Wukumbucize wo Wulajilize 5:4 - Luganuzi Luswanu Kuli Wanhu Wose 2002

⁴ Kanyhi mukumbuciye na vyono Muwaha Mulungu, yalonganila nanye ciwonelela, ku wulawilila mwi'tunda, mu wulawa muciligati yo moto.

Wukumbucize wo Wulajilize 5:4 ပူးပေါင်းရင်းမြစ်များ

Wutuluce 19:9

Muwaha Mulungu yakamulonjela kanyhi Musa yakatya, “Ale, ane lu nokuziza mwi'vunde lizito, Waisilayeli ho wasume kuhulika 'ne lono cikulongana nagwe, nawo ho wasume kukwihuwila agwe cibitilila.” Nayo Musa yakamulonjela Muwaha Mulungu zono wanhu walonjile.

Wutuluce 20:1

Mulungu yalonga zinghani zizi yakatya,

Wutuluce 33:11

Na mu nzila yiyo, vyo Muwaha Mulungu yasuma kuduwana na Musa wedomile, nha vyono wenha munhu na mwendece wakwe. Nayo Musa lono yawukaga mwi 'Hema, yakuwuya kwi hema lyakwe, muzelelo Yoshuwa u mwana wa Nuni, mono yali yo mutazi wakwe, ayo langa si yawuka mumo mwi 'Hema.

Wuwale 12:8

Holeka lono nghulongana nayo, nghulongana nayo ciwonelela, kanyhi calinze du, hamba si mu nzila yo wufumbe ng'o. Nayo yakondya kumbona sunga ne cihwani cangu! Alu nhawule si mwali kogopa kumulonganga mwitumami wangu Musa?”

Wuwale 14:14

na mbeka wosuma kuwalonjela i wanhu wono wekaye mu yisi yiyi. Hambi i wanhu wawo, nha wakondizye kumanya vyono, agwe go Muwaha Mulungu wuli hamonga nase, nagwe mbeka wukwijela ciwonelela, lono livunde lyako limile hacanyha yetu, na vyono kanyhi agwe, wukucilongolela ku mwande yetu ne lisumbili lye livunde ku misi, na ku cilo nako wukucilongolela ne lisumbili lyo moto.

Wukumbucize wo Wulajilize 34:10

Na ku wulawa baho, hakali si nejela kanyhi muwizi yunji mu Isilayeli mono yenha Musa, mono Muwaha Mulungu yalonganaga nayo vidomile.

Wukumbucize wo Wulajilize 4:12

Kanyhi muwalonjele na vyono Muwaha Mulungu yalonganila nanye mu moto, na vyono nanye mwalihulika lizi lyakwe du, ninga si wamuwona yaye mumbwa yakwe vyono yenha.

Wukumbucize wo Wulajilize 4:15

“Nayo Muwaha Mulungu, lono yalonganila nanye mu wulawa mu moto he'tunda lya Sinayi, nanye hamba si mwawona mumbwa yakwe hamba futa yo yose.

Wukumbucize wo Wulajilize 4:33

Hamba ho hali hanji hono wanhu wahulika mulungu yakulonganila nawo mu moto, nha vyono nyenye?

Wukumbucize wo Wulajilize 4:36

Kanyhi yakamunozenyi mulihulice lizi lyakwe ku wulawa ku wulanga, ho yamwijizenyi. Kanyhi yakamunozenyi ho muwuwone moto wakwe wono welile bahano hono hasi, nayo yakawa kulongana nanye mu wulawa mu moto wuwo.

Wukumbucize wo Wulajilize 5:22

“Aga go malajilizo gono yamulajilizenyi nyenye wose lono mwali mwikongholeye he'tunda. Lono yalonjela nanye kwe lizi lye vilungo mu wulawilila mu moto, na mu mavunde matitu tuku. Nayo yakamulajilizenyi malajilizo gaga du, hamba si yonjeleza kanyhi nghani zinji yaye. Hanyuma yakawa kugandika malajilizo gago mu mbawo nyejete ze mabwe, yakawa kumhela nene.”