Esita 7:5 - Luganuzi Luswanu Kuli Wanhu Wose 2002

⁵ Mutemi Ahasuwelo yakamuwuza mugolece wa mwi'kulu Esita, yakamutya, “Nani mono kosuma kunoza nhavivyo? Munhu yuyo yali hayi?”

Esita 7:5 ပူးပေါင်းရင်းမြစ်များ

Metumo ge Watumwa 5:3

Ninga Petelo yakamuwuza yakutya, “Ati, Ananiya, alo so cici Setani yakumemizye nhumbula yako, ho wumukoce u Muhe Mono Yelile, ho wukacepule nusu ye zipesa zono wawuguza mugunda?

Jobu 9:24

Hambi Mulungu nha yawakombolela yinze i wabi, Kanyhi yakawabofuza meso i mahakimu Alu, hono yawe Mulungu yo si yazituma zizo, alu ho kowa nani kanyhi mono yazituma?

Mwamulizo 27:33

Oo! Nayo Isaka yali yeza ku zihulika zizo, yakacicima wucicime wuwaha muno, yakatya, “Alu yo nani yuyulya, mono yapelembile no kundetela mapelembo gakwe, alu nane nghondya kulya lono agwe wali wukali sinaza? Nane namulugutiza nakondya, nayo heya mbeka yakondya kulugutizwa!”

Esita 7:4

Hambi i wanhu wangu hamonga na nene, nha caguzwa ho ciwulagwe. Yali yiwe si nghani hono cali ciguzwe mu wuwanda, aho langa, nali nyamale du, si nali nghugaze so yiyo. Sunga nalu cili behi muno kuwulagwa no kongomezwa.”

Esita 7:6

Esita yakapitula yakatya, “U mulugu wetu, na mono yakucitamisa, yo yuyu Hamani, u munhu mubi muno muno!” Baho Hamani yakawa kumunugulila umutemi, hamonga no mugolece wa mwi'kulu Esita ko woga wuwaha muno.