Ezekiyeli 13:2 - Luganuzi Luswanu Kuli Wanhu Wose 2002

² “Gwe go munhu, wuwawilile no kuwahosa i wawizi we Waisilayeli wono wewililaga caka, nha vyono wakwihwesa weneco du mu zinhumbula zawo, wuwalonjele nha vyono, yiwanojeye wateje makutu, wayihulicize i nghani yo Muwaha Mulungu du.”

Ezekiyeli 13:2 ပူးပေါင်းရင်းမြစ်များ

1 Watemi 22:19

Nayo Mikaya yakajendelela kulonga yakutya, “Alu Ahabu, wuhulicize zono Muwaha Mulungu yakuzilonga! Nane namuwona Muwaha Mulungu yekaye mwi'goda lyakwe ku wulanga, hamonga ne wamalayika wakwe wamupilime.

Isaya 1:10

Nagwe Yelusalemi, i walongola wako hamonga ne wanhu wako, wose nha wabi wehwana ne wanhu wa Sodoma na Gomola. Alu muhulicize zono Muwaha Mulungu yakumulonjelenyi. Muteje likutu kuli zono Mulungu wetu yakumwijizenyi.

Isaya 28:14

Ale ta, muhulicize zono Muwaha Mulungu yakumulonjelenyi, anye nyo wanhu wedunhumuzi, mono muwatemile wanhu wangu mu Yelusalemi.

Isaya 9:15

I wakombi ne wanhu watambule, wawo wo mutwe. Nawo mucila, wo wawizi, wono wafundaga zo wulambi!

Yelemiya 23:2

Azi zo yakulonga u Muwaha Mulungu, u Mulungu wa Isilayeli, kuli ze walongola wono wo wanojeye kuwadima wanhu wakwe, yakutya nhavi, “Alu lanje, hamba si mukuwadima wanhu wangu yaye, langa mwaweyagaza no kuwawinjila kutali. Holeka nane ku soko yiyo, nomulipicizenyi ku soko yo wubi wono mwetuma.

Yelemiya 27:14

Holeka 'gwe mutemi, wulecele lukulu kuwahulicila, wawo wawizi wono wakukutya vyono, wulece kwiyilavya kuli Nebukadineza u mutemi wa Babiloni. Hambi nha wakukukonga du bwete.

Yelemiya 27:18

Nawo hono wawe wawizi mbeka, na hono nghani yangu yiwe yili muli wene, ale, walombe kuli'ne, ane no Muwaha Mulungu we mihanga ndece kuvikombola i viya vyono vyasigala mu Nyumba yangu, na mu nyumba yo mutemi wa Yuda, na mwi'kaya lya Yelusalemi, vilece kusolwa no kutegulwa ku Babiloni.”

Yelemiya 37:19

Hamba wali hayi lu i wawizi wenyu wono wamuwililenyi wakutya vyono, mutemi wa Babiloni si kolokuza yakuhome yaye hamba kuyihoma yisi yiyi?

Yelemiya 5:31

Hambi i wawizi nha weza wasina nghani zo kulonga, langa wakuwila zo wulambi du. I wakohani nawo, wakulondola zawo du weneco. I wanhu wangu nawo, wasina hamba zo kulonga muli zizo wene wakuwona zose swanu du. Ninga lu magu ta, hamba wolotendaci nhondo, kolo zeza kuza baho ku ndumo yayo?”

Yelemiya 8:10

Holeka nane lu, noyisola migunda yawo, niwapele wanhu wanji, sole ne wacekulu zawo nawo, mhele walume wanji. Alu lanje, vyono wanhu wose i wawaha ne wadodo, wakujela kwitujila pesa mu zinzila zo wukoci. Sunga ne wawizi, hamonga ne wakohani, nawo nhavivyo du, wekalaga wakukonga-konga wanhu.

I Cililo 4:13

Heya, zizi zejela, ku soko wawizi wawo wetuma wubi, ne wakohani nawo wakasutya, no kwambuza lifwa, kuli wanhu wono wasina masutya.

Ezekiyeli 13:1

U Muwaha Mulungu, yakanonjela kanyhi yakatya,

Ezekiyeli 13:17

U Muwaha Mulungu kanyhi yakatya, “Alu 'gwe go munhu, luno ta, wuwalangaje i wacekulu wose wa mu wanhu wako, wono wawilaga. Wuwaling'anize nawo,

Ezekiyeli 13:3

Wuwalonjele kanyhi, wamanye nha vyono Muwaha Mulungu yakutya, “Woyi he, kuli wawo i wawizi walele! Hambi nha wawilaga za mu mahweso gawo weneco du, na kumbe hamba si wagubuliywe nghani yo yose yaye.

Ezekiyeli 16:35

Holeka 'gwe go Yelusalemi go malaya! Alu wuhulicize zono Muwaha Mulungu yakulonga yakutya,

Ezekiyeli 22:25

Hambi i walongola wayo nha wehwana zisimba zono zikolomelaga zinimu zono gakondya kuziwulaga. Hambi nha weza wawulaga wanhu, wakusola mapesa menji, hamonga ne vinhu vyo wuguzi wukamu. Na mu nzila ye wanhu wawulaji, wono wawapelaga pesa ho wawulaje wanhu, nalu wakondya kuleka wacekulu wenji wono wafwiliywe ne walume zawo.

Ezekiyeli 22:28

Nawo i wawizi, wazihundice zo wubi wuwu, wehwana ne wanhu wono wahiliwaga swakala mwi'jinji. Wawonaga zo wugubulilwe wo wulambi, no kuwila zo wulambi du. Wene weyitezaga nha vyono wakuganula nghani yo Muwaha Mulungu, na kumbe nane no Muwaha Mulungu ho si niwatumile yaye.

Ezekiyeli 34:7

“Holeka anye nyo wadimi, muhulicize lu zono ane no Muwaha Mulungu nghumulonjelenyi, nghutya nhavi,

Ezekiyeli 34:9

Holeka muhulicizaje lu zono nghumulonjelenyi anye nyo wadimi.

Mika 3:11

Nawo i walongola, wakulitema likaya kwe mafupo, nawo wakohani, wakuwejiza wanhu Wulajilize ho watuje musahala, nawo wawizi, wakulonga zo wugubulilwe wawo ho walipwe mapesa. Nawo wawa wose wakwiyitya ti, vyono Muwaha Mulungu yali hamonga nawo. Kanyhi wakutya, “Hasina zimbi zono zocagana, hambi Muwaha Mulungu nha yali hamonga nase.”

Mika 3:6

“Anye nyo wawizi, lizuwa lyenyu lili behi malika, nalyo lizuwa lyeza kumuswelenyi. Hambi nha mwawajiliza wanhu wangu, holeka hamba simowa no wugubulilwe wunji wo wose, hamba simosuma kuwila kanyhi cinji co cose.”

Zefaniya 3:4

Ne wawizi wayo si wehuwilwa, kanyhi wakonji. Wakohani nawo, wahatajila wavu i hanhu hono helile, kanyhi wakulipitula ne lilajilizo lyo Mulungu ku soko ye cambuzi cawo weneco.