Wukumbucize wo Wulajilize 17:3 - Luganuzi Luswanu Kuli Wanhu Wose 2002

³ kabena cilagane, yakuhemba milungu yinji no kuyitumamila, lunji lizuwa, hamba mwezi, hamba nyelezi, si nhe lilajilizo lyo Muwaha Mulungu.

Wukumbucize wo Wulajilize 17:3 ပူးပေါင်းရင်းမြစ်များ

Mwamulizo 2:1

Ale, u wulanga ne yinze, hamonga ne vinhu vyose vyono vili mumo, vikawa vyakondya.

2 Watemi 21:3

Mwene yakazenga hanhu henji mu vigongo ha wukumbicilo we milungu, i hanhu hono u sogwe Hezekiya yali yakondya kuhamwagulanga hose. Kanyhi yakazenga sunga ne cikumbicilo ca Baali, yakasesa ne cihwani co mulungu we cicekulu Ashela, yakazinoza nha vyono Ahabu u mutemi wa Isilayeli yanoza. Manase, yakawa yakuzihemba sunga ne zinyelezi zose.

Wutuluce 22:20

No munhu wo wose mono komulavizya makumbiko mulungu wo wulambi, yalece kumulavizya Muwaha Mulungu du yali wene, munhu yuyo yongomezezwe lukulu.

Yelemiya 19:5

Kanyhi wakondya kumuzenjela Baali vikumbicilo vinji, vyono wowa kuwanyanyila i wana wawo mu moto, wawe likumbiko linyanywe kuli Baali. Ne nghani yiyi, yo nghani yono ane si nawalajiliza yaye, yo nghani yono nghali nehwesa na mu nhumbula yangu.

Yelemiya 32:35

Kanyhi wazenga vikumbicilo vya Baali, mwi'lolo lyo mwana wa Hinomu, no kuwalavya mumo makumbiko, i wana wawo we cilume na we cicekulu, kuli mulungu Moleki. Kumbe nane, si nawakombola wetume zizo. Na kanyhi hamba si nali nihwesize nha vyono wosuma kwituma nghani zono zinha zizo, no kuwanoza wanhu wa Yuda wetume wubi.”

Yelemiya 7:31

Kanyhi wakazenga cikumbicilo cono cacemwaga Tofeti, mwi'lolo lya Hinomu, ho wawalavye i wana wawo we cilume na we cicekulu, wawakongojeze mu moto. Ninga nane ho si nawalajiliza wetume zizo. Kanyhi ne nghani yiyo, yali yili musina muli'ne.

Yelemiya 8:2

Hanyuma geyagazwe caka mwi 'hala, gehwane mboleya ya mu migunda. Golokwanzalikwa he'zuwa, no mwezi, hamonga ne zinyelezi, vyono wene wali wavyendile no kuvitumamila, hamonga no kuvitumbila no kuvihemba.

Ezekiyeli 8:16

Hanyuma kanyhi, yakawa kusola, yakawa kunhegula sunga ko kwi'kumbo lya haciligati ye Nyumba yo Mulungu. Na baho naho, nghawawona wanhu waficile kotya nha wanhu makumi mejete na wahano nhavi, wemile behi no mulango we hanhu hono helile, haciligati ye cikumbicilo no mulango. Wali wemile wahapituciye migongo i hanhu hono helile, akuno wakugundama walanjile ku lubavu lwa kucilima wakulihemba lizuwa.

Wukumbucize wo Wulajilize 11:16

Holeka mwiyilanjililaje muno muno ho mulece kumuleka Muwaha Mulungu, no kuhemba milungu yinji, no kuyitumamila.

Wukumbucize wo Wulajilize 17:4

Na hono muzihulice zono zinha zizo, muziwuzilizaje mu yisi yose. Na hono yijele vyono nghani yiyi mbeka vyo yinha mu Waisilayeli.

Wukumbucize wo Wulajilize 4:19

Kanyhi mwilanjilile, mulece kukwegwa na vya ku wulanga, lizuwa, mwezi, ne zinyelezi, ho muvitumamile no kuvihemba. Muwaha Mulungu, u Mulungu wenyu, yawaleceye wanhu wanji vivyo vyose ho wavihembe.

Yoshuwa 23:16

Hono mulece kukamisa cilagane cono u Muwaha Mulungu, u Mulungu wenyu, yamulajilizenyi mucikamise. Na hono muyitumamile no kuyihemba milungu yinji, komulipicizizenyi mwi'kuwo lyakwe, nanye wose mokwajilila mbela ku wulawa mu yisi yiyi swanu, yono Muwaha Mulungu yamupelenyi.”