Wukumbucize wo Wulajilize 26:9 - Luganuzi Luswanu Kuli Wanhu Wose 2002

⁹ Yakacileta sunga bahano mono yisi yiyi yono yina moso mwinji.

Wukumbucize wo Wulajilize 26:9 ပူးပေါင်းရင်းမြစ်များ

Zabuli 105:44

Mulungu yakawapela, ne zisi za we makungugo ganji, yakawapela ne migunda ye wanyawusi,

Wutuluce 3:17

Holeka nane nadumula nghani vyono, niwawuse mu yisi yiyo ya Misili, hanhu hono wakuwatendela ko wukali, niwategule ku yisi yono yina moso, hamonga no wumemelecele wo wuswanu wose, yisi ye Wakanani ne Wahiti, ne Waamoli, ne Wapelizi, ne Wahivi, hamonga ne Wayebusi.

Wutuluce 3:8

Holeka aluno nhima ho niwaponye ku wulawa mu miwoko ye Wamisili. Niwawuse mu yisi ya Misili, niwategule sunga ko ku yisi swanu. Yisi yono yina moso, hamonga no wumemelecele wo wuswanu wose, yisi yono aluno wekaye wa Kanani, ne Wahiti, ne Waamoli, ne Wapelizi, ne Wahivi, ne Wayebusi.

Ezekiyeli 20:15

Hamba nhavivyo nane mumo mu nyika, nghehuwiza nha vyono, du, nane si nowategula kanyhi ku yisi yono nali nawapela, yisi ndezi, yono yina moso mwinji, kanyhi yisi swanu muno kuciza zi'si zose.

Ezekiyeli 20:6

Na mwi'daha lilyo, lyo nehuwiziza nha vyono nowawusa ku wulawa mu yisi ya Misili, niwategule ku yisi yono nawahagulila, yisi ndezi yono yina moso mwinji muno, yisi swanu kuciza zi'si zose.

Metumo ge Watumwa 26:22

Ninga u Mulungu yakanhaza, holeka sunga ne zuwalili, nimile cilume-lume, nghuwahomelela wose iwawaha ne wadodo. Sinongaga zinji, langa zizilya du zono wazilonga iwawizi na Musa, vyono zolokwijela,

Wukumbucize wo Wulajilize 26:15

Holeka go Muwaha Mulungu, alu wulanje wulawa hanhu hako hono helile kuko ku wulanga, wuwalugutize wanhu wako Waisilayeli, hamonga ne yisi yiyi swanu muno yono yina no moso mwinji, yono wacipela, nha vyono wawehuwiza walezi wetu.’ ”

Wukumbucize wo Wulajilize 27:3

hanyuma mwandice mu mhelo yago zinghani zose ze malajilizo ne mejizo gaga. Na kolo mwakondya kulilowoka likolongo no kwinjila mu yisi yiyo swanu, kanyhi yono yina moso mwinji, yono Muwaha Mulungu, u Mulungu we walezi wenyu, yakumupelenyi.

Wukumbucize wo Wulajilize 6:3

Holeka mweze ne cihuliko anye nyo Waisilayeli, mugakamise muno malajilizo gakwe! Holeka mowa no wulugutwe, kanyhi mowa nghungugo ye vilungo muno muno. Nanye ho mosuma kwikala mu yisi yono yina moso, nha vyono Muwaha Mulungu, u Mulungu we walezi wenyu yehuwiza.

Yoshuwa 23:14

“Lanjenyi ta, alu lipango lyangu lyo kufwa lyafika. Nanye mumanyile wose mu mitima na mu myuhe yenyu, vyono hasina cinhu cinji co cose, ce ziswanu zose, zono yehuwiza Muwaha Mulungu, u Mulungu wenyu, cono cicepuce. Wihuwizo wakwe wose nha waficilicila. Hasina hamba nghani yono yicepuce.

1 Samwili 7:12

Baho Samwili yakasola yibwe, yakalisimya hagati ya Mizipa na Sheni, yakatya, “U Muwaha Mulungu kacitaza mu nzila yose.” Holeka yakalicemela litagwa lya Ebene-zeli. Nhunizo yayo Libwe lyo wutazi.