Wukumbucize wo Wulajilize 2:34 - Luganuzi Luswanu Kuli Wanhu Wose 2002

³⁴ Na mwi'pango lilyo du, cikagateka no kugongomeza makaya gose, kanyhi cikawawulaga wanhu wose i walume ne wacekulu, ne wana wawo wose. Nase si camusigaza munhu hamba monga mono yekala mumi.

Wukumbucize wo Wulajilize 2:34 ပူးပေါင်းရင်းမြစ်များ

Wukumbucize wo Wulajilize 3:6

Ninga nase cikagongomeza makaya gose gose, kanyhi cikawawulaga ne wanhu wose walume, hamonga ne wacekulu, ne wana wawo. Cikanoza nha vyono caganozeza makaya gono yali yagatemile mutemi Sihoni wa ku Heshiboni.

Wukumbucize wo Wulajilize 7:2

Na kolo Muwaha Mulungu, u Mulungu wenyu, yakumukombolelenyi wanhu wawo mu miwoko yenyu, nanye kolo mwakondya kuwasuma, munojeye muwongomezeze lukulu. Mulecele lukulu kwilumbaniza nawo, hamba mulece kuwawonela lusungu.

Wukumbucize wo Wulajilize 7:26

Kanyhi, mulecele lukulu kuvisola vivyo vihwani vye milungu viseswe, no kuvileta mu zikaya zenyu. Hono munoze nhavivyo, u wulijitwe wono wuli muli vyene, womuwuyilenyi nyenye. Holeka, munojeye muyikomale no kuyinyalaha, milungu yiyi ye vihwani viseswe, hambi nha vili mu wulijitwe wo Muwaha Mulungu.”

Yoshuwa 10:28

Mwizuwa lilyo, Yoshuwa yakayihoma Makeda hamonga no mutemi wayo yakayiteka. Yakawawulaga wanhu wose wa mwikaya, si yasigala munhu hamba monga. Yakamutendela u mutemi wa ha Makeda, nha vyono yamutendela u mutemi wa Yeliko.

Yoshuwa 10:40

Yoshuwa yakayisuma yisi yose. Yakawasuma i watemi wa mu yisi ya mu matunda na ku nhenenhuko yo lubavu lwa kucilima, na wa mu mwalambalo we matunda, ku lubavu lwa kumwezi. Hamonga na wa ku yisi nghavu, ya ku lubavu lwa kutakama. Namo mumo, yakawawulaga wanhu wose siyasigaza munhu hamba monga. Hambi Muwaha Mulungu, u Mulungu we Waisilayeli, nha vyo yali yalajiliza.

Yoshuwa 11:14

Wanhu Waisilayeli, wakasola vinhu vyose hamonga ne mitugo mu makaya gaga, wakaviwika viwe sawo yawo weneco. Ninga langa, wakawawulaga wanhu wose, hasina hamba yunji mono yasigazwa mumi.

Yoshuwa 6:21

Wakawawulaga wanhu wose kwe mimaje, walume ne we cicekulu, wadodo ne wakombi sunga ne zimitugo, zingholo ne zindogowe ne zing'ombe.

Yoshuwa 7:11

Isilayeli lu, wakondya kwituma wubi! Kanyhi wakondya kubena ne cilagane cangu cono nawalonjela webate. Hambi nha wasola vinhu vyo mwiko, vyono vyawagwa ho vyongomezwe, wakondya kuhiza, wavihundika no kuviwika hamonga ne vinhu vyawo.

Yoshuwa 9:24

Nawo Wagibeyoni wakamupitula wakamutya Yoshuwa. “Gwe muwaha, na mbeka ase canoza zizo vyono cali cakondya kumanya, vyono, Muwaha Mulungu, u Mulungu wenyu, yali yakondya kumulajiliza u mwitumami wakwe Musa, kumupelenyi yisi yiyi yose. No kuwawulaga wanhu wose i wekazi wa mumo, nha vyono mowa kucila kujendelela kubita ku mwande. Holeka nase cetuma nhavivyo, hambi nha cali kumogopenyi muno so wumi wetu.

1 Samwili 15:3

Holeka alu, wubite wukawahome Waamaleki, wuvyongomezeze lukulu vinhu vyawo vyose. Wulece kusigaza cinhu hamba cimonga, langa wuwawulagaje i walume wose, ne wacekulu wose, ne wana wadodo, ne wana wose wagalika, hamonga ne zing'ombe zose, ne zingholo zose, ne zingamiya zose, sunga ne zindogowe zose.”