Wukumbucize wo Wulajilize 20:4 - Luganuzi Luswanu Kuli Wanhu Wose 2002

⁴ Hambi Muwaha Mulungu, u Mulungu wenyu, nha yali hamonga nanye, yo komulewelenyi no kumupelenyi wusume.’

Wukumbucize wo Wulajilize 20:4 ပူးပေါင်းရင်းမြစ်များ

1 Zinghomo 14:15

Nagwe kolo wukulihulika lizi lilawiliye ku visonje vye mibici, kotya wanhu wakujenda, hobaho wuwahungucilaje Wafilisiti wuwahome, hambi ane nha nowa nghulongoleye kumwande yako, niwasume lipuga lye wasilikale we Wafilisiti.”

2 Zinghomo 13:12

Kanyhi ase co wayenyu, u Mulungu yo mutonji wetu, ne wakohani wakwe wali baha cina nawo, wena ne zindulele, wewikanize wazitowe, ho waciceme cinjile mu milewo yo kwihoma nanye. Holeka anye nyo wanhu wa Isilayeli, mulecele lukulu kwihoma no Muwaha Mulungu, u Mulungu we walezi wanyu! Ninga hamba nhavivyo, si mosumila lukulu!”

Wutuluce 14:14

Muwaha Mulungu mweneco yo komulewelenyi, nanye mowa munyamaye twii, hamba kunoza cinji yaye.”

Walumi 8:37

Ninga muli zizi zose, cikutuga wusume wuwaha muno, ko wutazi wakwe mwene mono yacenda.

Wukumbucize wo Wulajilize 1:30

Hambi Muwaha Mulungu, u Mulungu wenyu, nha yo komutonjenyi, kanyhi yo komulewelenyi, nha vyono mwaziwona zono yazinoza ku Misili,

Wukumbucize wo Wulajilize 11:25

Ne hanhu ho hose hono mowa kukolela mu yisi yiyo, u Muwaha Mulungu, u Mulungu wenyu, kowanoza wanhu wose wamogopenyi, nha vyono yehuwiza. Kanyhi howa hasina hamba munhu mono kosuma kwijelela hali'nye, yamwimilenyi.

Wukumbucize wo Wulajilize 3:22

Holeka mulecele lukulu kuwogopa, hambi Muwaha Mulungu, u Mulungu wenyu, nha yo komulewelenyi.’

Wukumbucize wo Wulajilize 31:6

Mweze ne vilungo ne nhumbula yo wutung'ati, mulece kuwa no woga hamba kuwogopa yaye. Hambi Muwaha Mulungu, u Mulungu wenyu, nha yali hamonga nanye, si komucepucilenyi, hamba si komulecenyi yaye.”

Wukumbucize wo Wulajilize 32:30

Hamba kumanya vyono wali wanhu elufu monga, ninga munhu monga du kawasuma. Na wanhu elufu yikumi wasumwa na wanhu wejete du? Muwaha Mulungu, u Mulungu wawo, yakondya kuwaleka, Mulungu wawo we vilungo, yakondya kuwagumila.

Yoshuwa 10:11

Na lono Waamoli watizaga ha mwande ye Waisilayeli, akuno wakumangha, wakutimila ku Bete-holoni, Muwaha Mulungu yakawagumilila mvula mbaha ye mabwe, yono yikawatonyela nzila yose sunga ko ku Azeka. Wenji muno wono wawulagwa ne mvula yiyo, kuciza na wono wawulagwa ne Waisilayeli.

Yoshuwa 10:42

Yoshuwa yakawasuma i watemi wawa hamonga ne matumbi gawo, mwipango lililya du, hambi u Muwaha Mulungu, u Mulungu we Waisilayeli nha yo yawalewela Waisilayeli.

Yoshuwa 23:10

No munhu yumonga wa muli nyenye, kosuma kuwawinga wanhu elufu monga. Hambi Muwaha Mulungu, u Mulungu wenyu, nha yo yakumulewelenyi, nha vyono yehuwiza.

1 Samwili 14:23

Wakawahomanga nzila yose, sunga wakawafisa ko ku Betehaveni. Muwaha Mulungu yakawaponya Waisilayeli mwi'zuwa lilyo.