Wukumbucize wo Wulajilize 22:4 - Luganuzi Luswanu Kuli Wanhu Wose 2002

⁴ “Na hono muyiwone ndogowe hamba ng'ombe yo Mwiisilayeli muyenyu yigwiye hasi, mulece kuyileceleza, langa mumutazaje, muyinule, muyimye viswanu.

Wukumbucize wo Wulajilize 22:4 ပူးပေါင်းရင်းမြစ်များ

Matayo 5:44

Ninga ane nghumutyenyi, ‘Muwendaje iwalugu wenyu, kanyhi mweze kuwalombela wono wakumugazenyi nyenye,

Walumi 15:1

Ale, holeka ase mono cili vilungo mu wihuwilo wetu, yicinojeye ciwataze wono wasoceye mu wihuwilo, ho wasume kulewana no wusocele wawo. Cilece kwiyendeza sese weneco du.

2 Wakolinto 12:15

Ane nyendezwe muno nitumile cono nina naco, sunga ko ku wilavizya lukulu nene no mweneco, ku soko ye cambuzi ce zinhumbula zenyu. Alu hongo monyenda hadodo, vyono ati'ne nimwendilenyi anye muno muno?

Wukumbucize wo Wulajilize 22:3

Mweze kunoza nhavivyo kuli vinhu vyose vyono mowa kuviwona, hono yiwe ndogowe, hamba citema co mwenda, hamba ciwe cinhu cocose du cono Mwiisilayeli muyago kowa yajilize.

Wukumbucize wo Wulajilize 22:5

“Iwacekulu, walece kuvwala myenda ye cilumelume, hamba nawo i walume, walece kuvwala myenda ye cicekulu. Hambi Muwaha Mulungu, u Mulungu wenyu, nha si yakwendezwa ne wanhu wono wakwituma zono zinha zizi.

1 Watesalonike 5:14

Kanyhi cikumunenenyi wandugu zangu, muwafundaje i wanhu wadoba, muwasinyhimikaje we zinhumbula zinyoga, muwebatilizaje wono wasoceye, kanyhi mweze na ngola kuli wose.