Wukumbucize wo Wulajilize 4:2 - Luganuzi Luswanu Kuli Wanhu Wose 2002

² Ninga mulece konjeleza hamba kucepula muli zose zono nghumulajilizenyi. Langa mweze ne cihuliko du kuli malajilizo go Muwaha Mulungu, u Mulungu wenyu, gono nakondya kumulonjelenyi.

Wukumbucize wo Wulajilize 4:2 ပူးပေါင်းရင်းမြစ်များ

Zabuli 78:7

Nawo ho wasume kumwitumbila Mulungu, ho walece kugasemwa i metumo go Mulungu, langa ho wagebatilile lukulu i malajilizo gakwe.

Zimbazi 30:6

Wulece konjeleza zinghani zakwe, mwene kokuleka, no kukuwona vyono wuli mulambi.”

Muganuzi 12:13

Hamonga na zizo zose, ho yili nghani monga kanyhi ye ndumilizo, nayo yoyi, “Mogopaje Mulungu, kanyhi wibate ne malajilizo gakwe.” Yiyi yo nghani mbaha muno, yo yaleka munhu yakawumbwa ho yayitume.

Yelemiya 26:2

u Muwaha Mulungu yakanonjela yakatya, “Ale, wime he wanza lye Nyumba yo Mulungu, wuziganule kuli wanhu wose wono wakulawa mu makaya ga Yuda, wakuza kuhemba bahano. Wuwalonjele zinghani zose zono nghulajilize kuli wene. Ninga wulanjilile, wulece kusigaza hamba nghani monga yaye.

Matayo 5:18

Nghumulonjelenyi mbeka, vyono sunga u wulanga ne yinze zilapuluta, ninga hasina hamba nghani ndodo, hamba cipinga cidodo co Wulajilize cono cowuswa, sunga kolo zose zakondya kufisilizwa.

Matayo 5:43

“Kanyhi mwahulika vyono yalongwa, ‘Wumwendaje u muyago ninga wumusulaje u mulugu wako.’

Wagalatiya 3:15

Wandugu zangu, nomulonjelenyi i cihwanicizo ca mu mikalile yetu ye nhondo zose. Mwihwesaje ta muli ze cilagane ca wanhu wejete. I cilagane cila kuwa cawikwa cakondya, hamonga no kutajilwa sayini, hasina munhu mono kacidelengulaga, hamba kuconjeleza cinji.

Wukumbucize wo Wulajilize 1:3

Na mwi'zuwa lilongozi lya mu mwezi we likumi na monga, lya mu mwaka we makumi mane, lono wali wawuka ku Misili, Musa yawaloloseza wanhu, zose zono Muwaha Mulungu yamulajiliza yawalonjele.

Wukumbucize wo Wulajilize 12:32

Holeka muzitumaje zose zono nakondya kumulajilizenyi, mulece konjeleza hamba kucepula nghani yo yose muli zizi.”

Wukumbucize wo Wulajilize 13:1

“Na hono yejele muli nyenye muwizi, hamba mulolosa ndoto, mono kolajila citanjilo hamba mezino, yawe kutya,

Wukumbucize wo Wulajilize 33:4

Ciwibate no kuwukamisa wulajilize wono Musa yacijiza, hambi nha wo wuhazi wuwaha we nghungugo yetu.

Wukumbucize wo Wulajilize 4:14

Kanyhi Muwaha Mulungu, yanonjela vyono yinojeye nimwijizenyi wulajilize no wuling'anizi, wono munojeye muwukamise, lono muli mu yisi yono mokwinjila no kuyisola yiwe yenyu.”

Wukumbucize wo Wulajilize 4:40

Holeka mukamise malajilizo gakwe gono nghumulajilizenyi izuwali. Na mu nzila yiyo, holeka zenyu zose zojendelela viswanu, hamonga ne wana wenyu. Kanyhi holeka mojendelela kwikala mononze vilo vinji, vyono Muwaha Mulungu, u Mulungu wenyu, yakumupelenyi viwe vyenyu cibitilila.”

Wukumbucize wo Wulajilize 4:5

“Nane nha nakondya kumwijizenyi ze malajilizo gose, nha vyono Muwaha Mulungu, u Mulungu wangu yanonjela nitume. Holeka mweze ne cihuliko kuli malajilizo gago, mumo mu yisi yono mokwinjila no kuyisola yiwe yenyu.

Wukumbucize wo Wulajilize 5:29

Na hono mbeka nhondo zose wawe kwihwesa nhavivi! Na hono mbeka wawe wanyogopile, no kuwa ne cihuliko kuli'ne nhondo zose, muli ze malajilizo gangu, nawo wojendelela kuwa no wumoteswe muli zose, ne wana wawo cibitilila.

Wukumbucize wo Wulajilize 5:32

“Holeka anye nyo Waisilayeli, mumanyile lukulu vyono munojeye muzikamise no kwituma zose zono Muwaha Mulungu, u Mulungu wenyu yamulajilizenyi. Kanyhi mulecele lukulu kuwubedegala wulajilize wakwe.

Yoshuwa 1:7

Holeka weze ne vilungo, no wuhidimbazi muno. Kanyhi wulanjilile, witume zose zo wulajilize, nha vyono Musa u mwitumami wangu yakulajiliza. Hamba wulece kuyibedegala nghani yoyose ya mwilajilizo lilyo, holeka nagwe kotuga wumoteswe ko kose kono kowa kubita.

Yoshuwa 8:35

Nayo Yoshuwa yakawusoma Wulajilize wose wa Musa, ha mwande ye wanhu wose wono wali wehangulize, hamonga ne we cicekulu ne wana wawo, hamonga ne wajenzi wose wono vyekalanaga nawo.