Wukumbucize wo Wulajilize 2:7 - Luganuzi Luswanu Kuli Wanhu Wose 2002

⁷ “Ninga mukumbucile vyono Muwaha Mulungu u Mulungu wenyu yamulugutizenyi mu milimo yenyu yose, yono mwakondya kwituma. Kanyhi na vyono yamukamisenyi lono mwapilimagapilimaga mu nyika yiyi. Na vyono yali yali hamonga nanye mu myaka yiyi makumi mane, kanyhi yakamupelenyi na vyose vyono mwasakaga.

Wukumbucize wo Wulajilize 2:7 ပူးပေါင်းရင်းမြစ်များ

Mwamulizo 12:2

“Nane nokunoza wuwe yikungugo yiwaha muno muno, kanyhi nokulugutiza, nane nolinoza litagwa lyako limanyice muno, nagwe wuwe wumoti.”

Mwamulizo 24:35

Nayo u Muwaha Mulungu, yamumotizye muno muno yuyo muwaha wangu, kanyhi yamugolifye muno muno. Nayo kanyhi yo munhu mutambule muno. Nayo u Muwaha Mulungu yamupeye ngholo, ng'ombe, mapesa, zahabu, ngamiya, ndogowe, sunga ne wetumami we cilume na we cicekulu!

Mwamulizo 26:12

Nayo Isaka yakazihadika zimbeyu mu yisi yiyo, na mu mwaka wuwo yadudula ko winji muno muno. Nayo u Muwaha Mulungu yakamulugutiza,

Mwamulizo 30:27

Ninga Labani yakatya, “Ale, leka ta, nane nonje. Ane nakondya kugubulilwa, no kumanya, vyono Muwaha Mulungu kandugutiza ku soko yako gwegwe.

Mwamulizo 39:3

Nayo muwaha wakwe, yakatanga vyono Muwaha Mulungu yali hamonga na Yusufu, na vyono Mulungu yo yakuvimotesa vyose vyono Yusufu yakuvituma.

Mwamulizo 39:5

Na ku wulawa lono Potifa yamunoza Yusufu yo yawe mulanjilizi we nyumba yakwe yose, kanyhi yawe mulanjilizi we sawo yakwe yose, Muwaha Mulungu, yakayilugutiza muno kaya yiyo ya yuyo Mumisili, ku soko ya Yusufu. Muwaha Mulungu, yakavilugutiza vinhu vyose vyono yali yena navyo Potifa, mu kaya yakwe hamba ku mugunda.

Nehemiya 9:21

Mu myaka makumi mane yono wene wapilimaga mu nyika, wawapela visakwa vyawo vyose. Sunga ne myenda yawo si yasakala, ne migulu yawo hamba si yavimba so mawine go kujenda.

Jobu 23:10

Ninga hamba nhavivyo, Mulungu yazimanyile zinghanzo zangu. Na hono yananje, kombona sina masutya.

Zabuli 1:6

Hambi Muwaha Mulungu, nha kawatongaga we ling'ani, ninga iwanhu wabi, imikalile yawo yowongomeza.

Zabuli 107:4

Wanji wakapilima-pilima, caka mwi'hala na mu nyika, hamba kufika ku kaya yo wikalo.

Zabuli 31:7

Nosangalala, no kulusecelelela lusungu lwako, agwe nha kuwuwona wugaye wangu, kuwumanya no wugazice wangu.

Zabuli 90:17

Gwe Muwaha Mulungu, go Mulungu wetu, wuciwonele lusungu wucipele cambuzi muli zose, zono cikwituma.

Wutuluce 16:35

Waisilayeli wayilya yiyo mana mu myaka makumi mane, sunga wakafika mu yisi ya Kanani.

Yelemiya 2:2

niyiganule nghani yiyi kuli wanhu wose wono wekaye mu Yelusalemi niwatye, Muwaha Mulungu yakutya nhavi, “Ane nghumbuciye vyono, lono wali wukali mudodo, wali wuli mwihuwilwa muno, na vyono lono cepogozeza ane na agwe, wali wunyendile muno. Hambi nha wanhyatya, cikakola wose mu nyika mu yisi yono yali yikali hamba nahadikwa cinji.

Hoseya 13:5

Nane nghamudimenyi mu yisi nghavu ya mu nyika.

Amosi 2:10

Nane nghamuwusenyi mu yisi ye Misili, nghamutonjenyi mu nyika myaka makumi mane, kanyhi nghawa kumupelenyi ne yisi ya Waamoli yiwe yisi yenyu.

Wuwale 1:1

Mwi'zuwa lilongozi lya mu mwezi we kejete, wa mu mwaka we kejete, ku wulawa lizuwa lyono Waisilayeli wawucila ku Misili, Muwaha Mulungu yakalongana na Musa, mwi 'Hema lyakwe lyono Lyelile, lono yali yali mu nyika ya Sinayi. Muwaha Mulungu yalonga yakatya,

Wuwale 14:33

Ne wana wenyu nawo, woyegayega mumuno mono nyika yiyi myaka makumi mane, hamonga ne magayo, ku soko yo wula wihuwilwa wenyu, sunga kolo yafwiza u muyenyu we ndumilizo.

Wuwale 14:34

Nanye motuga magayo ku soko yo wubi wenyu, mu myaka makumi mane. Nayo yowa, mwaka monga wukwinjila mwi'zuwa limonga, lya mu vilo vivilya makumi mane vyono mwetumamila, lono mwayitandilila yisi. Nanye ho mosuma kumanya i cambuzi co kunema 'ne!

Wuwale 22:12

Nayo Mulungu yakamulonjela Balamu yakatya, “Gwe Balamu, wulecele lukulu kubitana ne wanhu wawa ye, hamba wulece kuwalijita i Waisilayeli, hambi 'ne nha nakondya kuwalugutiza.”

Wuwale 32:13

Muwaha Mulungu yakawakolelwa likuwo muno muno wanhu, sunga yakawaleka wayegale ako na ako du mu nyika myaka makumi mane, sunga lulelo lu lulya lose lono si lukamwendeza, wakafwa wose.

Luka 22:35

Yesu yakawawuza wejizwa wakwe yakutya “Lululya lono nghamutumenyi mwali musina mufuko wa mapesa, hamba mukoba, hamba malatu, wulenyi, mwanjila cinji?” Wakatya, “Ng'o.”

Yohana 10:27

Izingholo zangu zikuwa kulihulika ilizi lyangu, nane nizimanyile, nazo zinhyatyaga.

Wukumbucize wo Wulajilize 1:19

“Nase ciketuma nha vyono Muwaha Mulungu, u Mulungu wetu, yali yacilajilize. Cikawuka he 'tunda lya Holebu lyono likucemwa Sinayi, cikajendelela no muhinzo wetu, cikakolela mu nyika yiyilya mbaha yo kogofya, cikajendelela, sunga cikafika mu yisi ye matunda yisi ye Waamoli. Nase cali ceza kufika ha Kadeshi-balineya, nghamulonjelenyi nghatya,

Wukumbucize wo Wulajilize 1:46

“Na lono cali cekala baho ha Kadeshi vilo vinji muno muno,

Wukumbucize wo Wulajilize 2:14

Na mwi'pango lili, yali yakondya kuficila myaka makumi madatu na munana, ku wulawa lono cawucila ku Kadeshi-balineya. Ne vitung'ati wo wulugu wo lulelo lulo, wose wali wakondya kufwa, nha vyono Muwaha Mulungu yalonga, vyono wose wolowa wafwa.

Wukumbucize wo Wulajilize 2:6

Ninga anye mosuma kugula ndigwa hamba malenga kuli wene.

Wukumbucize wo Wulajilize 29:4

Ninga sunga nalu, Muwaha Mulungu si yamulecenyi mumanye zono zamwijelelenyi kuko ku Misili.

Wukumbucize wo Wulajilize 29:5

Nayo Muwaha Mulungu, yakamutonjenyi mu nyika myaka makumi mane, ninga, i myenda yenyu hamba malatu genyu, si vyasakala yaye.

Yoshuwa 5:6

Nha vyono Muwaha Mulungu yakelahiza vyono, sikolowakombolela lukulu wenjile mu yisi yiyo, yono yina wugoli no moso so vilimwa, nha vyono yali yawehuwiza i walezi wawo.