Wukumbucize wo Wulajilize 27:7 - Luganuzi Luswanu Kuli Wanhu Wose 2002

⁷ Na baho kanyhi mulavye ne vilavywa vyenyu vyo mulamu, muvilile baho musangalaye, akuno mwina ne lilumbo hali Muwaha Mulungu, u Mulungu wenyu.

Wukumbucize wo Wulajilize 27:7 ပူးပေါင်းရင်းမြစ်များ

Nehemiya 8:10

Alu, muwuye ku zikaya zenyu, ho mukanoze sikukuu. Muhanje zindigwa zenyu hamonga na awalya wono wena ndigwa ndodo. Zuwali lyo lizuwa lyono lyelile kuli Muwaha Mulungu, holeka mulece kuwa no wukalale. Hambi nyemo yono Muwaha Mulungu komupelenyi, nha yomupelenyi vilungo viwaha.”

Isaya 12:3

Ne wanhu wo Mulungu wasangalalaga lono yawaponya, nha vyono malenga ge mbeho gamusangalazaga mono yena nyhilu mwizuwa likali.”

Isaya 61:10

Yelusalemi yisangalaliye muli zono Muwaha Mulungu yazitumile. Yehwana nha bibi halusi mono yenozeleze yabite ku wutozwe. Mulungu kakondya kuyivwika Yelusalemi mwenda we mhonelo no wusume.

Isaya 61:3

Ho niwasangalaze no kuwapela nyemo wanhu wose wono wali mu Sayuni, wono wali wali mu wusungu no wukalale wawuce mu wukalale, wembe lwimbo lo lukumyo. Kanyhi wawe nhe mibici i mihadikwe no Muwaha Mulungu mweneco. Kanyhi wawe kwituma zo mugoloka. Nayo Muwaha Mulungu ho yakumizywe muli zono yetuma.

Habakuki 3:18

Ane nosangalala no kusecelela vyono Muwaha Mulungu yo muponyi wangu.

Metumo ge Watumwa 10:36

Ayi yo nghani yo Mulungu yono yawategulila iwanhu wa Isilayeli, yakuganula u Luganuzi Luswanu lono lukuleta mulamu muli Yesu Kilisito, mono yo Muwaha wa wose.

Walumi 5:1

Ale, vyono cakondya kunozwa, ho civumilwe hali Mulungu ko wihuwilo, holeka cilamuye nayo mu nzila yo mutwa wetu Yesu Kilisito.

Walumi 5:10

Hambi ase lono cali cikali cili sili nayo, u Mulungu yakacilamulila mu wufwe wo mwanagwe. Naluno vyono cakondya kwilamula no mwene, yili calinze vyono coponywa so wumi wa Kilisito.

Wukumbucize wo Wulajilize 12:12

Mumusangalalile Muwaha Mulungu, nyenye ne wana wenyu, ne wetumami wenyu, ne Walawi wono mwikalane nawo mu makaya genyu, ninga mweze kukumbucila vyono Walawi, wowa wasina yigawo, hamba wuhazi we yisi.

Wukumbucize wo Wulajilize 12:7

Nanye molya no kung'wa ko wusangalale baho hali Muwaha Mulungu, u Mulungu wenyu, mono yamulugutizenyi, no kumupelenyi vinhu viswanu ku walawa mwamulizo wenyu, nyenye hamonga ne wagolece zenyu ne wana wenyu.

Wukumbucize wo Wulajilize 16:11

Musangalalile hali Muwaha Mulungu, u Mulungu wenyu, mwi'zuwa lilyo, hamonga ne wana wenyu we cilume na we cicekulu, ne wetumami wenyu, ne Walawi, ne Wajenzi, hamonga ne wana wono wasina walezi, hamonga ne wacekulu wafwile, wono mwikalane nawo mu makaya genyu. Na zizi zose mweze kuzinozeza i hanhu ha wuhembelo du.

Wukumbucize wo Wulajilize 16:14

Nanye musangalale ne wana wenyu we cilume na we cicekulu, ne wetumami wenyu, ne Walawi, ne Wajenzi, hamonga ne wana wono wasina walezi, hamonga ne wacekulu wafwile wono mwikalane nawo mu makaya genyu.

Wukumbucize wo Wulajilize 27:6

Hambi nha munojeye mumuzenjele Muwaha Mulungu cikumbicilo kwe mabwe gono si masese yaye. Na mu cikumbicilo cico, mumulavizye Muwaha Mulungu makumbiko, ge cilavywa cinyanywe.

Wukumbucize wo Wulajilize 27:8

Mabwe gago gono mowa mwakondya kugakandiliza ne lilongo liswanu, ale, mugandice calinze mu mhelo yayo, zinghani zose zo wulajilize wuwu wo Muwaha Mulungu.”

Wafilipi 3:3

Ne wanhu wono mbeka walame, yo sese, si wawo wene, hambi ase nha cikumuhemba u Mulungu mu nzila yo Muhe wakwe, kanyhi cikuwuwona u lukumyo mu wilunze na Kilisito Yesu. Nase si citumbiye zinghani za munze du.

Wafilipi 4:4

Holeka musecelelele nhondo zose, muli Muwaha! Kanyhi nghutya, Musecelele!

Wakolosayi 1:20

Holeka u Mulungu yadumula nghani kuyilamula yinze no mweneco. U Mulungu yakanoza mulamu mu nzila ye sakami ya Kilisito mu musalaba, holeka yakawa yakondya kuvilamula vinhu vyose no mwene, ivinhu vya mono'nze na vya ku wulanga.