Wukumbucize wo Wulajilize 16:3 - Luganuzi Luswanu Kuli Wanhu Wose 2002

³ Na lono mukulya ndigwa yiyo, mulece kulya no mukate wono wina cisase. Nanye mojendelela kulya mukate wono wusina cisase vilo mupunghati, nha vyono mwanoza mwizuwa lilya, lono mwawucila musunho ku Misili. Ale muwulya wuwo mukate, nawo wocemwa mukate wo wugaye. Ho mutuje wukumbucile mu vilo vyose vyo wikale wenyu, we lizuwa lilyo lyono mwawucila ku Misili, i hanhu ho wugaye.

Wukumbucize wo Wulajilize 16:3 ပူးပေါင်းရင်းမြစ်များ

1 Watemi 22:27

Wuwalonjele wamudindile mu jela, wawe kumulisa mukate mukavu na malenga, sunga kono nilawuyila mholile.”

Zabuli 102:9

Na ku soko yo wukali we likuwo lyako, mavu gaweza nha yo ndigwa yangu,

Zabuli 111:4

Muwaha Mulungu nha kacikumbucizaga, ze metumo gakwe go wizine, Muwaha Mulungu muswanu, kanyhi yali lusungu.

Zabuli 127:2

Mulimo wenyu wa bwete. Mwilawaga kwinuka hakali mitondo, no kucela kugona, no kulya ndigwa ye lituguti. Hambi Mulungu nha kawapelaga vyose, wono yawendile lono wali mu nhongo.

Wutuluce 12:11

Kanyhi lono mukuyilya, muyilizaje ko musunho, akuno muvwalile ne myenda yenyu hamonga ne malatu genyu mu migulu, akuno mwina ne zinghome zenyu, mu miwoko yenyu. Yiyo yo sikukuu ye Pasaka yono yikulajila cogopo cenyu kuli'ne no Muwaha Mulungu.”

Wutuluce 12:17

Mweze kuyikumbucila sikukuu yiyi, ye mikate yono yisina cisase. Hambi nha lyo lizuwa lyono namuwusenyi nyenye mu yisi ya Misili. Holeka mu vilo vyose vyono vikuza, munojeye mulinozeze sikukuu lizuwa lili.

Wutuluce 12:39

Wakasola wusaje wuwulya wutiwe wono waza nawo ku wulawa ku Misili, wakateleka mikate yono yisina cisase. Hambi nha wawuka musunho musunho kuko ku Misili, hamba si watuga cilejeho co kuwikaniza ndigwa zawo, langa hono si wusaje wuwo du, wono wali wusina cisase wono wawuka nawo ku Misili. Wakawusola wuwo wakateleka mikate yono yisina cisase.

Wutuluce 12:8

Na mu cilo cico, woyikasika nyama yiyo mu moto, wayilye hamonga ne mikate yono yisina cisase, hamonga ne mboga ye mahanze yono yili cisungu.

Wutuluce 34:18

Muyikamisaje sikukuu ye mikate yono yisina cisase. Na mu vilo mupunghati, mwi'daha lyono lyawikwa, mu mwezi wa Abihu, mweze kulya mikate yono yisina cisase, nha vyono namulajilizenyi. Hambi mu mwezi wuwo, nha wo mwezi wono mwawucila mu yisi ya Misili.

Isaya 52:12

Ninga muhinzo wuwu, mowa musina soko yo kuwucila musunho, kanyhi mowa musina soko yo kwihema. Hambi u Muwaha Mulungu u Mulungu wenyu nha yo komutonjenyi no kumucitilenyi mbavu zose.

Walawi 23:6

Na mwi'zuwa lye likumi ne 'hano, i sikukuu yo mukate wono wusina cisase baho ho yowa kwanziza. Na mu vilo mupunghati, mulecele lukulu kulya mukate wono wina cisase.

Zakaliya 12:10

Kanyhi nowamemya Muhe wo lusungu no Muhe wo wulombe, wose we ndelo ya Dawudi, hamonga ne wanhu wose wa Yelusalemi. Nawo womulanga no kumulilila u munhu mono wamuwulaga, kanyhi womulilila cililo kotya nha wakumukalila u mwana we ciwene. Wolila ko wusungu wuwaha wowa kotya nha wono wamwajilize mwana wawo we ciwene hamba u mwana wawo umulongozi kulelwa.

Wuwale 28:17

Na mwi'zuwa lye likumi na yihano, sikukuu ye ci dini yikwanza, nayo yijendelele sunga vilo mupunghati. Na mu vilo vivyo, yeze kuligwa mikate yono yisina cisase du, yono yiwikanizwe so mulimo wuwo.

Wuwale 9:11

Ale, howuli wukombolwe wo kuyinoza Pasaka, kolo wakondya kupuluta mwezi monga, ku wuhalize we lizuwa lilyo. Ninga wuyinoze cinyamihe ca mwizuwa lye likumi na yine, lya mu mwezi we kejete. Wuyinozaje hamonga no mukate wono wusina cisase, hamba mboga zono zisina cisungu.

Luka 22:19

Hanyuma, yakasola mukate yakalumba yakawubegula, yakawapela, yakutya, [“Awu wo muwili wangu wono weza kulavywa ku soko yenyu, Mweze noza nha vivi so wukumbucila nene.”

1 Wakolinto 5:8

Holeka cinoze sikukuu mbaha, ninga yilece kuwa mu cisase acilya ce katali, i cisase co wubi no wavu, langa ku ndigwa yono si yisasize, i ndigwa yo wuswanu ne mbeka.

Wukumbucize wo Wulajilize 16:2

Holeka mu mwezi wuwo, munojeye mumuwulajile Pasaka Muwaha Mulungu, u Mulungu wenyu. Mumuwulajile ngholo na ng'ombe mu hanhu ho wuhembelo, ho mumupele cogopo Muwaha Mulungu, u Mulungu wenyu.

Wukumbucize wo Wulajilize 4:9

Holeka mwiyihenje nyo weneco! Kanyhi mwilanjilile mulece kuzisemwa zose zono muziwene ne meso genyu, mu vilo vyenyu vyose vyo wikale wenyu. Kanyhi munojeye muwalonjele zizi, wana wenyu, ne wezukulu zenyu,

1 Watesalonike 1:6

Nanye mukega u wuwe wetu, hamonga no kumwiga u Muwaha. Hamba muwe mwatuga wugaye, ninga mwayibocela nghani mu nyemo yono yikulawa mu Muhe Mono Yelile.

Yoshuwa 4:7

nanye ho molowalonjela vyono i malenga ga Yoludani, gakema gakaleka kuhuluma, mwi'zuwa lyono Lisanduku lye Cilagane lyo Muwaha Mulungu, lyalowocela mwi'kolongo. Kanyhi i mabwe gaga, gowa kuwakumbuciza wanhu Waisilayeli Cibitilila, zono zawejelela baho.”