Wukumbucize wo Wulajilize 6:3 - Luganuzi Luswanu Kuli Wanhu Wose 2002

³ Holeka mweze ne cihuliko anye nyo Waisilayeli, mugakamise muno malajilizo gakwe! Holeka mowa no wulugutwe, kanyhi mowa nghungugo ye vilungo muno muno. Nanye ho mosuma kwikala mu yisi yono yina moso, nha vyono Muwaha Mulungu, u Mulungu we walezi wenyu yehuwiza.

Wukumbucize wo Wulajilize 6:3 ပူးပေါင်းရင်းမြစ်များ

Mwamulizo 12:2

“Nane nokunoza wuwe yikungugo yiwaha muno muno, kanyhi nokulugutiza, nane nolinoza litagwa lyako limanyice muno, nagwe wuwe wumoti.”

Mwamulizo 13:16

No lulelo lwako nowanoza wawe wenji muno muno kotya muhangha we yinze. Nha vyono muhangha si wosuma kuwalwa, ale, nhavivyo no lulelo lwako nalo, si losumika ku wuwalwe!

Mwamulizo 15:5

Baho u Muwaha Mulungu yakawa kumulavyaniza Abulamu hanze ye lihema, yakawa kumutya, “Abulamu, wugalamile ta, wulanje ku wulanga! Ale ta, wuziwalaje zinyelezi hono kosuma kuziwala! Ale no lulelo lwako vyo lowa lwinji nhavivyo!”

Mwamulizo 22:17

holeka nane mbeka nokulugutiza, no lulelo lwako nolwinjifya luwe lwinji muno muno nhe zinyelezi za ku wulanga, na kanyhi luwe kotya nho muhangha wa mwi'lenga.

Mwamulizo 26:4

Kanyhi nolunoza lulelo lwako, luwe lwinji nha vyono zinha zinyelezi za ku wulanga, hamonga no kuwapela zi'si zizino zose. Kanyhi ne zinghungugo zose zolugutizizwa muli gwegwe,

Mwamulizo 28:14

No lulelo lwako, wowa wenji muno nho muhangha wa mono'nze, nagwe kotandala mose, kumwezi, kucilima, kusumuka, na kutakama. Na muli gwegwe no lulelo lwako, i zinghungugo zose mo zolugutizizwa.

Zabuli 119:4

Gwe go Muwaha Mulungu, wacijiza ze mejizo gako, ho cigebate ko wihuwilwa muno.

Wutuluce 1:7

Ne wana wa Isilayeli wali welelile muno, wakacila konjelezeka, wakawa ne vilungo, kanyhi wakawa wenji muno muno, sunga ne yisi yiyilya ye Misili, yikamema weneco wose.

Wutuluce 3:17

Holeka nane nadumula nghani vyono, niwawuse mu yisi yiyo ya Misili, hanhu hono wakuwatendela ko wukali, niwategule ku yisi yono yina moso, hamonga no wumemelecele wo wuswanu wose, yisi ye Wakanani ne Wahiti, ne Waamoli, ne Wapelizi, ne Wahivi, hamonga ne Wayebusi.

Wutuluce 3:6

Ane nane yo nene mono nili Mulungu we walezi wako, nili Mulungu wa Abulahamu, no Mulungu wa Isaka no Mulungu wa Yakobo.” Musa yakawa kwigubiciza ku wusu wakwe, hambi nha yogopa kwidoma no Mulungu.

Wutuluce 3:8

Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Muganuzi 8:12

Wuwalangaje ta wanyo wubi, vyono wetumaga zimbi kali cigana, ninga hamba nhavivyo, vyo wajendeleye du kuwumipa. Ninga ane manyiye lukulu vyono, i nyemo yiwalindiye wono wamogopile Mulungu, ku soko ye cogopo cawo,

Isaya 3:10

Ninga wanhu we ling'ani, wolowa wasangalaye, ne zinghani zose, zolowa swanu du kuli wene. Nawo, wolosangalalila kuli ze metumo gawo.

Yelemiya 42:6

Hamba gawe gakucendeza, hamba ng'o, ninga ase comuhulika du u Muwaha Mulungu, u Mulungu wetu, mono cikukunena agwe wucilombele kuli mwene. Hambi nha cimanyile nha vyono hono cimuhulice mwene, nghani zetu zose zowa swanu muno.”

Yelemiya 7:23

Langa nawalajiliza nghawatya vyono, weze wali cihuliko du kuli'ne, nane niwe Mulungu wawo, nawo wawe wanhu wangu. Kanyhi nghawalajiliza, nha vyono, yiwanojeye wekale mu mikalile nha vyono nawalajiliza, holeka womoteswa mu milimo yawo yose.

Metumo ge Watumwa 7:17

“Ninga lidaha lyaza fika, ho Mulungu yacifisilize icilagane cono yamupela Abulahamu, iliwalo lye wanhu lyali lyonjezeka muno ku Misili.

Wukumbucize wo Wulajilize 11:9

Kanyhi ho mosuma kwikala vilo vinji mu yisi yo moso, yisi yono Muwaha Mulungu yawehuwiza walezi wenyu hamonga ne wana wawo, vyono kowapela.

Wukumbucize wo Wulajilize 26:15

Holeka go Muwaha Mulungu, alu wulanje wulawa hanhu hako hono helile kuko ku wulanga, wuwalugutize wanhu wako Waisilayeli, hamonga ne yisi yiyi swanu muno yono yina no moso mwinji, yono wacipela, nha vyono wawehuwiza walezi wetu.’ ”

Wukumbucize wo Wulajilize 26:9

Yakacileta sunga bahano mono yisi yiyi yono yina moso mwinji.

Wukumbucize wo Wulajilize 27:3

hanyuma mwandice mu mhelo yago zinghani zose ze malajilizo ne mejizo gaga. Na kolo mwakondya kulilowoka likolongo no kwinjila mu yisi yiyo swanu, kanyhi yono yina moso mwinji, yono Muwaha Mulungu, u Mulungu we walezi wenyu, yakumupelenyi.

Wukumbucize wo Wulajilize 31:20

Ho yiwe kolo nawenjiza mu yisi yono yina moso, yisi yono nehuwiza vyono nowapela i walezi wawo, nawo kolo walya vya mumo weguta, kanyhi wajina, ninga woloyiwuyila milungu yinji wayihembe no kuyitumamila, wolondeka no kucibena cilagane cangu kuli wene, hambi lu kanyhi nha wakondya kwiguta.

Wukumbucize wo Wulajilize 4:40

Holeka mukamise malajilizo gakwe gono nghumulajilizenyi izuwali. Na mu nzila yiyo, holeka zenyu zose zojendelela viswanu, hamonga ne wana wenyu. Kanyhi holeka mojendelela kwikala mononze vilo vinji, vyono Muwaha Mulungu, u Mulungu wenyu, yakumupelenyi viwe vyenyu cibitilila.”

Wukumbucize wo Wulajilize 4:6

Mugakamisaje ko wihuwilwa. Na mu nzila yiyo, i wanhu we makungugo ganji, mumo mo wowonela vyono anye muli wanhu we mahala no wizuce. Nawo kolo wakuzihulika zose ze malajilizo gaga, wotya, ‘Mbeka nghungugo yiyi mbaha, wo wanhu wono wena mahala no wizuce!’

Wukumbucize wo Wulajilize 8:8

Yisi yono yikulela ngano, na shayili, na zabibu, ne makomamanga, yisi ye mafuta, no wuci.