Esita 7:9 - Luganuzi Luswanu Kuli Wanhu Wose 2002

⁹ Hobaho mwitumami yumonga wa muli wawo wetumami wo mutemi, mono yacemwaga Halebona, yakatya, “Mbeka Hamani yali yakondya kuhimbila sunga ne mabici ku kaya yakwe, go kumutumbicila Moledekayi, mono yakuponya agwe go mutemi wumi wako. Ne mabici gago, gena wutali wa mita makumi mejete na nyejete!” Mutemi yakalajiliza yakatya, “Ale, mutumbicenyi Hamani mu mabici gago.”

Esita 7:9 ပူးပေါင်းရင်းမြစ်များ

2 Watemi 9:32

Yehu nayo yakamugalamila kuko kwi' dilisha, yakazoza yakutya, “Anye! Nani mono yali ku lubavu lwangu?” Hakawa na wetumami wa mwi'kulu wejete hamba wadatu nhavi, wono wahulika vyono Yehu yalongaga baho hasi,

Esita 1:10

Mwizuwa lyo mupunghati lya mu sikukuu yiyi, mutemi Ahasuwelo lono yang'wezaga, yakawa na nyemo mbaha. Baho yakawacema wetumami wakwe i wapaswe, mupunghati, wono wali wali mu mulimo, Mehumani, Bizita, Halebona, Bigita, Abagita, Zetali na Kalekasi.

Esita 5:14

Baho mugolece wakwe hamonga ne weyendi wayagwe, wakamupela mahweso wakatya, “Nhawule si wukumunozeza mabici gono matali go kumutumbicila, mabici go wutali wa mita makumi mejete? Ne mitondo hakali mitondo muno, wumulombe mutemi ho yakukombolele Moledekayi yatumbikwe. Nagwe mitondo lono wukubita ku sikukuu, ho wubite wusangalaye.” Hamani yakawona vyono lihala lili yiswanu. Hobaho, yakawa kuhimbila mabici gago go kumutubicila Moledekayi.

Esita 6:14

Nawo lono wali wakali wajendeleye kulonga zizi, wetumami wapaswe wa mu nyumba yo wutemi, wakaza mbelambela kumusola Hamani, yabite ku sikukuu ya kwa Esita.

Esita 6:2

Mu wusome we zinghani zizi, zikapamiza za Moledekayi, mono yamusugula mutemi, ho yalece kuwulagwa ne wetumami walya i wejete, Bigula na Teleshi, i wetumami wapaswe, wono wali wali mu wilecele wo wulanjilizi we likaya lyo mutemi.

Esita 8:7

Mutemi Ahasuwelo yakamulonjela Esita umugolece wa mwi'kulu hamonga na Moledekayi u Muyahudi, yakawatya, “Lanjenyi ta, nha nakondya kumutumbika Hamani so mahweso gakwe mabi go kuwawulaga i Wayahudi, kanyhi ne sawo yakwe yose, nakondya kumupela Esita.”

Esita 9:14

Nayo mutemi yakalajiliza zizi zose zitumwe, ne lilajilizo lili likamanyizwa mwi'kaya lya Susa. Ne miwili ye wana yikumi wa Hamani, yikatumbikwa calinze mu mabici go kunyonjela.

Esita 9:25

Ninga Esita yakamubitila mutemi, nayo mutemi yakalavya lilajilizo lyono lyamunoza Hamani yagazwe sunga yakafwa, u wufwe wono yali yawehweseze Wayahudi. Mwene hamonga ne wanagwe, wakatumbikwa, wakafwila mu mabici.

Zabuli 141:10

I wabi wegwize weneco mu mitego yawo, lono ane nghukola mholile. Kulomba wutazi.

Zabuli 35:8

Holeka lece wongomele wuwagane musunho, webatwe mu mitego yawo weneco, wagwile mwi'kombo lyawo weneco!

Zabuli 73:19

Wakongomezwa nhinicizo, no kupatilwa kutali ko wogofye.

Danyeli 6:24

Lo lulolulo mutemi yakalajiliza webatwe, wawalya wose wono wamusonjeza Danyeli. Nawo wali weza kwibatwa, wakagumilwa wose mu mhango ye zisimba hamonga ne wagolece zawo, ne wana wawo. Nazo zisimba zikawahawanga no kuwabenanga mafupa gawo lono wali wakali hamba sinafika kusi ye mhango.

Danyeli 6:7

Ase wose mono cikulongoza mu wutemi wako, co walanjilizi, ne walongola ne walamuzi, ne wanyamhala wa mu matumbi, na wose wono wena wulajilize na wose wa mu wulongola wuwu, cilumbaniza vyono, Agwe go mutemi, yikunojeye wulavye wulajilize, kanyhi wuwutyatilile viswanu. Alu wulavye lilajilizo wutye, mu vilo makumi madatu, kusina munhu mono kosuma kulomba nghani yo yose kuli mulungu yunji, hamba kuli munhu yunji wo wose, langa hono si kwako du gwegwe go mutemi. No munhu wo wose mono kobena wulajilize wuwo, yimunojeye yagumilwe mu mhango yono yimemile zisimba.

1 Samwili 17:51

Dawudi yakamangha yakakanyaga mucanyha yo Mufilisiti, yakawusomola mumaje wo Mufilisiti mu njasulu yayo, yakawa kuwudumula mutwe wakwe, yakawa kumuwulaga. Nawo Wafilisiti wali weza kuwona vyono citung'ati cawo yakondya kufwa, hobaho wose wakawa kutiza.