Wukumbucize wo Wulajilize 7:7 - Luganuzi Luswanu Kuli Wanhu Wose 2002

⁷ “Ninga Muwaha Mulungu si yakamuhagulenyi anye vyono mwali muli wenji mucizize i makungugo ganji gose, aa, ng'o, hambi nha mwali muli nghungugo ndodo du muno, mono yinze.

Wukumbucize wo Wulajilize 7:7 ပူးပေါင်းရင်းမြစ်များ

1 Zinghomo 16:19

I wanhu wo Mulungu, wali wacefu ku wuwale, kanyhi wali wajenzi, mu yisi ya Kanani.

Zabuli 105:12

Wanhu wo Mulungu, wali wacefu du, kanyhi wali wajenzi mu yisi ya Kanani.

Zabuli 105:6

mukumbucile ze metumo gakwe mawaha gono yetuma, sunga ne mapoto hamonga no wuling'anizi vyono yawulavya.

Zabuli 115:1

Kuli'gwe go Muwaha Mulungu wuli wene, yo si sese, langa yo gwegwe du wuli wene, mono wunojeye lukumyo, ku soko yo lusungu lwako, no wihuwilwa wako.

Zabuli 44:3

Ne wanhu wako hamba si wayisola yisi yiyo, mu nzila yo mumaje, hamba si wasuma kuyitema mu nzila ye vilungo, vyawo weneco, langa wayitema ku so wusume wako ne vilungo vyako, vyono 'gwe wali wuli hamonga nawo, hambi nha wali wuwendile.

Isaya 51:2

Kanyhi mwihwese na zo mulezi wenyu Abulahamu, na za Sala mono yamulelenyi. Kanyhi mumanye na vyono lono namucemela Abulahamu, lulo yali yasina hamba mwana monga, ninga ane nghamulugutiza, nghamupela ne wana. Nghawanoza wanagwe wawe wenji muno muno.

Isaya 63:9

ku wulawa mu magayo gawo. Hamba si yali malayika yaye mono yawaponya, langa Muwaha Mulungu mweneco du yo yawaponya. Yawaponya ku soko yo wendo wakwe no lusungu lwakwe. Hambi nha yawadima sunga na mu vilo vyono vyapuluta,

Ezekiyeli 20:5

Wuwalonjele zono nghulonga. Vyono lono namuhagulila Isilayeli, nghawehuwiziza, kanyhi nghelajila kuli wene ku yisi ya Misili, nghawalonjela vyono, ane yo nene u Muwaha Mulungu wenyu.

Ezekiyeli 36:22

“Holeka alu, wuwalonjele wawo Waisilayeli, zono ane no Muwaha Mulungu nghuwalonjela nghutya nhavi, Alu zono nozituma, si nozituma ku soko yenyu anye nyo Waisilayeli, aa ng'o! Langa nozituma ku soko ye litagwa lyangu lyono lyelile, lyono anye mwakondya kulikoza cevu hanhu hose hono mukubita.

Matayo 7:14

Ninga inzila yono yikubita sunga ko ku wumi, finyu, sunga no mulango wo kwinjilila kuko nawo mufinyu, nawo wanhu wacefu du wono wakusuma kuyiwona inzila yiyo.”

Luka 12:32

“Mulece kogopa anye mo cipuga cidodo, hambi Sogo yenyu nha yendile kumupelenyi wutemi.

Walumi 11:6

U wuhagule wakwe wukulawilila mwi'hewa lyakwe, hamba si ku soko ye metumo gawo. Hambi hono u wuhagulwe wakwe wali wuwe wuli mu wulanga imetumo ge wanhu, kwaco ilihewa lyakwe si lyali liwe yihewa lya mbeka.

Walumi 9:18

Holeka yili calinze, vyono u Mulungu kamuwonelaga lusungu munhu wo wose mono mweneco du yakusaka kumuwonela lusungu, na hono mweneco yasace kumunoza munhu yawe yali cibede, kanozaga nhavivyo.

Walumi 9:21

U muwumbi kalitumamilaga ililongo nha vyono yakusaka mweneco, yadahile kuwumba nyungu nyejete mwi'bilingwa limonga, yimonga so witumilwe we lilumbo, ne nyagwe nayo so witumilwe wono si we lilumbo.

Wukumbucize wo Wulajilize 1:10

Muwaha Mulungu kamwinjifyenyi muwa wenji muno muno, nhe zinyelezi za ku wulanga.

Wukumbucize wo Wulajilize 10:22

Mukumbucile vyono, lono walezi wenyu wabitila ku Misili, wali waficile wanhu walume makumi mupunghati du. Ninga aluno, mulanje vyono Muwaha Mulungu, u Mulungu wenyu, yetumile kuli'nye, kamunozenyi muwa muli wenji muno, mwihwana no winji we zinyelezi za ku wulanga.”

Wukumbucize wo Wulajilize 14:2

Anye muli wanhu wo Muwaha Mulungu, u Mulungu wenyu. Nayo Muwaha Mulungu yamuhagulenyi muwe wanhu wakwe mu wulawa mu wanhu wose wono wekaye mono yinze.”

Wukumbucize wo Wulajilize 4:37

Nayo vyono yali yawendile i walezi wenyu, holeka yakamuhagulenyi nanye, na kwe vilungo vyakwe viwaha, yakamuwusenyi mu wulawa mu yisi ya Misili.

1 Yohana 3:1

Alu lanjenyi ta, vyono u Sogo yo munhu yacenda muno muno, sunga citegwe cili wana wo Mulungu! Na mbeka vyo cinha. Na co cikuleka i yinze siyikucimanya, hambi nha si yimumanyile u Mulungu.

1 Yohana 4:10

No wendo vyo winha nhavivi, si vyono ase camula kumwenda Mulungu, langa u mwene Mulungu yo yacenda, sunga yakawa kumutuma u Mwanagwe ho yawe yikumbiko lyo kuciwusiza wubi wetu.