Esita 7:8 - Luganuzi Luswanu Kuli Wanhu Wose 2002

⁸ Lulo Hamani yakegwisa ha magulu ga Esita yakulomba wunenelwe. Nayo mutemi yali yeza kuwuya mu nyumba, ku wulawa ku busitani, no kumuwona Hamani yagwiye, ha magulu ga Esita, yakazoza muno ko wukalale yakatya, “Wa! Alu Hamani yakumwibata kwa vilungo mugolece wangu ha meso gangu, ho vigone nayo mwi'kaya lyangu?” Mutemi lono yali yali mu wulonga zizi, wetumami i wapaswe, wo mutemi wakaza wakawugubiciza mutwe wa Hamani.

Esita 7:8 ပူးပေါင်းရင်းမြစ်များ

Esita 1:5

Sikukuu yiyi yaza kuwa yamalika, kanyhi yakawanozeza sikukuu yinji, i wawaha ne wanhu wose i wagoli ne waciwa, wono wekalaga mwi'kulu lya Susa. Nayo sikukuu yiyo, yikajendelela sunga vilo mupunghati, yanozezwa mu luwa mu busitani ye likulu.

Esita 1:6

Kaya yiyo, yali hambwe ne mapaziya ge vitambala vye buluu ne vizelu, vyo wuguzi wukamu, gawopigwe ne vilejehe viswanu, vye liwala lidunghu na lye buluu, matumbikwe mu zinyamwidole za fweza, mu masumbili ge libwe. Ne vitanda navyo, vyali vya zahabu na fweza, vili mucanyha ye sakafu ya malumalu, mabwe madunghu ne mazelu, na ge manjano, ne matitu.

Esita 6:12

Moledekayi yakawuya kanyhi ha mulango we likaya. Ninga mwene Hamani yakawa kutuluka yakumangha yakubita ku kaya yakwe, akuno yawugubicize wusu wakwe ko wukalale wuwaha.

Esita 7:10

Hobaho, Hamani yakawa kutumbikwa mu mabici gago gono yali yamunozeza Moledekayi. Lulo, ne likuwo lyo mutemi nhondo, ho likawa kupola.

Jobu 9:24

Hambi Mulungu nha yawakombolela yinze i wabi, Kanyhi yakawabofuza meso i mahakimu Alu, hono yawe Mulungu yo si yazituma zizo, alu ho kowa nani kanyhi mono yazituma?

Isaya 22:17

Heya, wali wuwe mbeka wuli munhu we'lumbo, na we vilungo ninga 'lu, Muwaha Mulungu kokusola yakugumile kutali muno.

Isaya 49:23

Ne watemi nawo wolowa nha wasogo, nawo i wagolece we likulu wose, wolowa nhe wanyina zako, hambi nha wolokwinamila ha mwande yako no kukupela lilumbo, kanyhi wolokwinenenyheza hali'gwe wakulajila cogopo cawo hali'gwe. Nagwe baho ho kolomanyila vyono ane yo nene Muwaha Mulungu. Kanyhi hasina munhu wo wose mono yanyitumbiye mono kolokozwa cevu.”

Amosi 3:12

Muwaha Mulungu yakutya, “Nha vyono mudimi kakugaga magulu mejete, hamba yikutu lye ngholo yono yaligwa ne simba, nhavivyo vyo wosigala wacefu du muli wanhu wa Samaliya, wono wakugona mu vitanda vye cinyemo-nyemo.

Maluko 14:65

Ale ho baho baho du, wanji wa muli wene, wakanza kumufunyila mate, wakamugubika wusu, wakamutowanga makofi no kumutya, “Ale wutambule ta, nani mono yakutowile!” Sunga ne wetumami wakamusola, nawo wakamutowanga makofi.