Wukumbucize wo Wulajilize 7:1 - Luganuzi Luswanu Kuli Wanhu Wose 2002

¹ “Muwaha Mulungu, u Mulungu wenyu, komutegulenyi sunga ko ku yisi yono moyisola yiwe yenyu, nayo kogawinga makungugo menji gono gali mu yisi yiyo gawuce. Hamonga ne makungugo mupunghati mawaha, gono gali vilungo kuciza anye, likungugo lye Wahiti, ne Wagiligashi, ne Waamoli, ne Wakanani, ne Wapelizi, ne Wahivi, ne Wayebusi.

Wukumbucize wo Wulajilize 7:1 ပူးပေါင်းရင်းမြစ်များ

1 Watemi 16:31

Kanyhi mwene Ahabu, hamba si yetuma wubi nha vyono Yelobowamu yetuma du, langa yakaciziliza ku soko yo kumutola Yezebeli, u mwana we cicekulu wo mutemi Etibali, mutemi wa ku Sidoni, sunga yakahemba Baali.

1 Zinghomo 1:14

Nayo Kanani yali yo mulezi we Wayebusi, ne Waamoli, ne Wagiligashi,

2 Zinghomo 8:7

Solomona yakawasola wanhu wose we Cikanani wono wasigala, wono si wo lulelo lwe Waisilayeli, wono Waisilayeli si wasuma kuwawulajila lukulu, lono wayisolela yisi yiyo, yakawenjiza mu witumami, wakawa wetumami mu yisi yakwe.

Ezila 9:1

Zizi zali zeza kukondya kwituma, wanji wa muli walongola wa Isilayeli, wakanyiziza no kunonjela vyono, i wanhu hamonga ne wakohani ne Walawi, siwasuma kwisiwanula ne wanhu we zi'si zono zali ziwapilime, ze Waamoni, Wamowabi, Wamisili hamba Wakanani, Wahiti, Wapelizi, Wayebusi, ne Waamoli. Wajendelela kwituma wubi wono i wanhu wawa wetumaga.

Nehemiya 13:23

Kanyhi baho, ho nghamanya nha vyono, wanji wa muli Wayahudi, wali watolile wacekulu wanya Ashidodi na we yisi ya Amoni na Mowabu.

Zabuli 78:55

Yagawinga makungugo ku mwande yawo, yakawapela Isilayeli yisi zawo ziwe zawo, yawapela no wikalo we zimbeyu zakwe.

Wutuluce 15:7

Nagwe ko wuwaha wako wo wizine, kuwongomezaga wose wono wakukupingapinga, kuwaputilaga wukali wako, wuwa kuwaticimiza kotya mabeleje makavu.

Wutuluce 23:28

Nowaletela woga nhinicizo, nowawinga Wahivi, Wakanani ne Wahiti.

Wutuluce 23:32

Mulecele lukulu kwilumbaniza nawo hamba ne milungu yawo yo wulambi.

Wutuluce 23:33

Hamba mulece kuwakombola wekale nanye mu yisi yenyu. Na hono munoze nhavivyo, wene womunozenyi mwitume wubi kuli'ne. Na hono muyihembe du milungu yawo yo wulambi, hodu, wowa weza mutego kuli'nye wo kumugwizenyi.”

Wutuluce 33:2

Nane notuma malayika yamulongolelenyi. Nowawinga Wakanani, ne Waamoli, ne Wahiti, ne Wapelizi, ne Wahivi, sunga ne Wayebusi.

Wutuluce 6:8

Nane nomutegulenyi sunga ko ku yisi yono nakondya kuyiwagula, ku so wihuwizo wono namwihuwiziza Abulahamu, na Isaka, na Yakobo, vyono nowapela. Holeka nane nomupelenyi nyenye yiwe sawo yenyu, ane yo nene Muwaha Mulungu.’ ”

Walawi 14:34

Aga go malajilizo gono ganojeye gakamiswe kuli zo mumvulya wa mu zikaya, wono wutandalaga. (Na aga gali go malajilizo gono wanhu wa Isilayeli wali wanojeye wagakamise, lono wali wakondya kwinjila mu yisi ya Kanani, yono Muwaha Mulungu yawapela wayihale yiwe yawo).

Wuwale 13:29

Nawo Waamaleki wekaye ku lubavu lwe takama ye yisi. Nawo Wahiti ne Wayebusi hamonga ne Waamoli, wekaye mu yisi ye matunda. Nawo Wakanani, wekaye mu mwalambalo we lilenga lya Meditelaneya, na ku lubavu lwe likolongo lya Yoludani.”

Wuwale 14:31

Kanyhi anye mukutya vyono, i wana wenyu, wosolwa mateka, ninga ane nowafisa sunga ko ku yisi yiyo yono anye mwakondya kuyilema, nayo yisi yiyo, yowa yo yisi yawo.

Metumo ge Watumwa 13:19

Yaza kukondya kugahodanga makungugo mupunghati, ga mu yisi ya Kanani, yakawapela wawo iwanhu wakwe yiwe yisi yawo.

Wukumbucize wo Wulajilize 11:29

“Nayo Muwaha Mulungu, kolo yakondya kumwinjizenyi mu yisi yono moyisola yiwe yenyu, mowa munojeye muziganule zo wulugutwe, mu wulawa mwi'tunda lya Gelizimu. Nazo zo wulijitwe, muziganule mu wulawa mwi'tunda lya Ebali.

Wukumbucize wo Wulajilize 20:1

“Na lono mukubita ku wulugu kwihoma ne walugu wenyu, na kolo mukuwona kuko matuka go wulugu, hamonga ne zifwalasi, ne wasilikale wo wulugu wenji wacizize liwalo lyenyu, anye mulece kuwogopa hamba hadodo. Hambi Muwaha Mulungu, u Mulungu wenyu, mono yakamuponyenyi ku wulawa mu yisi ye Misili, nha kowa yali hamonga nanye.

Wukumbucize wo Wulajilize 20:16

“Ninga langa lono mukugahoma no kugateka makaya gono gali mu yisi yono Mulungu yakumupelenyi, ale, muwawulagaje wanhu wose wono wali mumo, mulece kusigaza hamba monga bwete.

Wukumbucize wo Wulajilize 31:20

Ho yiwe kolo nawenjiza mu yisi yono yina moso, yisi yono nehuwiza vyono nowapela i walezi wawo, nawo kolo walya vya mumo weguta, kanyhi wajina, ninga woloyiwuyila milungu yinji wayihembe no kuyitumamila, wolondeka no kucibena cilagane cangu kuli wene, hambi lu kanyhi nha wakondya kwiguta.

Wukumbucize wo Wulajilize 31:3

Holeka Muwaha Mulungu, u Mulungu wenyu, yo mweneco du yo komutonjenyi, kanyhi kogongomeza i makungugo gono gekaye mumo, anye ho muyisole yisi yawo yiwe yenyu. Nayo Yoshuwa yo kowa mutonji wenyu, nha vyono Muwaha Mulungu yalonga.

Wukumbucize wo Wulajilize 4:38

Hanyuma yakagawinga ku mwande yenyu i makungugo gono gali mawaha, kanyhi gali gali vilungo muno kumucizenyi nyenye. Ho yasume kumwinjizenyi no kumupelenyi yisi yawo, yisi yono alu yeza yenyu.

Wukumbucize wo Wulajilize 6:1

“Na gagano go malajilizo gose gono Muwaha Mulungu, u Mulungu wenyu, yandajilize nimwijizenyi. Holeka mweze na cihuliko, kanyhi mugakamise muno, mumo mu yisi yono aluno mweza kwinjila no kuyisola yiwe yenyu.

Wukumbucize wo Wulajilize 6:10

“Muwaha Mulungu, u Mulungu wenyu, komupelenyi yisi yono yina makaya mawaha, kanyhi maswanu muno, gono si mwagazenga nyenye nyo weneco, nha vyono yawehuwiza walezi wenyu, Abulahamu, na Isaka, na Yakobo.

Wukumbucize wo Wulajilize 6:19

Kanyhi kowawinjila kutali i walugu wenyu, nha vyono yehuwiza.

Wukumbucize wo Wulajilize 6:23

Muwaha Mulungu yakaciwusa kuko ku Misili, yakacileta sunga ho bahano, yakacipela ne yisi yiyi, nha vyono yawehuwiza walezi wetu vyono kocipela.

Wukumbucize wo Wulajilize 9:1

“Muhulicize! Anye nyo wanhu Waisilayeli! Alu izuwali mwasejelela ku wulowoka likolongo lya Yoludani, mwinjile mu yisi yono yikaye makungugo mawaha, kanyhi gali vilungo kumucizenyi. Ne makaya gawo mawaha, gazenjeywe majinji matali muno gono gaficile ko ku mavunde.

Wukumbucize wo Wulajilize 9:3

Ninga anye alu, mowona nyenye nyo weneco vyono Muwaha Mulungu, u Mulungu wenyu, kowa yamulongolelenyi kotya moto wono wuticimizaga. Mwene kowasumiza ha mwande yenyu, nanye ho musume kuwawinga no kuwongomeza mbela mbela, nha vyono Mwene yehuwiza.

Wukumbucize wo Wulajilize 9:4

“Nayo Muwaha Mulungu, u Mulungu wenyu, kolo yakondya kuwawinga ha mwande yenyu, mulece kwiyitya vyono Muwaha Mulungu kamwinjizenyi ho muyisole yisi yiyi ko wiling'ano wenyu. Aa, ng'o, u Muwaha Mulungu kowawinga wanhu wawa, ku soko yo wubi wawo.

Yoshuwa 11:3

Kanyhi Yabini yakategula nghani kuli Wakanani wono wekalaga ku nhumbi zose vyono nyejete ze likolongo lya Yoludani, sunga na kuli Waamoli na kuli Wahiti, na kuli Wapelizi ne Wayebusi wa mu yisi ye matunda, hamonga na kuli Wahivi wono wekalaga mu nhenenhuko ye litunda lya Helemoni mu yisi ya Mizipa.

Yoshuwa 24:11

Mukalowoka Yoludani, mukafika ku Yeliko. Wanhu wa Yeliko, wakehoma nanye, nha vyono wanoza Waamoli, ne Wapelizi, ne Wakanani, ne Wahiti, ne Wagiligashi, ne Wahivi, ne Wayebusi. Ninga ane nghamupelenyi wusume muli wawa wose.

Yoshuwa 3:10

Munghango yono mocila kwinjila, u Muwaha Mulungu nayo vyo kocila kuwawinga Wakanani, Wahiti, ne Wahivi, ne Wapelizi, hamonga ne Wayebusi, ne Wagiligashi, ne Waamoli. Ho momanya vyono u Mulungu mumi yali hamonga nanye.