Wukumbucize wo Wulajilize 3:4 - Luganuzi Luswanu Kuli Wanhu Wose 2002

⁴ Na mwi'pango lilyo, cikagateka makaya gakwe gose, hakawa hasina hamba likaya limonga lyono si caliteka. Na muli makaya gose gono cagasola, makaya makumi mutandatu, gali ga mwi'tumbi lya Aligobu, hono yali yatemile Ogu u mutemi wa Bashani.

Wukumbucize wo Wulajilize 3:4 ပူးပေါင်းရင်းမြစ်များ

1 Watemi 4:13

Nayo Bengebeli yakapegwa likaya lya Lamoti ya ku Gileyadi, hamonga ne vitumbi vyayo vya mu Gileyadi, vyono vyali vya we mhuga ya Yayili, i wana wa Manase, hamonga ne yisi ya Aligobu ya ku Bashani, gakawa makaya mawaha makumi mutandatu, gose hamonga. Na gose hamonga, gakawa mazenjele magomawakali, gena ne malango ga cuma.

Wuwale 21:35

Nawo Waisilayeli wakamuwulaga Ogu hamonga ne wanagwe we cilume, sunga ne wanhu wose du, si yasigala yunji hamba yumonga. Hanyuma wakayiteka ne yisi yakwe yose.

Wukumbucize wo Wulajilize 3:13

Nawo wo mulango wa Manase, nghawapela nusu yono yali yisigaye, ye yisi ya Gileyadi na Bashani, i hanhu hono yali yatemile u mutemi Ogu, nha cinji litumbi lyose lya Aligobu. (Nayo Bashani, yali yimanyice nha yisi ye Walefayi.

Wukumbucize wo Wulajilize 3:14

Nayo Yayili, u munhu wo mulango wa Manase, yakalisola litumbi lilyo lya Aligobu, sunga ne Bashani yose, sunga ko ku mupaka wa Geshuli na Maka. Mwene Yayili, yakavicemela vitumbi vyose litagwa lyakwe mweneco. Navyo sunga nalu, vikali vikucemwa vitumbi vya Yayili.)

Wukumbucize wo Wulajilize 3:3

“Nayo Muwaha Mulungu, yakacikombolela Ogu mu miwoko yetu, mwene ne wanhu wakwe wose, nase cikawawulaga wose wose.

Wukumbucize wo Wulajilize 3:5

Ne makaya gago gose gali mazenjele majinji matali muno ge magomawakali, gono gali gena ne malango gayo, ne makomeyo go kudindila malango. Ninga kanyhi, hakawa ne vikaya vinji vyono vyali visina majinji matali ge magomawakali.

Wukumbucize wo Wulajilize 4:47

Wakayisola yisi yiyo, hamonga ne yisi yo mutemi Ogu wa Bashani, u mutemi yunji muyagwe no mutemi Sihoni, mono nayo, yali mutemi we Waamoli mono yekalaga ku lubavu lwa ku cilima ye likolongo lya Yoludani.

Yoshuwa 12:4

Kanyhi wakamusuma mutemi Ogu wa ku Bashani, mono yali yo wo mudumilizo we Walefayi, mono yali yatemile ku Ashitaloti na Edeleyi.