Wukumbucize wo Wulajilize 5:2 - Luganuzi Luswanu Kuli Wanhu Wose 2002

² Kanyhi mumanyile nha vyono, Muwaha Mulungu, u Mulungu wetu, yanoza cilagane ne walezi wetu he 'tunda lya Sinayi,

Wukumbucize wo Wulajilize 5:2 ပူးပေါင်းရင်းမြစ်များ

2 Watemi 17:35

Wawo Waisilayeli wono Muwaha Mulungu yanoza cilagane nawo, wono Muwaha Mulungu yakawalajiliza yakutya, “Mulecele lukulu kuyihemba milungu yinji, mulece kuyifugamila hamba kuyitumamila, hamba kuyilavizya makumbiko.

Wutuluce 19:1

Na mwizuwa lilongozi lya mu mwezi we kadatu, ku wulawa lono wawucila ku Misili, Waisilayeli wakafika mu nyika ya Sinayi.

Wutuluce 24:8

Nayo Musa yakawa kuyisola sakami, yakawa kuwamiziza wanhu akuno yakutya, “Ayino yo sakami yono yikucikangaza cilagane cono Muwaha Mulungu yacinozize nanye, lono yamupelelenyi gaga malajilizo gakwe.”

Wutuluce 34:10

Muwaha Mulungu yakamulonjela Musa yakatya, “Alu, nghunoza cilagane hamonga ne wanhu wa Isilayeli. Nane nokwituma mapoto hali wene, mapoto gono gakali hamba sinetumwa mono'nze yose, hamba mwi'kungugo lyo lyose. Ne wanhu wose wono kowezana nawo, wogawona metumo gangu nene no Muwaha Mulungu. Hambi nha nonoza nghani yo wizine, nayo noyinozeza muli gwegwe.

Yelemiya 11:4

Hambi nha co cilagane cono nacinoza ne walezi wawo, lono nawawusiza mu yisi ya Misili, mu yisi yono yali yinha nha moto mukali kuli wene. Nane nghawalonjela nha vyono wahulice 'ne no kwituma zinghani zose, zono nawalajiliza. Nane nghawaloloseza nha vyono, hono wazibate, wowa wanhu wangu, nane nowa Mulungu wawo.

Yelemiya 31:32

Ne cilagane cico, si colowa cihwanile ne cilagane ce katali yaye, cono nacinoza ne walezi wawo, lono nawakamisa, nghawawusa mu yisi ya Misili. Hamba niwe nali nili mulume wawo, ninga wene si wacikamisa yaye cilagane cico.

Yelemiya 34:13

u Mulungu wa Isilayeli, yakanonjela vyono, mbite nghawalonjele wanhu nitye nhavi, “Ane no Muwaha Mulungu, nanoza cilagane ne walezi wenyu, lono nawawusiza mu yisi ya Misili, no kuwakomboza mu wuwanda. Nghawalonjela nha vyono,

Malaki 4:4

“Ninga mukumbucile mejizo go mwitumami wangu Musa, hamonga no wulajilize, ne malajilizo gono namupelela kwi'tunda lya Sinayi, anye wanhu wose wa Isilayeli, mugebate.

Wukumbucize wo Wulajilize 1:6

“Lono cali cili he 'tunda lya Holebu lyono licemwaga Sinayi, u Muwaha Mulungu, u Mulungu wetu, yacilonjela yakatya, ‘Mwekala vyeza vilo vinji bahano he 'tunda lili.

Wukumbucize wo Wulajilize 29:1

Azi zo nghani ze cilagane, cono Muwaha Mulungu yamulonjela Musa, yazinoze kuli Waisilayeli mu yisi ya Mowabu. Ne cilagane cici cali cilagane cinji naco ne cilagane acilya, cono Muwaha Mulungu yacinoza kuli wene kwi'tunda lya Sinayi.

Wukumbucize wo Wulajilize 4:13

Kanyhi na vyono yamulonjelenyi nha vyono munojeye mucikamise cilagane cakwe cono yacinoza nanye. Na vyono munojeye mugakamise i malajilizo gakwe yikumi, gono yagandika mweneco mucanyha ye vibawo vyejete vye mabwe.

Wukumbucize wo Wulajilize 4:23

Holeka mwilanjilile, mulece kusemwa cilagane cono Muwaha Mulungu, u Mulungu wenyu yacinoza nanye. Kanyhi mweze ne cihuliko kuli ze lilajilizo lyakwe, mulecele lukulu kwinozeza nyo weneco cihwani co cose ciseswe.

Wukumbucize wo Wulajilize 5:1

Musa yakawakonghola hamonga i Waisilayeli, yakawalonjela yakatya, “Anye nyo Waisilayeli, alu nghumunenenyi, muhulicize malajilizo gono nghumulajilizenyi izuwali. Mugeyijize, sunga mumanyile lukulu nha vyono mwakondya kugakamisa gose.