Wukumbucize wo Wulajilize 2:8 - Luganuzi Luswanu Kuli Wanhu Wose 2002

⁸ “Nase cikajendelela no muhinzo wetu, cikayileka balabala yono yibitile mu makaya ga Elati na Eziyoni-gebeli sunga ko kwi'lenga lyo mwino. Cikawa kubita ku lubavu lwe sumuka ye cilima, cilanjile ku Mowabu.

Wukumbucize wo Wulajilize 2:8 ပူးပေါင်းရင်းမြစ်များ

Mwamulizo 25:23

Nayo u Muwaha Mulungu yakamutya, “Munda yako, mogali makungugo mejete, Nazo zizo zimbeyu zi nyejete zono zolelwa nagwe, zokwitemanuka. Likungugo linji lyowa na vilungo kuciza liyagwe, u Muwaha komwitumamila u mudodo.”

1 Watemi 9:26

Mutemi Solomona, kanyhi yakanoza ngalawa ku Eziyoni-gebeli, yono yili behi na Eloti ha mhwani ya Agaba, mu yisi ya Edomu.

2 Watemi 14:22

Nayo Azaliya, lono sogwe yali yakondya kufwa, mwene yakayihoma no kuyisuma kanyhi Elati no kuyizenga kanyhi no kuyigomola ku Yuda.

2 Watemi 16:6

(Na mu vilo vivyo mutemi wa Edomu yakalisola likaya lya Elati, yakawawinga i Wayuda wose wono wekalaga mumo. Ne Waedomu wo wakenjila no kwikala mumo mu Elati sunga nalu.)

Wuwale 21:4

Nawo Waisilayeli, wakawa kutuluka ku wulawa he 'tunda lya Holi, wakatyatya balabala yono yibitile ku Agaba, ho wayipilime yisi ye Waedomu. Ninga mumo mu nzila, wanhu wakatimba muno muno so mujendo,

Wuwale 33:35

Wakajenda muhinzo wulawa Abilona, wakasita nghambi yawo ha Eziyoni-gebeli.

Wukumbucize wo Wulajilize 1:1

Mu citabu cici, mo mozili zinghani zono Musa yawalonjela wanhu wa Isilayeli lono wali wali mu nyika, kucilima ye likolongo lya Yoludani. Lulo, wali wali mwi'lolo lya Yoludani behi na Sufi, haciligati ye likaya lya Palani. Makaya ga Tofeli, Labani, Hazeloti, na Dizahabu, gali gali ku lubavu luyagwe.

Walamuzi 11:18

Nawo wali weza kulawa baho, wakajendelela no muhinzo wawo, wakakolela mu nyika, wakuyipilima yisi ya Edomu ne yisi ya Mowabu, wakabita sunga ko ku lubavu lwa kucilima, ye yisi ya Mowabu, ku lubavu luyagwe lwe likolongo lya Alinoni. Wakayisimya nghambi yawo kuko, ninga si walilowoka likolongo lya Alinoni yaye. Hambi nha wali wo mupaka wa Mowabu.