Wukumbucize wo Wulajilize 4:3 - Luganuzi Luswanu Kuli Wanhu Wose 2002

³ Hambi nha mwewonelela nyenye nyo weneco, zono Muwaha Mulungu yazituma he 'tunda lya Peyoli. Hambi nha yawongomezeza lukulu wose wono wahembaga Baali.

Wukumbucize wo Wulajilize 4:3 ပူးပေါင်းရင်းမြစ်များ

Ezekiyeli 20:18

“Ninga hamba nhavivyo, si naleka, langa nawasugula i wana wawo mu nyika nghawatya, Mulece kujendela mu malajilizo ge walezi wenyu, hamba kuyityatya myoto yawo, hamba kwiyavufya nyo weneco so wuhemba vihwani vyawo.

Hoseya 9:10

Muwaha Mulungu yakutya, “Ha mwamulizo lono namwaganila Isilayeli, yikawa nha mbwene zabibu zono zikuwilucila mu nyika. Na lono nawawonela walezi wawo ha mwamulizo, nali nha mbwene mikalo yo mukuyu, yono yipiliye mu cipango cayo. Ninga wali weza kuza kwi'tunda lya Peyoli, wakawa kwanza kumuhemba Baali. Ninga kanyhi hadodo bwete, wakawa kuyisemuna yiyo milungu yono wali wayendile.

Wuwale 26:64

Hamba hali hasina munhu monga mono si yawalwa, muli wanhu wose wono Musa na Haluni wawawala ha wuwale wulongozi lono wali wali mu nyika ya Sinayi.

Wuwale 31:16

Ninga mukumbucile vyono wo wawa wacekulu wono wagatyatya mafundo ga Balamu, sunga wakawa kuwakwega wanhu wamubedegale Muwaha Mulungu. Na yiyi yikawa yo soko yono yikaleka lihuhuji likawaziza i wanhu wo Mulungu.

Wukumbucize wo Wulajilize 11:7

Heya, nanye yo nyenye mono mwaziwona zizi zose zi mbaha, zono Muwaha Mulungu yazituma.”

Wukumbucize wo Wulajilize 4:4

Ninga awalya wono wali wehuwilwa kuli Muwaha Mulungu, u Mulungu wenyu, awo wakali wali cawumi sunga nalu.

Yoshuwa 22:17

Ninga mukumbucile wubi wono cetuma ku Peyoli, lono Muwaha Mulungu yakacilipiciza co wanhu wakwe ne lihuhuji, lyono lyacimala muno. Sunga nalu cikali hamba si neyeza no wubi wuwo. Wule, lisutya lililya silyakwila yaye?