Wukumbucize wo Wulajilize 26:6 - Luganuzi Luswanu Kuli Wanhu Wose 2002

⁶ Nawo Wamisili wakacigaza muno, wakacitumya milimo ciwandawanda.

Wukumbucize wo Wulajilize 26:6 ပူးပေါင်းရင်းမြစ်များ

Wutuluce 1:11

Hobaho Wamisili, wakawa kuwawika wemilizi, wono wowetumya wanhu wa Isilayeli, no kuwadindimiza kwituma milimo mizito muno. Ale, Waisilayeli, wakawa kumuzenjela mutemi Falawo makaya ga Pitomu, na Lamesesi, so wuwicila viwutwa vyo mutemi.

Wutuluce 1:14

Wakawapela mikalile yo wusungu muno muno so wituma milimo mikamu kanyhi mizito, yo wunyanya cokaa no wufyatula matofali, hamonga na yo wuzenga makaya gawo, no kulima migunda yawo, hamba kuwawonela lusungu yaye.

Wutuluce 1:16

“Kolo mukwinjila mu mulimo wenyu wo kuwataziliza wacekulu we Cihebelaniya lono wakusawa, muwawulagaje wana wose we cilume wono wakulelwa, langa wana we cicekulu, mulece kuwawulaga yaye.”

Wutuluce 1:22

Nayo Falawo yakawalajiliza wanhu wakwe yakawatya, “Mwana we cilume wowose we Cihebelaniya mono kolelwa, mumutagaje mwi'kolongo lya Nile, langa i wana we cicekulu, muwalekaje mulece kuwawulaga.”

Wutuluce 1:8

Hanyuma yayo, yakenuka mutemi mupya, mono yali si yamumanyile Yusufu hamba nhavi, yakawa mutemi mu yisi yiyo ya Misili.

Wutuluce 5:19

Nawo wanyamhala wali weza kulonjelwa vyono, yiwanojeye wanoze matofali nhondo zose, ge liwalo lililya du, nhe liwalo lyono wanozaga ha lulongozi, hodu wakamanya nha vyono alu langa, weza wali mu wugaye wuwaha.

Wutuluce 5:23

Na ku wulawa nali neza kubita kuli mutemi Falawo, no kumuloloseza zono wanhuma, hodu nayo yakawa kwanza kuwatendela vibi. Nagwe hamba si wanoza cinji ho wuwakomboze!”

Wutuluce 5:9

Holeka muwetumyaje kwa vilungo muno, wawe mu mulimo mu mapango gose, ho walece kutuga kanyhi cilejeho co kuhuliciziza zinghani zo wulambi.”

Wuwale 20:15

na vyono walezi wetu wabita kuko ku Misili, i hanhu hono cekala myaka minji muno muno. Na vyono Wamisili wawagaza muno walezi wetu, sunga na sese wose.

Wukumbucize wo Wulajilize 26:7

Nase cikamulilila Muwaha Mulungu, u Mulungu we walezi wetu, yacipele wutazi, nayo yakacihulika, yakawona na vyono cikugazwa muno, na vyono cikwitumywa muno, na vyono cikwiwonelwa ne Wamisili.

Wukumbucize wo Wulajilize 4:20

Ninga anye muli wanhu mono mwawuswa ku Misili, mwi kongojelo lyono likwaka moto mukali. Yakamuletenyi, ho yamunozenyi muwe wanhu wakwe, nha vyono mwinha izuwali.