Wukumbucize wo Wulajilize 17:8 - Luganuzi Luswanu Kuli Wanhu Wose 2002

⁸ “Hanji, zidahile kwijela nghani zono nghamu muno, ku wulamulwe na wawo walongola. Holeka nghani ze liwala lilyo, nha vyono lunji wuhazi wa sawo, hamba witula mazeya, hamba lunji nghani zo wiwulaji. Muli zizi kolo zejela, munojeye mubite ha wuhembelo, i hanhu hono Muwaha Mulungu, u Mulungu wenyu yahahagula.

Wukumbucize wo Wulajilize 17:8 ပူးပေါင်းရင်းမြစ်များ

2 Samwili 15:2

Nayo Abusalomu yenukaga hakali mitondo muno, muno kawa kubita kwikala mu balabala behi no mulango wo kwinjilila mwi'kaya. No munhu wo wose mono yazaga yena nghani, ho viwone no mutemi yamulamule, mwene Abusalomu yamucemaga no kumuwuza ho yamanye vyono munhu yuyo yo we 'kayaci. Nayo munhu yuyo kolo yamulonjela ze 'kaya ya hayi ya Isilayeli kono yakulawilila.

1 Zinghomo 26:29

Na mu wana wa Izihali, Kenaniya hamonga ne wanagwe, wo wapegwa mulimo wo kuwika vikumbucizo vye zinghani, hamonga no wuling'anizi muli Waisilayeli.

Wutuluce 18:15

Nayo Musa yakamupitula mukwewe yakatya, “Alu wanhu nha wakunyiziza no kuwuza zo wuhile wo Mulungu.

Wutuluce 18:26

Nawo wawo wo wawalamulaga wanhu nhondo zose, langa zinghani zinghamu du, zo wakamuletela Musa, ninga zindodo, wakazilamula weneco kuko du.

Wutuluce 21:20

“Na hono munhu yamutowe mwitumami wakwe we cilume, hamba we cicekulu, ne nghome, no kumuwulaga, munhu yuyo yanojeye yalipicizwe.

Wutuluce 21:22

“Nawo walume wanji hono wawe wakwitowa, hanyuma wamutamise mucekulu mono yali wimo wunji, ne 'nda yakwe yilawe, ninga yawe yasina mawine ganji, ale yuyo mulume mono yamutamise, kolipa malipo nha vyono kotemya u munya mugolece yuyo, hamonga ne walamuzi.

Wutuluce 21:28

“Hono ng'ombe yimutowe munhu ne lihembe sunga yimuwulaje, ng'ombe yiyo nayo yiwulagwe mu nzila yo kutowa ne mabwe, ne nyama yayo yilece kuligwa yaye. Ninga munya ng'ombe yiyo, yalece kulipicizwa yaye.

Wutuluce 22:2

Muhizi hono yebatwe yakubena nyumba, nayo ho yatowe sunga yafwe, yuyo mono yamuwulaje hamba si kowa ne lisutya yaye lyo wuwulaji.

Wutuluce 22:8

Ninga hono muhizi yalece kwijela, yuyo munya kaya yimunojeye yelahize hali Mulungu, yakangaze vyono mwene yali musina mumo mu wuhizi we zisawo zo muyagwe.

Ezekiyeli 44:24

Na hono wijele wiwanganile wowose muli wanhu, ale, wakohani wowozilamula mu wulunji we malajilizo gangu. Kanyhi yiwanojeye webate ne vilo vye zisikukuu ze cidini hamonga no wityatye wayo, na vyono winha wulajilize wangu, hamonga no kunozeza Sabato zangu.

Hagayi 2:11

Yakatya, “Wuwawuzaje ta Wakohani wulajilize vyono wukutya mu nghani ayino.

Malaki 2:7

Yinojeye wakohani wejize mafundo ge mbeka go Mulungu. Wanhu ho wabite kuli wene, wakelanjize wuhile wangu, hambi wene nha wetumami wo Muwaha Mulungu we mihanga.

Wuwale 35:11

ale mugawagule makaya ganji gawe so wutizizo, hono munhu yawulaje yunji mhalanyuka, ho yasume kutiziza mumo no kwiponya.

Wuwale 35:16

“Na hono munhu yetumamile citwalo ca cuma

Wukumbucize wo Wulajilize 1:17

Mulanjilile mulece kulamula ko wuhijilambejele, langa mweze kuwalamula wanhu wose ko muling'ano, mulece kulanga vyono ayu nani, hamba ayo nani. Mulece kumogopa munhu wowose, hambi u wulamuzi wono mowa kuwunoza, nha wukulawa kuli Mulungu. Ne nghani yoyose yono moyiwona nghamu kuli'nye, mundetelaje nene, nane no mweneco noyilamula.’

Wukumbucize wo Wulajilize 12:11

Nayo Muwaha Mulungu, kokwihagulila mweneco, i hanhu hono mosuma kumuhembela. Na kanyhi hanhu baho, ho mowa kumulavizya vilavywa vyenyu vyose, nha vyono nghamulajilizenyi. I vilavywa vyenyu vinyanywe, ne makumbiko ganji ganji, ne zaka zenyu, hamonga ne vilavywa vinulwe vyono nyenye nyo weneco mwehuwiza nha vyono momulavizya Muwaha Mulungu.

Wukumbucize wo Wulajilize 12:14

Langa yinojeye wose mulavizye hanhu hamonga du, i hanhu hono Muwaha Mulungu kohahagula, mu wulawa mu yisi monga ya muli zi'si ze milango yenyu. Ne hanhu baho, ho mowa kulavizya makumbiko genyu ge vilavywa vinyanywe, no kwitumila zinji zose zono namulajilizenyi.

Wukumbucize wo Wulajilize 12:5

Ninga Muwaha Mulungu, kohagula hanhu hamonga du mu yisi yose, i hanhu hono i wanhu wose we milango yenyu yose, mowa kumubitila no kumuhemba.

Wukumbucize wo Wulajilize 19:17

Wanhu wawo, u musitakwa hamonga na mono yakumusitaka muyagwe, wose vyono wejete, wategulwe i hanhu ho wuhembelo, ho walamulwe ne wakohani, hamonga ne wanyamhala wono wowa wali baho mu vilo vivyo.

Wukumbucize wo Wulajilize 19:4

Na hono munhu yamuwulaje muyagwe mhalanyuka, mono si mulugu wakwe, kosuma kutiziza mwa linji lya muli makaya gaga madatu, ho yeponye.

Wukumbucize wo Wulajilize 21:5

Nawo wakohani Walawi wanojeye weze wali baho. Hambi nha wowanojeye walamule zinghani zo wuwulaji. Hambi Muwaha Mulungu, u Mulungu wenyu nha yawahagula wamwitumamile no kulavizya wulugute mwi'tagwa lyakwe.

Wukumbucize wo Wulajilize 25:1

“Na hono Waisilayeli wejete wawe wakwisoka nghani, nawo kolo wakubita mu mahakama, na kuko yunji yejele yena masutya, no muyagwe yejele vyono yasina masutya.