Esita 5:9 - Luganuzi Luswanu Kuli Wanhu Wose 2002

⁹ Nayo Hamani lono yawukaga ha sikukuu ya ha Esita, yali yena nyemo muno muno. Ninga yakamuwona Moledekayi he'lango lyo kwinjilila mu nyumba yo wutemi. Hamani yaza kola behi na Moledekayi, Moledekayi si yenuka hamba kulajila cogopo kuli Hamani, nha vyono wulajilize wali wulajilize. Hamani yakatuga yikuwo no wukalale wuwaha muno ku soko ya Moledekayi.

Esita 5:9 ပူးပေါင်းရင်းမြစ်များ

1 Watemi 21:4

Hodu Ahabu yakawuya ku kaya yakwe, akuno yena ne nhunduji, kanyhi yakoligwe muno ne likuwo kuli zono yalonjeywe na Naboti. Yaza kufika ha kaya, yakatambalala mu citanda cakwe akuno vidomile ne lijinji. Hamba si yasaka no kulya cinji yaye.

1 Watemi 21:6

Nayo Ahabu yakamupitula yakatya, “Heya, nhumbula yangu nzito ku soko ya zono yanonjeye Naboti. Hambi ane nha nali nalumba niwugule mugunda wakwe we zabibu, hamba lunji hono yawe yendile, nimupele mugunda wunji cikawane no mugunda wakwe wuwo. Ninga mwene kawa kunyitya vyono si yosumika yaye!”

Esita 2:19

Lulo mutemi Ahasuwelo yakamuhagula Moledekayi ho yawe mulongola kwi'tumbi linji.

Esita 3:2

Mutemi yakawalonjela iwawaha wose mu witumami wakwe, wamuhulice Hamani, wamwinamile no kumufugamila ha mwande yakwe. Na wose wakawa kwituma nha vyono walajilizwa, ninga Moledekayi yakalema kwituma zizi.

Esita 3:5

Hamani yakakalala muno yali yeza kuhulika vyono Moledekayi yakulema kuwinamila no kumufugamila.

Esita 5:13

Ninga zizi zose zonghwila cici waco, lono nane vyo nghali nghumuwona ayulya Muyahudi Moledekayi yekaye he'lango lye likaya lyo wutemi.”

Jobu 20:5

u munhu mubi yali yena nyemo ya cidaha cidodo du.

Jobu 31:31

Ne wanhu wose wono wanyinhumilaga, wamanyile nha vyono ane niwacemelaga wajenzi nhondo zose.

Zabuli 15:4

Kanyhi munhu yuyu kawabedegalaga wose, wono Mulungu yakuwalema, langa kawapelaga cogopo wose wono, wamogopilo Mulungu. Nayo kawufisilizaga wihuwizo wakwe, hamba wuwe wukumuletela wambuce.

Zabuli 27:3

Holeka hamba mhilimwe, ne lipuga yiwaha, ane sinokogopa yaye, hamba wulugu wunyizize, nojendelela kumwitumbila du Mulungu.

Danyeli 3:13

Lo lulo lulo Mutemi Nebukadineza yakakolwa ne likuwo muno muno, yakawa kulajiliza wa walya wanhu wadatu, waletwe ha mwande yakwe.

Matayo 10:28

Kanyhi mulece kuwogopa awalya wono wawulagaga u muwili du, na kumbe si wosuma kuyiwulaga nhumbula. Yili ciba muno hono mumogope ayulya mono kosuma kuwongomeza u muwili, hamonga ne nhumbula mu moto we gehena.

Matayo 2:16

Nayo Helode yaza kwizuka vyono wawalya we mahala go wizuce we zinyelezi wamukonga, yakakolwa ne likuwo muno muno. Hobaho yakawa kulajiliza vyono, iwana wose we cilume wono wali mumo mwi'kaya lya Betelehemu, sunga na mu mhelomhelo yayo, wono wena myaka myejete na hasi yayo, wose wawulagwe. Nayo yanoza nhavivyo, ku wutyatya ilipango lyono yazimanyila zizo ku wulawa kuli awalya we mahala go wizuce we zinyelezi.

Luka 6:25

Woyi he 'nye mono mwigute aluno, hambi nha molodabuka. Woyi he 'nye mono mukuseka aluno, hambi nha molokalala no kulila.

Yohana 16:20

Nghumulonjelenyi mbeka, vyono anye mowa kulila no kukalala, ninga we yinze, wowa kusecelela. Anye mokalala, ninga wukalale wenyu hanyuma wolowa nyemo.

Metumo ge Watumwa 7:54

Wawo wanyamhala we libalaza, waza kuzihulika zizi, wakahomeka muno muzi nhumbula, wakamwikang'anhilila kwe 'kuwo.

Yakobo 4:9

Muzinguce, mugaye no kulila, uluseko lwenyu luweze cililo, ne nyemo yenyu yiweze wuzinguce wuwaha.