Wukumbucize wo Wulajilize 17:7 - Luganuzi Luswanu Kuli Wanhu Wose 2002

⁷ Ne wahomelezi weze wo walongozi wo kumugumilila mabwe, hanyuma wanji nawo ho watyatye, wamugumilile munhu yuyo mabwe. Na mu nzila yiyi, mo kowuwusiza wubi wuwu.

Wukumbucize wo Wulajilize 17:7 ပူးပေါင်းရင်းမြစ်များ

Walawi 24:14

“Musolaje munhu yuyo, wumutegule kunze ye nghambi. Ne wanhu wose wono wamuhulice vyono yakutovula, wabite wakajelece miwoko yawo mu mutwe wakwe, wuwe wo wuhomelezi vyono munhu yuyo kanoza masutya. Hanyuma, mhuga yose ye Waisilayeli, wamutowanje ne mabwe sunga yafwe.

Yohana 8:7

Waza kucila kumuwuza, Yesu yakenuka yakawatya, “U munhu mono yasina wubi muli nyenye yo yaweze mulongozi kumugumilila libwe.”

1 Wakolinto 5:13

Ale mumuwinjilaje kutali muli'nye yuyo u munhu mubi!

Wukumbucize wo Wulajilize 13:10

Mumutowanje ne mabwe sunga yafwe. Hambi nha yali kusaka kumupatusenyi, ho muyilece nzila yo Muwaha Mulungu, u Mulungu wenyu, mono yamuwusenyi ku wulawa ku Misili, yakamukombozenyi mu wulawa mu wawanda.

Wukumbucize wo Wulajilize 13:5

No muwizi yuyo hamonga no mulolosi we zindoto, awo wanojeye wawulagwe, vyono wakujela kumunozenyi ho mumubedegale Muwaha Mulungu wenyu, mono yamuwusenyi ku wulawa ku Misili, yakamukombozenyi mu wulawa mu wuwanda. Kanyhi wakujela kumukwejenyi ho muyilece nzila yo wumi, yono Muwaha Mulungu wenyu, yamulajilizenyi muyityatye. Holeka wanhu we liwala lilyo, mbeka wanojeye wawulagwe. Na mu nzila yiyo, mo mowuwusiza u wubi muli'nye.

Wukumbucize wo Wulajilize 13:6

“Hamba yawe nduguyo, u mwana wo nyina yako, hamba mwanago we cilume hamba we cicekulu, hamba yawe mugolece wako u mwendece wako, hamba mwiyendi muyago mono mwiyendile nayo muno muno, hono yejele vyono yakusaka yakukwejeleze cinyele ho wuyihembe milungu yinji, i milungu yono nyenye nyo weneco, hamba walezi wenyu si mwayihemba hamba kamonga,

Wukumbucize wo Wulajilize 13:9

Mbeka munhu yuyo yawulagwe! Kanyhi agwe go mweneco yo weze wuli mulongozi wo kumutowanga ne mabwe, hanyuma wanji nawo ho watyatye, wamutowanje ne mabwe.

Wukumbucize wo Wulajilize 17:12

Na mono kokwijelela yabedegale zono yalonjeywe no mulongola, hamba no mukohani mono yali baho yakumwitumamila Muwaha Mulungu, munhu yuyo yawulagwe. Na mu nzila yiyi, yowa yo nzila yo kuyiwusiza nghani yiyo 'mbi, muli Isilayeli.

Wukumbucize wo Wulajilize 19:19

munhu yuyo yapegwe wulipicizwe wu wulya wono yali yalipicizwe yuyulya mono yali yasitakwa. Na mu nzila yiyo, yo kowuwusiza u wubi we liwala lilyo.

Wukumbucize wo Wulajilize 21:21

Nawo i wanhu we cilume wa mwi'kaya, wasole mabwe wamutowanje sunga yafwe. Nanye holeka mosuma kuwuwusa wubi wuwu. Ne wanhu wose i Waisilayeli, wozihulika zizi zono zijeye, holeka nawo wotuga woga.”

Wukumbucize wo Wulajilize 22:21

ale, wamusole muhinza yuyo wamuwice ha mulango, hanze ye kaya yo sogwe. Ne walume wa mwi'kaya lilyo, wamutowanje ne mabwe sunga yafwe. Hambi nha kanoza nghani ya cevu ciwaha mu wanhu wetu, so wumanya walume lono yakali natolwa, kanyhi yakali yekaye mu nyumba ye walezi wakwe. Na mu nzila yiyi vyo kowuwusa u wubi muli nyenye.

Wukumbucize wo Wulajilize 22:22

“Na hono mulume yebatwe yagonile no mucekulu wo muyagwe, wose vyono wejete wawulagwe. Na mu nzila yiyi, vyo kowuwusa wubi muli Isilayeli.

Wukumbucize wo Wulajilize 22:24

ale, muwasolaje wose vyono wejete, muwategule kunze ye likaya, muwatowanje ne mabwe sunga wafwe. Muhinza yanojeye yawulagwe, vyono si yacenjile yaye ho yatuje wutazi. Na kumbe yali yali mwi'kaya, i hanhu hono i wanhu wali wamuhulice vyono yakucenga. Nayo mulume yuyo yawulagwe, vyono kagona no muhinza mubanywe. Na mu nzila yiyi, vyo kowuwusa u wubi muli nyenye.

Wukumbucize wo Wulajilize 24:7

“Munhu wo wose mono komuhiza nduguye Mwiisilayeli, no kumunoza yawe mwitumami wakwe, hamba kumuguza ku wuwanda, munhu yuyo yanojeye yawulagwe. Na mu nzila yiyo, vyo kowuwusa wubi we liwala lilino.

Walamuzi 20:13

Alu muwalavyanizaje i wanhu wabi wawo, wono wayamuye nghani yiyo mu Gibeya, nase ciwawulaje, ho ciwuse wubi wuwu mu Isilayeli. Ninga wene wanhu wo mulango wa Benyamini, hamba si wayicelelela bwete nghani yiyo ye Waisilayeli wayawo.