Wukumbucize wo Wulajilize 7:9 - Luganuzi Luswanu Kuli Wanhu Wose 2002

⁹ Kanyhi mweze kukumbucila vyono Muwaha Mulungu, u Mulungu wenyu, yo Mulungu monga du, kanyhi mwihuwilwa. Mono kosuma kukamisa cilagane cakwe, no kulajila lusungu lwakwe luwaha kuli ndelo maelufu na maelufu ga wono wamwendile, kanyhi webate ne malajilizo gakwe.

Wukumbucize wo Wulajilize 7:9 ပူးပေါင်းရင်းမြစ်များ

Mwamulizo 17:7

“Nane nocikangaza i cilagane cangu nagwe, hamonga no lulelo lwako, hamonga ne zindelo zawo zose cibitilila, vyono ane nowa Mulungu wako hamonga ne zindelo zako cibitilila.

Mwamulizo 28:15

Ane nowa nili hamonga nagwe, nokukamisa ko kose kono wukubita, nokugomola kanyhi mono yisi yiyi. Nane sinokulecela lukulu, sunga kolo nakondya kufisiliza u wihuwizo wono nghwihuwizize.”

Mwamulizo 9:15

ale baho nane nocikumbucila i cilagane cangu ca kuli'ne na nyenye, hamonga ne viwumbwa vyose vyumi.

1 Watemi 8:23

yakalomba yakutya, “Gwe go Muwaha Mulungu, go Mulungu wa Isilayeli, hasina Mulungu yunji mono yehwanile gwegwe kuko ku wulanga, hamba mono 'si hasi! Hambi agwe nha kukamisaga wihuwizo wako kuli wanhu wako, no kuwulajila u lusungu lwako kuli wene, lono wakukuhulika kwe zinhumbula zawo zose.

1 Zinghomo 16:15

Holeka mulece kucisemwa cilagane co Mulungu cono yacinoza cikale cibitilila.

2 Zinghomo 6:14

Yakalomba yakutya, “Gwe go Muwaha Mulungu we Waisilayeli, hambi nha hasina Mulungu yunji kanyhi mono yehwanile gwegwe, ku wulanga hamba mono'si hasi. Agwe kukamisaga cilagane cako kuli wanhu wako, kanyhi kuwalajilaga zo lusungu lwako wanhu wako, wono wakujendela muli'gwe, wakuhulice kwe zinhumbula zawo zose.

Nehemiya 1:5

“Gwe go Muwaha Mulungu wa ku wulanga, agwe wuli Muwaha, nase cikogopile gwegwe, kanyhi agwe wuli lusungu, kukamisaga cilagane cako kuli wono wakwendile gwegwe no kwituma wulajilize wako.

Nehemiya 9:32

“Holeka 'gwe Mulungu, go Mulungu wetu, wuwaha wako wucizize! Mono wuli wo kogofya, kanyhi wuli we vilungo! Mono kukamisaga ko wihuwilwa cilagane no lusungu lwako, hamonga no wihuwizo wako. Ku wulawa mu vilo vyono watemi wa Ashuli waciwonelaga, sunga na lulu hose, magayo malinga gono gakondya kucagana! I watemi wetu ne walongola wetu, ne Wakohani wetu, ne wawizi, ne walezi wetu, hamonga ne wanhu wose, cili mu wugaye. Holeka wukumbucile vyono cagaya muno!

Zabuli 103:18

kuli walya wose wono webate cilagane cakwe, no kugetuma malajilizo gakwe ko wihuwilwa.

Zabuli 105:8

Nayo kacikamisaga cilagane cakwe cibitilila, kanyhi kawufisilizaga wihuwizo wakwe, kuli zindelo zose.

Zabuli 119:75

Nane manyile vyono wuling'anize wako, wo we ling'ani 'gwe go Muwaha Mulungu, na vyono kanyhi kundipiciza, vyono 'gwe wuli mwihuwilwa.

Zabuli 146:6

mono yawumba wulanga ne yinze, ne lilenga, sunga na vyose vyono vili mumo. Mwene kawukamisaga wihuwizo wakwe cibitilila.

Zabuli 36:6

Ne ning'aniza yako, yihwanile visolo vye lilenga. Agwe go Muwaha Mulungu, kuwadimaga wanhu wose hamonga ne vilimu vyose.

Wutuluce 20:6

Ninga nghuwawonela lusungu maelufu na maelufu, wawalya wono webate malajilizo gangu.

Isaya 49:7

Mulungu mono yelile wa Isilayeli, u Mukombozi wawo yakumulonjela mono yakubedegalwa ne wanhu, na mono yakusulwa ne makungugo, na kuli mwitumami we watemi, yakutya nhavi, “Watemi kolo wakukuwona, wokwinucila walajile cogopo cawo kuli'gwe, ne wana we watemi, nawo woziwona zizo, nawo wokwinama hasi, wakupele lilumbo.” Na zizi zose zolokwijela, vyono Muwaha Mulungu kakondya kumuhagula mwitumami wakwe, U Mulungu mono yelile wa Isilayeli, mwene kakamisaga wihuwizo wakwe.

Yelemiya 32:18

Hambi nha yo gwegwe, mono wukuwawonela lusungu wanhu, maelufu na maelufu, kanyhi yo gwegwe mono kuwalipicizaga i wanhu, ku soko yo wubi we walezi wawo. Hambi nha yo gwegwe du Muwaha, mono wuli Mulungu mono wulawiliciye. Kanyhi yo gwegwe mono wuli Mulungu, u Mudaha vyose u Mulungu we mihanga.

I Cililo 3:23

Vikalaga vyo vipya du nhondo zose, nha vyono yinha hakali mitondo lono lizuwa likusosomoka, wihuwilwa wakwe wo wuwaha muno muno.

Danyeli 9:4

Nghamulomba Muwaha Mulungu, u Mulungu wangu, nghawunena u wubi we wanhu wangu. Nghalomba nghatya, “Gwe go Muwaha Mulungu, yo gwegwe Muwaha, nase cikogopile gwegwe du. Nagwe wibate ne cilagane cako, kanyhi wuli lusungu kuli wono wakwendile, no kwituma zono kulajilizaga.

Wuwale 14:18

‘Ane no Muwaha Mulungu, si nili mupelu kukolwa ne likuwo mbela, kanyhi ndajilaga zo lusungu lwangu luwaha, hamonga no wihuwilwa wangu, kanyhi nili munenezi wo wubi, hamonga no wufyule. Ninga hamba nhavivyo, nowalipiciza wana hamonga ne wezukulu, sunga ko ku lulelo lwe kadatu na lwe kane so wubi we walezi.’

Walumi 8:28

Kanyhi cimanyile vyono, muli zose, u Mulungu ketumanaga no kumalila hamonga na wose wono wamwendile, nha cinji, wawalya wono yawacema nha vyono yali yehwesize.

1 Wakolinto 1:9

Nayo u Mulungu mono yamucemenyi anye, ho muwe no wumonga no Mwanagwe Yesu Kilisito u Muwaha wetu, mwene yo mwihuwilwa.

1 Wakolinto 10:3

Na wose kanyhi, wakayilya ndigwa yiyilya ye cimuhe.

1 Wakolinto 8:3

Ninga u munhu mono yamwendile u Mulungu, yuyo langa yo yamanyice kuli mwene.

2 Wakolinto 1:18

Ninga u Mulungu yo we mbeka yose, holeka azilya zono camulonjelenyi anye, si zali nghani za “Heya” ne “Ng'o.”

Wukumbucize wo Wulajilize 32:39

“ ‘Alu mulanje! Ane yo nene Mulungu du nili wene, hamba hasina mulungu yunji kanyhi, langa nene du. Yo nene mono nghuwulaga, kanyhi nghuwumifya, nghutajila nghomele kanyhi nghuponya. Na hasina munhu mono konyimila muli yono nghwituma.

Wukumbucize wo Wulajilize 32:4

“Muwaha Mulungu yo mukamisi wenyu mono yali vilungo, mono si kasinjisikaga, kanyhi yali ling'ani muli zakwe zose. Mulungu wenyu mwihuwilwa kanyhi yo we mbeka.

Wukumbucize wo Wulajilize 4:35

Muwaha Mulungu yazinoza zizi zose, ho yamulajilenyi vyono, hasina mulungu yunji kanyhi, langa yo mweneco du yo Mulungu yali wene.

Wukumbucize wo Wulajilize 4:39

Holeka izuwali, mukumbucile, mulece kusemwa. Vyono Muwaha Mulungu, yo Mulungu mono yali ku wulanga sunga na mononze. Hasina mulungu yunji kanyhi wowose.

Wukumbucize wo Wulajilize 5:10

Ninga nghuwawonela lusungu maelufu na maelufu wono wanyendile, kanyhi wagebate ne malajilizo gangu.

1 Watesalonike 5:24

Nayo mono yamucemenyi nyenye, nha konoza nhavivyo, hambi Mwene nha mwihuwilwa.

2 Watesalonike 3:3

Ninga u Muwaha yo mwihuwilwa. U Mwene komusikamyenyi kanyhi komudimenyi viswanu kuli ayulya mubi.

2 Timoteyo 2:13

Na hono cilece kuwa wehuwilwa, ninga mwene kekalaga mwihuwilwa cibitilila. Hambi mwene nha sikosuma kwiyikana mweneco.”

Tito 1:2

wono u musinji wayo wo wowitumbilo wo kuwutujila u wumi we cibitilila. U Mulungu mono si kalongaga wulambi, yacihuwiziza u wumi wuwo mu myaka ye katali lono yali yikali si nawa,

Wahebelaniya 10:23

Ciwukamisaje u witumbilo wetu wono cikuwuvumila, hambi u Mulungu mono yawunoza u wihuwizo wakwe nha mwihuwilwa.

Wahebelaniya 11:11

So wihuwilo, sunga Sala yehuwila vyono u Mulungu kawufisilizaga u wihuwizo wakwe, holeka yakapegwa vilungo vyo kutuga 'nda, hamba yawe yali yakondya kupuluta i vilo vyo kutujila i mida so wukombi.

Wahebelaniya 6:18

Holeka ho vili vinhu vi vyejete, u wihuwizo no wilahize, vyono si vyosuma kukawanika, na hamba muli zizo, u Mulungu si kosuma kulonga wulambi. Holeka ase mono camanyhilila ku wukamiswe wakwe, cikupegwa mu mitima yo wukamisa muno u witumbilo wono wuli ha mwande yetu.

Yakobo 1:12

Mumoti munhu mono yakukangalila wujelwe, hambi kolo yeza yasuma, nha kopegwa i cihumbilizwa co wumi cono Mulungu yawatemezezya wawalya wono wamwendile.

1 Yohana 1:9

Langa hono ciwuvumile u wubi wetu, u mwene u Mulungu yo mwihuwilwa, kanyhi yali ling'ani, nayo kocinenela u wubi wetu wose, no kucikwema ne masutya getu gose.

Walamuzi 2:1

Lulo Malayika wo Muwaha Mulungu, yakalawilila ku Giligali yakabita ku Bocimu, yakawalonjela Waisilayeli yakawatya, “Lono namuwusenyi ku yisi ya Misili no kumuletenyi sunga ku yisi yono nawelahila i walezi wenyu. Natya, sinolobena cilagane cangu na nyenye.

Walamuzi 5:31

“Ale wafwe nhavivyo i walugu wako 'gwe Muwaha Mulungu langa wono wuwendile wang'alale nhe lizuwa lyono lidulaga hakali mitondo. Lulo yisi yikawa no mulamu myaka makumi mane.”