Wukumbucize wo Wulajilize 2:5 - Luganuzi Luswanu Kuli Wanhu Wose 2002

⁵ Ninga anye mwilanjililaje, mulecele lukulu kwihoma nawo. Hambi ane, nha si nomupelenyi yaye, hamba hanji ho hose mu yisi yawo, hambi yisi ya Edomu nha niwapeye we ndelo ya Esawu.

Wukumbucize wo Wulajilize 2:5 ပူးပေါင်းရင်းမြစ်များ

Mwamulizo 36:8

Holeka Esawu yakabita kwikala mu yisi ye matunda ga Seyili. Litagwa linji lya Esawu, yo Edomu.

Mwamulizo 36:9

Awa wono wetyatizye, zo ndelo za Esawu u sogo ye Waedomu, mu yisi ye matunda ga Seyili.

Yelemiya 27:5

“Mumanye vyono yo nene mono nayiwumba yinze kwe vilungo vyangu, hamonga no munhu, ne vilimu vyose vyono vikaye mono'nze. Nane nimupelaga munhu wo wose nha vyono nyendile nene no mweneco.

Ezekiyeli 35:2

“Gwe go munhu, wuyilonjelaje yisi ya Edomu.

Danyeli 4:25

Kolowingwa mu wikalana ne wanhu wayago, kolokwikalana ne malimu. Nagwe kolowa kulya mahanze nhe zing'ombe, kanyhi kolowa kugona mwi'hala caka, kono wubuhe wono wukulawa ku wulanga, wowa kukugwila sunga yipulute myaka mupunghati. Baho nagwe ho kolomanyila vyono, u Mulungu Mono Yalawiliciye yo yatemile mu wutemi wose wa mu wanhu. Kanyhi na vyono yo yadahile kumupela wutemi munhu wo wose mono mwene komuhagula.

Danyeli 4:32

Nagwe kowinjilwa lukulu muli wanhu, wukekale ne vilimu vya mu mbago, kanyhi kowa kulya mahanze kotya ng'ombe sunga yipulute myaka mupunghati. Baho nagwe ho komanyila vyono, u Mulungu Mono Yalawiliciye, yo yatemile mu wutemi wose wa mu wanhu, kanyhi na vyono yo yadahile kumupela wutemi munhu wo wose mono mweneco komuhagula.”

Metumo ge Watumwa 17:26

Mu wulawilila mo munhu yumonga, mo yanozeza imakungugo gose ge wanhu, gekale kono'nze kose. Lono yali yakondya kuwawicila mapango gono yali yalamuye na katali muno, vyono hayi na nili, hono makungugo gago gokwikala.

Metumo ge Watumwa 7:5

Hamba u Mulungu si yamupela hanhu hanji ho hose mu yisi yiyi, hawe sawo yakwe ng'o. Ninga hamba nhavivyo, yamwihuwiza vyono komupela yisi yiyi yiwe yakwe, na yo lulelo lwakwe hanyuma yo mwene, hamba yiwe mu cipango cico, yali yakali yasina mwana.

Wukumbucize wo Wulajilize 2:22

Nayo Muwaha Mulungu, yakawanozeza nhavivyo sunga ne Waedomu i wana wa Esawu, wono wekaye mu yisi ye matunda ya Edomu. Muwaha Mulungu yakawongomeza Waholi, i Waedomu ho wayisole yisi yawo no kwikala mumo, nawo wakali wekaye mumo sunga nalu.

Wukumbucize wo Wulajilize 2:6

Ninga anye mosuma kugula ndigwa hamba malenga kuli wene.

Wukumbucize wo Wulajilize 32:8

Muwaha Mulungu mono yalawiliciye muli vyose, yuyo yo yawagawila zi'si makungugo gose. Yakawagawila wanhu no wikalo wawo. Mwene yawawicila mipaka, mu nghango ye liwalo lye wanhu wo Mulungu.

Yoshuwa 24:4

na muli Isaka, nghamupela Yakobo na Esawu. Nghamugawila Esawu yisi ya mu matunda ya Edomu, ho wuwe wuhazi wakwe, ninga u mulezi wenyu Yakobo hamonga ne wanagwe, wakabita ku Misili.