Wukumbucize wo Wulajilize 32:9 - Luganuzi Luswanu Kuli Wanhu Wose 2002

⁹ Ninga yakehagulila we ndelo ya Yakobo wawe wanhu wakwe.

Wukumbucize wo Wulajilize 32:9 ပူးပေါင်းရင်းမြစ်များ

2 Samwili 14:16

Nane nali nitumbiye vyono kohulika, no kumhonya kuli munhu mono yakujela kumuwulaga mwanangu we cilume, hamonga na nene no mweneco, yaciwuse mu yisi yono Mulungu yawapela wanhu wakwe.

2 Samwili 20:19

Hambi likaya lyetu lili, nhe 'kaya yiwaha muno, kanyhi lyo likaya liyagwe ne makaya gono gena mulamu ne cihuliko mu Isilayeli yose. Alu nhawule agwe wukuhila kulihodanga? Agwe lu wukuhila kuwuhodanga wuhazi wo Muwaha Mulungu.”

1 Watemi 8:51

Hambi wene nha wanhu wako wono wawawusa ku yisi ya Misili mwi 'lambi lyo moto.

1 Watemi 8:53

Agwe yo gwegwe mono wawahagula ku wulawa muli wanhu wose, ho wawe wanhu wako, nha vyono wawalonjela muli Musa u mwitumami wako, lono wawawusiza i walezi wetu ku Misili.”

Zabuli 106:40

Holeka likuwo lyo Muwaha Mulungu, likawacila wanhu wakwe, hamba si yendezwa kanyhi na wawo wanhu wakwe.

Zabuli 106:5

nane ho sume kuwuwona, wumoteswe we wahagulwa wako, nane ho niyisangalalile nyemo, ye nghungugo yako, kanyhi ho niyilumbile lukumyo, hamonga ne wanhu wako.

Zabuli 135:4

Muwaha Mulungu yakehagulila Yakobo, yawe munhu wakwe, ne wanhu wa Isilayeli, wawe sawo yakwe mweneco.

Zabuli 28:9

Gwe go Muwaha Mulungu, wuwaponye wanhu wako, wuwalugute i wanhu wono yo sawo yako, wuwadime no kuwacitila sunga cibitilila.

Zabuli 33:12

Na mbeka, limotile likungugo lyono Mulungu wayo, yo yuyu u Muwaha Mulungu! Wamoti wono Mulungu yawahaguye wawe wanhu wakwe!

Zabuli 74:2

Wukumbucile wihangulize wako, wono wawahagula gwegwe ku wulawa na katali, mbeyu yono wayikomboza yiwe sawo yako, litunda lye Sayuni lyono walinoza liwe wo wikalo wako.

Zabuli 78:71

yamucema lono yali yali mu wudima litewa lyakwe, yakamunoza ho yamudime Yakobo, mono lye kungugo lyakwe, yawadime Isilayeli wanhu wakwe.

Wutuluce 15:16

Wogofye no woga, vyawagana, ku soko yo wuwaha we vilungo vyako, nawo wanyamala twii kotya yibwe, sunga wanhu wako kolo wapuluta wakondya, 'gwe go Muwaha Mulungu, heya, sunga wanhu wako wono wawakomboza, wakondya kupuluta.

Wutuluce 34:9

Hanyuma Musa yakawa kutya, “Gwe go Muwaha Mulungu, alu vyono wakondya kumhela lihewa lyako, nane lu nghukunena, wujendane hamonga nase. Hambi wanhu wawa nha wasina cihuliko. Ninga hamba nhavivyo, wucinenele wavu wetu hamonga no wubi wetu. Nagwe wucibocele du nha wanhu wako go mweneco.”

Isaya 19:25

Nayo Muwaha Mulungu we Mihanga kolowalugutiza, yakutya, “Nomulugutizenyi anye nyo Wamisili nyo wanhu wangu, nanye nyo Waashuli, mono namuwumbenyi, hamonga nanye Isilayeli, nyo wanhu wangu wahagulwa.”

Isaya 34:17

Kanyhi yo mweneco du Muwaha Mulungu mono kolovigawila yisi, no kuvipela hanhu ho kwikala, hanhu na havyo. Navyo vyokwikala mumo mu yisi, ndelo na ndelo. Navyo lyowa lye gawo lyavyo sunga cibitilila.

Isaya 43:21

Hambi wawa nha wo wanhu wono nenozeza nene no mweneco, nawo wowa kwimba zo lukumyo lwangu!”

Yelemiya 10:16

Hambi u Mulungu wa Yakobo, nha si yehwanile na wene, hambi mwene, nha yo yavinoza vinhu vyose, kanyhi yo mweneco mono yawahagula i wanhu wa Isilayeli, wawe wo wanhu wakwe wahagulwa. Ne litagwa lyakwe yakucemwa, U Muwaha Mulungu, we mihanga.

Yelemiya 2:7

Nane nghawaleta sunga ku yisi yono yina moso muno, ho wayisangalalile mikalo yayo, hamonga ne vinhu vinji viswanu vyono vili mumo. Ninga wene wakayihodanga yisi yiyo, wakayavufya i yisi yono nawapela.

Yelemiya 51:19

U Mulungu wa Yakobo nha si yehwanile yene, hambi mwene, nha yo yaviwumba vinhu vyose, kanyhi yo mweneco mono yayihaga nghungugo ya Isilayeli wawe wanhu wakwe mweneco. Ne litagwa lyakwe mwene, yo Muwaha Mulungu we mihanga.

Mika 2:5

Holeka i vilo vilawa kuza, vyo kugomolwa yisi kuli wanhu wo Muwaha Mulungu, kolowa kusina kanyhi yunji, mono kolowa yena lifungu muli'nye.

Zakaliya 2:12

Kanyhi Yuda yolowa yo sawo yakwe siwanulwe yo Muwaha Mulungu mu yisi yakwe yono yelile, nayo Yelusalemi yolowa lyo likaya lyono yalyendile muno.

Waefeso 1:18

Nghumulomba u Mulungu yazidigule izinhumbula zenyu ho zisume kuwuwona u wuzelu wakwe, ho musume kuwutanga u witumbilo wono yamucemelenyi, no lukumyo luwaha lwe vipegwa vyono yawawicila iwanhu wakwe,

Wukumbucize wo Wulajilize 9:29

Hamonga na zizo, awano wo wanhu wono wawahagula ho wawe wako go mweneco, nagwe wukawawusa ku Misili kwe vilungo vyako viwaha na ko wusume wuwaha.’ ”

Yoshuwa 24:17

U Muwaha Mulungu, u Mulungu wetu, nha yo yawawusa i walezi wetu na sese mu wuwanda ku Misili, kanyhi cikagawona ne mezino gono yalajila ku Misili. Kanyhi yakacikamisa ko kose kono cakolelaga mu makungugo.

1 Samwili 10:1

Hobaho Samwili yakawa kusola cupa ye mafuta, yakawa kumwitila Sawuli mu mutwe, hanyuma yakawa kumunonela, yakamutya, “Muwaha Mulungu kakwitila mafuta, ho wuwe mutemi muli wanhu wakwe wa Isilayeli. Kotema muli wanhu wakwe, kanyhi kowacitila muli walugu wawo. Naco aci co citanjilo kuli'gwe, cono cikukulajila vyono Muwaha Mulungu yo yakuhaguye wuwe mutemi muli wanhu wakwe.