Esita 5:2 - Luganuzi Luswanu Kuli Wanhu Wose 2002

² Nayo mutemi yali yeza kumuwona Esita yemile hanze ye lilango, yakendezwa muno. Hobaho yakawa kuyisola nghome yakwe ye zahabu, yakawa kumusonha Esita. Nayo Esita yakapamiza cisonje ce nghome yiyo.

Esita 5:2 ပူးပေါင်းရင်းမြစ်များ

Mwamulizo 32:28

Nayo munhu yuyo yakamutya, “Alu ku wulawilila lulu, sikocemwa kanyhi Yakobo, langa kocemwa Isilayeli. Hambi nha kwicinda no Mulungu ne wanhu, nagwe kusuma.”

Nehemiya 1:11

Wuhulicize lu wulombe wangu, no wulombe we wetumami wako wono wakogopile gwegwe. Wumotesaje 'gwe go Muwaha Mulungu zuwali, wumunoze mutemi yendezwe nane.” Mu vilo vivyo, ane nali nili mugawi we divayi wo mutemi.

Esita 2:9

Hagayi yendezwa muno na Esita so futa yakwe swanu. Yakalamula kumudima viswanu Esita mu nzila yo kumonjeleza wuswanu wakwe. Yakamupela zindigwa ziswanu no wugono wuswanu. Yakamuhagulila wahinza wanji wali mupunghati wo kumulanjilila muli visakwa vyakwe vyose.

Esita 4:11

Wulajilize wuwo watezaga, “Munhu wo wose we cilume hamba we cicekulu, mono kokwinjila mwi'wanza lyo wutemi no kumuwona mutemi, lono si yacemigwe, munhu yuyo yimunojeye yawulagwe. Wuwo wo wulajilize, ne wanhu wose wawumanyile, ku wulawilila kuli watazi wo mutemi, sunga na kuli wanhu wose wa mu zi'si zose, wazimanyile zizi. Ninga ho yili nzila monga ndodo, yono yidahile kupitula wulajilize wuwu. Nha cinji, hono mutemi yasole nghome yakwe ye zahabu, no kumusonha munhu wo wose, hodu munhu yuyo wumi wakwe wojendelela. Alu mwezi monga wapuluta ku wulawa vyono mutemi yasonha ane ne nghome yiyi.”

Esita 8:4

Mutemi yakasola nghome yakwe ye zahabu, yakumusonha Esita, baho Esita yakawa kwinuka, yakatya,

Zabuli 116:1

Ane nimwendile Muwaha Mulungu, hambi nha kahulikaga, hambi nha kahuliciza cililo co wulombe wangu.

Zimbazi 21:1

Muwaha Mulungu, kayitongaga nhumbula yo mutemi, nha vyono kacihulumyaga cikolongo.

Metumo ge Watumwa 10:4

Nayo Kolineliyo yakamunugulila meso yuyo Malayika kuno yakogopa, yakatya, “Alo ko cilici Muwaha?” Nayo Malayika yakamutya, “Mulungu kawubocela wulombe wako, hamonga no wulavye wako kuli waciwa.

Metumo ge Watumwa 7:10

Yamuponya mu magayo gakwe gose. U Mulungu yakamupela lihewa ne mahala hali Falawo u mutemi wa Misili, sunga Falawo yakamuwika yawe muwaha mu yisi yiyilya, sunga na mu nyumba yakwe yo wutemi.